YOSUA 11:1 - KITTA KAREBA MADECENG

¹ Wettunna naéngkalinga Arung Yabin polé ri Hazor passalenna sining apakalanna Israélié, suroni tau lao ri Arung Yobab polé ri kota Madon, lao risining arunna kota Simron sibawa Akhsaf,

YOSUA 11:1 ပူးပေါင်းရင်းမြစ်များ

2 SAMUEL 10:15

Namaingekini tau Siriaé makkedaé ricauni mennang ri tau Israélié, rimakkuwannanaro naobbini sininna pasukanna kuwammengngi naddeppungeng paimessi.

1 ARUNG-NGARUNG 9:15

Napakéi Salomo cara majjama tarapassaé untu' patettongngi Bolana Puwangnge, saorajana arungngé, témbo'na Yérusalém sibawa untu' tébungiwi tana seddé yattanna Bolana Puwangnge. Napakéi cara iya padaé untu' patettongngi paimeng kota Hazor, Megido sibawa Gézer. (

2 ARUNG-NGARUNG 15:29

Ri wettu apparéntanna Pékah, Tiglat-Piléser arung Asyur sittaiwi kota Iyon, Abél-Bét-Maakha, Yanoah, Kédés, Hazor, daérana Giléad, Galiléa sibawa Naftali. Natiwi towi pabbanuwana selaku tawangeng lao ri Asyur.

YESAYA 26:11

Puwang, sadiyano hukkungngi balim-Mu, iyakiya dé' naissengngi mennang. Leppessangngi mennang masiri senna mitai pammasé-Mu untu' umma'-Mu. Leppessangngi mennang cappu ancuru polé ri pahukkungeng iya Mupassadiyangengngéngngi mennang.

YESAYA 43:2

Rékko léttoko uwai, Usibawakko matu, dé' mutallémme matu ri laleng asukkarakemmu. Rékko molako api, dé' mumangu matu, paccobang-paccobang matane'é dé' nacilakaiko matu.

YOSUA 10:43

Purairo, lisuni Yosua sibawa tentarana ri akkémangngé ri Gilgal.

YOSUA 11:10

Purairo lisuni Yosua, nainappa nasittai Hazor iya wettuéro iyanaritu kaminang mawatangngé ri yelle'na sininna akkarungengngé kuwaro. Natunui iyaro kotaé, nanaunoi arunna sibawa sininna pabbanuwana; dé' muwi séddi tau naleppessang tuwo.

YOSUA 19:36

Adama, Rama, Hazor,

YOSUA 9:2

Sininna arungngéro sipekke'ni nenniya siyempe untu' musui Yosua sibawa umma Israélié.

HAKING-HAKING 4:17

Na wettuéro larini Siséra lao ri kémana Yaél, bainéna Héber, tau Kéniéro. Saba', Arung Yabin polé ri Hazor massellaowi sibawa kaluwargana Héber.

HAKING-HAKING 4:2

Narileppessanna mennang ricau ri Yabin, arung Kanaan iya malaé tudangeng ri kota Hazor. Pallima tentarana iyanaritu Siséra iya monroé ri Harosét-Hagoyim.

HAKING-HAKING 5:19

Ri Taanakh, seddéna saloé ri Megido, mammusui sining arungngé, méwai sining arung Kanaan, iyakiya péra'é dé'gaga natiwi mennang selaku rirappa.