YOSUA 1:4 - KITTA KAREBA MADECENG

⁴ Mallebbangngi matu daéramu polé ri padang kessi'é ri yattang lettu ri Buluna Libanon ri manorang sibawa Salo Efrat iya maloppoéro ri alau matteru mattemmuiwi wanuwanna bangsa Hét-é lettu ri Tasi Tengngaé ri yajang.

YOSUA 1:4 ပူးပေါင်းရင်းမြစ်များ

1 ARUNG-NGARUNG 10:29

sibawa karéta-karéta musué ripakangkai polé ri Maséré. Ellinna séddi anyarangngé 150 dowi péra', sibawa ellinna karéta musué 600 dowi péra'. Nainappa naola towi sining pangusahaéro iyaro sining anyarangngé sibawa karéta musué nabalu'i paimeng lao ri arung-ngarung Hét-é sibawa arung-ngarung Siriaé.

1 ARUNG-NGARUNG 4:21

Tungke' kaluwarga mappunnai palla anggoro sibawa palla ara. Gangka tuwona Salomo ra'ya'é ri sininna Yéhuda sibawa Israélié polé ri Dan lettu ri Bersyéba tuwoi amang sibawa masennang. Saba' sininna arungngé ri seddé yajanna Efrat tunru'i ri aléna, sibawa sininna bangsaé polé ri wanuwa-wanuwaé ri seddé akkarungenna massellaowi sibawa aléna. Tanaé ri seddé yajanna Salo Efrat polé ri Tifsah ri wirinna Salo Efrat matteru liyajang ri kota Gaza ri Filistin lettu ri pakkasésénna Maséré, iya manenna nakuwasaiwi Salomo. Bangsa-bangsaé ri wanuwaéro tunru'i ri aléna sibawa makkamaja pakkasuwiyang. Barab-barang inanré iya napparelluwangngé Salomo tungke' esso iyanaritu 5.000 bang labbu nenné, sibawa 10.000 bang labbu kasara', 10 saping ripangkung, 20 saping ri padangngé, sibawa 100 bimbala. Ri lainnaéro, jongato, palando sibawa manu'-manu'.

1 TAWARIKH 18:3

Nainappa Daud caui Hadadézer, arungngé ri Zoba seddéna daéra Hamat ri wanuwa Siria. Iyaro wettué Hadadézer mattengngangngi ri laleng allalengengngé untu' makuwasaiwi daéra seddéna ulunna Salo Efrat.

1 TAWARIKH 5:9

Mappunnaiwi mennang maéga senna olokolo ri daéra Giléad. Rimakkuwannanaro, naonroiwi mennang daéra seddé alauna lettu ri padang kessi iya mallebba'é sibbéla Salo Efrat.

EZRA 4:20

Engka naengka napparénta arung-ngarung iya poré kuwaro sibawa makuwasaiwi sininna propinsi Efrat Yajang enrengngé pajoppai sima sibawa pakkasuwiyang.

ASSURENG 23:31

Pakkaséséng-pakkasésénna wanuwammu Upattentui matu polé ri Séppang Akaba lettu ri Salo Efrat, sibawa polé ri Tasi Tengngaé lettu ri padang kessi'é. Uwérékko akuwasang ri yasé'na pabbanuwana wanuwaéro, angkanna mulléi paddésu'i mennang wettummu maju sittaiwi tanaéro.

ULANGENG 1:7

Makkekkuwangngé bongkara'ni akkémammu namulao ri daéra buluna tau Amorié sibawa risininna daéra ri seddéna, iyanaritu Lompo Yordan, daéra mabbulu-bulué sibawa tanété mariyawaé, daéra ri seddé yattang sibawa wirinna Tasi Tengngaé. Laono mutudangiwi tana Kanaan sibawa Buluna Libanon lettu ri salo battowaé Efrat.

ULANGENG 11:24

Tungke' daéra iya muléjja'é mancajiwi matu appunnangemmu. Mallebba'i daéramu polé ri padang kessi'é ri yattang lettu ri Buluna Libanon ri manorang, sibawa polé ri Salo Efrat ri alau lettu ri Tasi Tengngaé ri yajang.

ULANGENG 3:25

Palalona malléttoi Salo Yordan, oh Puwang, untu' mitai wanuwa iya macomo'é ri liweng, daéra bulu iya magelloé sibawa Buluna Libanon.

WAHYU 9:14

Iyaro saddaé makkedai lao ri malaéka' ennengngéro, “Leppessangngi iya eppa malaéka' iya tassiyoé ri Salo Efratro!”