YOSUA 11:2 - KITTA KAREBA MADECENG

² lao risining arungngé ri bulué bagiyang manorang, ri Lompo Yordan seddé yattanna Galiléa, ri daéra pong bulué, sibawa ri daéra wiring tasi'é ri seddéna Dor.

YOSUA 11:2 ပူးပေါင်းရင်းမြစ်များ

1 ARUNG-NGARUNG 15:20

Nasitujuini Bénhadad iyaro pattawaé nanasuroi parawira-parawirana silaong pasukanna mennang gasai kota-kotana Israélié. Nacauni mennang Iyon, Dan, Abél-Bét-Maakha sibawa Kinérot ri seddéna Tappareng Galiléa enrengngé ri sininna daérana Naftali.

ABBILANGENG 34:11

Polé kuwaro nonno ri Ribla ri seddé alauna Ain, nainappa matteru lao ri bulu-bulué ri wiring alauna Tappareng Galiléa,

LUKAS 1:39

Dé' namaitta puranaro, laoni Maria riséuwaé kota ri Yudéa ri daéra buluna.

LUKAS 5:1

Riséuwaé wettu, tettongngi Yésus ri wirinna Tappareng Génésarét. Maéga tau siredde-redde untu' méngkalingai karéba polé ri Allataala.

YOSUA 10:40

Napatunru'ni Yosua sininna wanuwaéro. Nacauni sining arungngé ri daéra bulué, ri émpeng-ngémpeng bulué ri seddé alau, ri pong bulué ri yajang, sibawa ri padangngé ri yattang. Dé' muwi séddi tau iya rileppessangngé tuwo; riyuno maneng. Iyaro siturui sibawa parénta polé ri Puwangnge, Allataalana Israélié.

YOSUA 10:6

Nakirinni sining tau Gibéongngé iyaé karébaé lao ri Yosua ri akkémangngé ri Gilgal, “Aja' muleppessakki alé-alé, Pa'! Laoni mai masitta tulukki, saba' tentara polé ri sininna arung Amorié ri daéra bulué siyempe'ni méwaki!”

YOSUA 11:16

Nasittaini Yosua sininna wanuwaéro – daéra buluna, daéra pong bulué, muwi ri manorang iyaré'ga ri yattang; makkuwatoro sininna daérana Gosyén sibawa daéra padang makabuttué ri bagiyang yattanna Gosyén, nenniya Lompo Yordan.

YOSUA 11:21

Ri wettuéttonaro nalao Yosua paccappui bangsa Enak-é, iyanaritu bangsa rassasa iya monroé ri daéra bulué – ri Hébron, Débir, Anab, sibawa sininna daéra buluna Yéhuda nenniya Israélié. Riyuno maneng ri Yosua, sibawa kota-kotana mennang ripaccappu.

YOSUA 12:3

makkuwatoro nassanraiwi daérana Lompo Yordan bagiyang alau, polé ri Tasi Galiléa lao ri yattang lettu ri Bét-Yésimot (seddé alauna Tasi Maté), matteru lao ri pong Bulu Pisga.

YOSUA 13:27

Ri Lompo Yordan, daérana suku Gadro nassanraiwi Bét-Haram, Bét-Nimra, Sukot, sibawa Zafon, iyanaritu sésana daéra akuwasanna Arung Sihon ri Hésybon. Pakkaséséng bagiyang yajanna daérana suku Gadro iyanaritu Salo Yordan lettu sibbéla Tappareng Galiléa ri seddé manorang.

YOSUA 17:11

Ri laleng daérana Isakhar sibawa Asyer engka tana-tana appunnangenna Manasyé, iyanaritu: Bét-Séan nenniya Yibléam sibawa désa-désaé ri seddéna. Makkuwatoro: Dor (kota iya monroé ri wiring tasi'é), En-Dor, Taanakh, Mégido sibawa désa-désaé ri seddéna.

HAKING-HAKING 1:27

Suku Manasyé dé' napaddésu'i pabbanuwana kota Bét-Séan, Taanakh, Dor, Yibléam sibawa Mégido silaong sining kampongngé ri seddéna. Jaji tau Kanaangngé tette'i monro kuwaro.