YOSUA 2:9 - KITTA KAREBA MADECENG

⁹ sibawa makkeda lao ri mennang, “Uwisseng Puwangnge pura mabbéréyangngi wanuwaéwé lao ri iko. Sininna tauwé kuwaé métau lao ri iko.

YOSUA 2:9 ပူးပေါင်းရင်းမြစ်များ

KAJAJIYANG 35:5

Wettunna Yakub sibawa rombongang kaluwargana joppa, Allataala salipuriwi pabbanuwana kota-kotaé ri seddéna sibawa pappénedding métau, angkanna mennang dé' nalellungngi Yakub sibawa rombonganna.

2 SAMUEL 17:10

Na muwi sining tau iya kaminang baranié sibawa poré pada-pada singaé pasti métauto matu. Saba' sininna tau Israélié naisseng iyaro ambo'na Petta iyanaritu pahlawangngi, sibawa ana' buwana iyanaritu pajuwang-pajuwang iya baranié.

2 ARUNG-NGARUNG 5:15

Nainappa aléna silaong sininna pattinrona lisu lao ri Elisa. Nakkeda Naaman lao ri Elisa, “Uwissenni makkekkuwangngé, makkédaé risininna linoé banna engka séddi Allataala, iyanaritu Allataala iya nasompaé tau Israélié. Rimakkuwannanaro, tatarimani Puwang pabbérékué.”

2 ARUNG-NGARUNG 7:6

Saba' Puwangnge pura mébbui tau Siriaé méngkalingai oni pada-padaé paggasana séuwaé pasukang battowa iya makkinnyarangngé sibawa makkaréta. Iyaro sining tau Siriaé nasengngi arung Israélié purani naséwa arung Hét sibawa Maséré silaong tentarana untu' gasai mennang.

NEHEMIA 6:16

Wettunna naéngkalinga sining balitta ri yelle'na bangsa-bangsaé ri seddétaro, métauni mennang sibawa masiri, saba' naisseng maneng tauwé makkedaé iyaro jama-jamangngé ripogau'i sibawa pattulunna Allataala.

ESTER 8:17

Makkuwatoro ri tungke' kota sibawa propinsié, kégi-kégi sure' paréntana arungngé ribaca, marennuni sining tau Yahudié, massennas-sennang sibawa mappésta. Mala maéga polé ri pabbanuwaé iya mancajiyé warga bangsa Yahudi, nasaba métaui mennang lao ri bangsaéro.

AYUB 19:25

Uwisseng makkedaé ri surugaé engka Méwaika; angkanna poléi matu tulukka.

MAZMUR 112:10

Riitai ri tau majaé namancaji macaina; naggarettakengngi mennang isinna nasaba nacéccéi. Nainappa binasa mennang; teddénni amménasanna mennang untu' mannennungeng.

MAZMUR 115:16

Langié iyanaritu appunnangenna Puwangnge bawang, iyakiya linoé Nawéréngngi tolinoé.

ASSURENG 18:11

Uwissenni makkekkuwangngé makkedaé lebbi battowai Puwangnge naiya sininna déwataé, saba' iya manennaro napogau'i wettunna tau Maséré'é tinda sibawa matempo senna lao ri bangsa Israélié.”

ASSURENG 23:27

Bangsa-bangsa iya mulokkaiyé Uwébbui matu métau lao ri Iko; Upancajiwi matu mennang kajili-jili; sininna balimmu balé'i matu na lari.

PAKKATOBBA 8:12

Namuni sératu ja napogau' séddié tau madosa, tette'i tuwo mala malampé sunge'i. Karébanna, niga mapato ri Allataala, pasti pada magampangngi atuwonna.

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

YESAYA 23:5

Mala tau Maséré'é tassélengngi matu sibawa marukka rékko naéngkalingai makkedaé purani ripaccappu Tirus.

YEREMIA 27:5

“Nasibawang akuwasak-Ku iya battowaé nenniya nasibawang awatangek-Ku purani Upancaji linoé sibawa tolinoé nenniya sininna olokolo'é, naweddik-Ka mabbéréyangngi lao ri nigi-nigi iya Uwéloriyé.

NAHUM 2:10

Ancuru'ni Niniwé, masino-sino sibawa makabuttu. Makawani atié nasaba tau. Ténréni uttué sibawa mancaji malemma. Makawiya manenni tappana sininna tauwé.

ABBILANGENG 20:14

Napolé ri Kadés, kirinni Musa sining suro untu' mangolo ri arung Edom. Adanna mennang, “Idi poléki ri suku-suku Israélié iya engkaé mupa assisumpungeng assilessureng sibawa Puwakku. Naullé naisseng Puwakku asussang iya kennaékki.

ABBILANGENG 20:24

“Dé' matu nauttama Harun ri wanuwa iya puraé uwajjanciyang lao ri bangsa Israélié; matéi matu nasaba iko sipadduwa purai muwéwa paréntaku ri seddéna mata uwai Mériba.

MATIUS 20:15

Dé'ga naweddikka pogau'i siéloku lao ri appunnangekku? Iyaré'ga mangémpurukoga, nasaba makacuwaka?’ ”

ULANGENG 11:25

Ri sininna wanuwaéro naébbui matu Puwang Allataalamu sining tauwé métau lao ri iko pada-pada iya Najjanciyangngé, angkanna dé' muwi séddi tau mulléi lawa-lawaiko.

ULANGENG 2:25

Mappammulai essoéwé maélo-Ka mébbuko riyétauri ri bangsa-bangsaé kégi-kégi. Tungke' tau ténréi matu nataro tau rékko naéngkalingai passalemmu!’ ”

ULANGENG 28:10

Nasininna bangsaé ri linoé naitai matu makkedaé iko bangsa napiléna Puwangnge, sibawa naétauriko matu mennang.

ULANGENG 32:8

Wettunna Iya Pommatanré mattawangngi tanaé, tungke' bangsa ripattentuwangngi daérana sibawa séuwa déwata selaku panguwasana.

IBRANI 11:31

Nasaba mateppe' towi, na Rahab, iyaro makkunrai cakkuribangngé, dé' naccowé riyuno silaong sining tau iya méwaéngngi Allataala; saba' natarimai sibawa mabessa mata-matanna Israélié.

YOSUA 2:11

Riyéngkalingana iyaro curita-curitaé, métau senna'ni. Sininna tautta teddénni abaraningenna nasaba iko. Puwang Allataalamu tongengngi Allataala Iya Pommakuwasaé ri langié sibawa ri tanaé.

YOSUA 2:24

Nainappa makkeda, “Pasti nabbéréyang Puwangnge sininna tanaéro lao ri idi; sininna tauwé kuwaro métau lao ri idi.”

YOSUA 2:8

Iyaro wennié ri wettu dé'napa namatinro iya duwa tau mata-mata Israéliéro, laoni Rahab ri rakkiyangngé,

YOSUA 5:1

Sininna arunna Amori ri seddé yajanna Salo Yordan, sibawa sininna arunna Kanaan ri wiring Tasi Tengngaé naéngkalingani makkedaé purani narakkoi Puwangnge Salo Yordan ri wettu nalléttoinna umma Israélié iyaro saloé. Namétauna mennang sibawa takkini-kini nasaba tau Israélié.

YOSUA 6:2

Makkedai Puwangnge lao ri Yosua, “Makkekkuwangngé Uwérékko Yérikho sibawa arunna nenniya sininna tentarana iya barani-baraniéro.

YOSUA 9:10

sibawa passalenna aga iya Napogau'é lao ri iya duwa arung Amorié ri seddé alauna Yordan, iyanaritu Sihon arung Hésybon sibawa Og arung Basan iya monroé ri Asytarot.

YOSUA 9:24

Nappébali mennang, “Kédo makkuwaki'ro nasaba riyéngkalingai makkedaé Puwang Allataala iya nasompaé Bapa' pura nasuroi Musa, atan-Naro, mpéréngngi Bapa' sininna wanuwaéwé enrengngé mpunoi sininna pabbanuwana ri wettunna Bapa' malai iyaro tanaé. Métau senna'ki rékko riyunoki, iyanaro saba'na tapogau'i iya manennaé.

YOSUA 9:9

Nappébali mennang, “Poléki ri wanuwa iya mabéla senna'é, Pa', nasaba riyéngkalingai passalenna Puwang Allataala iya nasompaé Bapa'-bapa'. Riyéngkalingai sininna iya Napogau'é ri Maséré,

HAKING-HAKING 7:14

Nappébali silaonna, “Wah, pasti iyaro peddanna Gidéon ana' Yoas, tau Israéliéro! Bettuwanna Allataala pura mpéréngngi apakalang lao ri tau Midiangngé sibawa sininna tentarata!”