YOSUA 16:3 - KITTA KAREBA MADECENG

³ Polé kuwaro iyaro jorié mattujui lao ri yajang daérana appanna Yaflét, lettu ri Bét-Horon-Toddang, matteru ri Gézer, nainappa maccappa ri Tasi Tengngaé.

YOSUA 16:3 ပူးပေါင်းရင်းမြစ်များ

1 TAWARIKH 20:4

Siyagangngaré wettu puranaro mammususi méwai tau Filistingngé ri Gézer. Ri laleng sala séddinna ammusurengngéro Sibkhai tau Husaé mpunoi séddi rassasa riyaseng Sipai. Nacauna tau Filistingngé.

1 TAWARIKH 7:24

Efraim mappunnai ana' makkunrai iya riyasengngé Seera. Aléna ritu patettongngi kota-kota Bét-Horon Toddang sibawa Bét-Horon Yasé', enrengngé kota Uza sibawa Seera.

1 TAWARIKH 7:28

Daéra iya riyabbéréyangngé untu' mancaji onrong naonroiyé mennang iyanaritu polé ri Bétel lettu sibbéla Naaran ri seddé alau, sibawa Gézer ri seddé yajang enrengngé désa-désaé ri seddéna kota-kotaéro. Ri laleng daéraéro muttama toni kota Sikhem sibawa Aya, enrengngé désa-désaé ri mattulilinna.

2 TAWARIKH 8:5

Napatettongngi paimeng kota Bét-Horon-Yasé sibawa Bét-Horon-Yawa mancaji kota mabbénténg sibawa gerbang iya taccala'é tange'na.

ABBILANGENG 34:6

Tasi Tengngaé selaku pakkaséséng wanuwammu ri tibang yajang.

YOSUA 10:33

Horam, arunna Gézer polé bantui Lakhis, iyakiya Yosua caui sibawa tentarana; dé' muwi séddi tau iya nasésaé, maté maneng.

YOSUA 18:13

Iyaro jori pakkaséséngngé matterui towi lao ri émpeng seddé yattanna Lus (iya lebbi riissengngé selaku Bétel), nainappa nonno ri Atarot-Adar ri bulu seddé yattanna Bét-Horon-Toddang.

1 SAMUEL 13:18

rombongang maduwaé mattujui ri Bét-Horon, na rombongang iya séddiéssi mattujui ri pakkaséséng iya mangoloé ri Lompo Zéboim sibawa padang kessi'é.