YOSUA 10:6 - KITTA KAREBA MADECENG

⁶ Nakirinni sining tau Gibéongngé iyaé karébaé lao ri Yosua ri akkémangngé ri Gilgal, “Aja' muleppessakki alé-alé, Pa'! Laoni mai masitta tulukki, saba' tentara polé ri sininna arung Amorié ri daéra bulué siyempe'ni méwaki!”

YOSUA 10:6 ပူးပေါင်းရင်းမြစ်များ

YOSUA 9:6

Ri laleng keadaang makkuwaéro laoni mennang méwai sita Yosua ri akkémangngé ri Gilgal nainappa makkeda lao ri Yosua sibawa tau Israélié, “Poléki ri wanuwa iya mabélaé maélo mébbu assijancing sibawa Bapa'-bapa'.”

YOSUA 5:10

Ri wettu makkémana ri Gilgal ri tanété seddéna Yérikho, naramé-raméini umma Israélié Paskaé ri arawénna tanggala seppulo eppa ulengngéro.

LUKAS 1:39

Dé' namaitta puranaro, laoni Maria riséuwaé kota ri Yudéa ri daéra buluna.

YESAYA 33:22

Sininna passakke'na ri kappala'na mennang dé'gaga gunana; sining sompe'na dé' naulléi pallebba'i! Sininna asugirenna balié tarampasa'i matu, namaéga senna jumellana, angkanna muwi tau péso'é makkétawato. Aléna Puwangnge mancaji arutta matu; mapparéntai matu, napatettongngi hukkungngé sibawa passalama'ki polé ri balié.

MAZMUR 125:2

Pada-pada sining bulué linrungiwi Yérusalém, makkuwaniro Puwangnge linrungiwi umma'-Na makkekkuwangngé sibawa mannennungeng.

2 ARUNG-NGARUNG 4:24

Purana napasang lapi-lapi'é ri kaleddé'éro, makkedani lao ri pattumaninna, “Palariwi iyaé kaleddé'é kuwammengngi nalari siggatti-gattina; aja' mukurangiwi gattina rékko dé' uwassurowangngi.”

YOSUA 9:15

Mébbuni Yosua assijancing assisellaong sibawa sining tau Gibéongngéro, sibawa majjanci untu' dé' naunoi mennang. Mattanro toni sining pamimpinna umma Israélié untu' rupaiwi iyaro assijancingngé.

ULANGENG 1:15

Rimakkuwannanaro ri yelle'na sining pamimping iya mupilé, siyagangngaré tau iya mapanré sibawa maégaé pengalamanna uwalai sibawa uwakkai untu' kapalaiko. Siyagangngaré ripancaji pamimping sisebbu tau, iya laingngé sératu tau, limappulo tau sibawa seppulo tau. Makka towi pamimping-pamimping laing untu' murusu'i suku-sukummu.

ABBILANGENG 13:29

Tau Amalé'é monroi ri bagiyang yattanna wanuwaéro; tau Hét-é, Yébus-é sibawa Amorié monroi ri daéra mabbulu-bulué; na tau Kanaangngé monroiwi daéra mattuttung wiring tasi'é sibawa mattuttung wiwing Salo Yordan.”

YOSUA 10:5

Na iya lima arung Amoriéro, iyanaritu, arung Yérusalém, Hébron, Yarmut, Lakhis sibawa Eglon siyempe'ni, nainappa nasibawang sininna tentarana, nakeppunni mennang sibawa nagasana Gibéon.

YOSUA 10:7

Nainappa Yosua sibawa sininna tentarana, muttama'ni sining pasukanna iya kaminang makessingngé, joppa polé ri Gilgal untu' mammusu.

YOSUA 9:8

Makkedani mennang, “Macennikki pogau'i agi-agi iya tapparéntangngé Pa'.” Nakkutana Yosua lao ri mennang, “Nigako? Sibawa polé ri wanuwa niga?”