YOSUA 1:1 - KITTA KAREBA MADECENG

¹ Maténana Musa, atanna Puwang-ngéro, mabbicarani Puwangnge lao ri wakkélé'na Musa, iyanaritu Yosua ana' Nun.

YOSUA 1:1 ပူးပေါင်းရင်းမြစ်များ

1 ARUNG-NGARUNG 19:16

Pogau' towi makkuwaéro lao ri Yéhu ana' Nimsi, kuwammengngi namancaji arunna Israélié, sibawa lao ri Elisa ana' Safat polé ri Abél-Méhola, kuwammengngi namancaji nabi sulléiko.

2 ARUNG-NGARUNG 3:11

Nakkutana Arung Yosafat, “Dé'ga gaga kuwaé nabi iya weddingngé makkutanangekki ri Puwangnge?” Sala séddinna parawirana Arung Yoram mappébali, “Engka Elisa ana' Safat! Pabbantunnai riyolo Elia.”

NEHEMIA 8:17

Sininna ra'ya' iya lisuénna polé ri appalirengngéro naébbuni kalampang-kalampangngéro, nainappa monro kuwaro. Iyanaé bunge' pammulanna ripogau' gau'éro sipongenna Yosua ana' Nun, namasennang manenna sibawa mariyo-riyo.

ASSURENG 24:13

Nasadiya-sadiyana Musa dibawa Yosua pabbantunna na Musa tuppuiwi bulu onronna Puwang-ngéro.

ABBILANGENG 11:28

Yosua ana' Nun, iya bantuéngngi Musa sipongenna kallolona mupa, makkeda lao ri Musa, “Suroi mennang mappésau Pa'!”

ABBILANGENG 12:7

Iyakiya dé' nakkuwaro sibawa atak-Ku Musa. Aléna ritu tau iya matinulué ri yelle'na umma'-Ku.

ABBILANGENG 13:16

Iyanaro mata-mata iya nasuroé Musa untu' mitai iyaro wanuwaé. Hoséa ana' Nun risulléi asenna ri Musa mancaji Yosua.

LUKAS 16:10

Tau iya weddingngé riyatepperi ri laleng gau'-gau' iya baiccu'é, wedding towi riyatepperi ri laleng gau'-gau' iya battowaé. Iyakiya tau iya dé'é nawedding riyatepperi ri laleng gau'-gau' iya baiccu'é, dé'to nawedding riyatepperi ri laleng gau'-gau' battowaé.

RIWAYA'NA RASUL-RASUL-E 7:45

Nainappa iyaro kémaé natiwii néné-nénéta wettunna mennang sibawa Yosua lao sittaiwi wanuwattaé polé ri akuwasanna bangsa-bangsa iya napaddésu'é Allataala ri yolona mennang. Iyaro kémaé engkai kuwaro lettu wettunna Daud.

ROMA 1:1

Saudara-saudara iya maneng ri Roma iya namaséiyé Allataala sibawa iya puraé naobbi Allataala untu' mancaji umma'-Na. Allataala pura piléka sibawa makkaka banna untu' mabbirittangngi Karéba Madécéng polé ri Allataala.

ULANGENG 1:38

Iyakiya pakkasse'i atinna pabbantummu, Yosua ana' Nun. Aléna ritu pimpingngi matu Israélié sittaiwi tanaéro.’

ULANGENG 31:23

Nanabbicara Puwangnge lao ri Yosua, ana' Nun, adan-Na, “Sitinajako pakkasse'i atimmu sibawa barani, Yosua! Mupimpingngi matu bangsa Israélié muttamakiwi wanuwa iya Uwajjanciyangngé lao ri mennang, na maélo-Ka tulukko.”

ULANGENG 31:3

Aléna Puwang Allataalamu joppa matu ri yolomu sibawa paccappui bangsa-bangsa iya monroé kuwaro, angkanna muwulléi tudangiwi wanuwanna mennang. Yosua matu mancaji pamimpimmu, pada-pada napowadaé Puwangnge.

ULANGENG 33:1

Ri wettu dé'napa namaté, Musa, surona Allataala, barakkakiwi bangsa Israélié sibawa ada-adaéwé:

ULANGENG 34:12

Dé' gaga pogau' sining pangkaukeng héba'é sibawa maseroé pada-pada iya napogau'é Musa ri yolona sininna bangsa Israélié.

ULANGENG 34:5

Namaténa Musa atanna Puwangnge ri tana Moab, pada-pada napowadaé Puwangnge riyolona.

ULANGENG 34:9

Puwangnge pateppaiwi Yosua ana' Nun apanréng nasaba purani najello Musa mancaji passulléna. Mapatoi bangsa Israélié ri Yosua sibawa pajoppai sining parénta iya riwéréngngéngngi ri Puwangnge naolai Musa.

TITUS 1:1

Ana'ku Titus! Iyya, Paulus, mokii iyaé sure'é selaku atanna Allataala sibawa rasulna Yésus Kristus. Ripiléka sibawa risuro untu' tulungngi sining tau napilé Allataala kuwammengngi namancaji mawatang ri laleng teppe'na mennang. Harusu tokka pimpingngi mennang kuwammengngi naissengngi pappagguruwang iya tongengngé iya nappagguruwangngé agamata.

YAKOBUS 1:1

Saudara-saudara umma'na Allataala iya tassiya-siyaé ri sininna linoé! Sellekku, iyya, Yakobus, atanna Allataala sibawa atanna Puwang Yésus Kristus.

YOSUA 1:15

Harusu'ko tulungngi mennang narapi mennang natudangi tana ri seddé yajanna Salo Yordangngé iya nabbéréyangngé Puwang Allataalamu lao ri mennang. Puranana nabbéréyang Puwangnge atennangengngé lao ri sininna bangsa Israélié, nappako wedding lisu ri tanamu ri seddé alauna Yordangngé, iya nawéréngngékko Musa atanna Puwang-ngéro.”

YOSUA 1:2

Makkedai Puwangnge, “Maténi atak-Ku Musa. Makkekkuwangngé makessingenni iko sibawa sininna umma Israélié sadiya-sadiya untu' malléttoiwi Salo Yordan, sibawa muttamakiwi wanuwa iya Uwabbéréyangngé lao ri mennang.

YOSUA 12:6

Iyanaro duwa arung iya nacaué Musa silaong bangsa Israélié. Tanana iyaro sining arungngé nabbéréyanni Musa, atanna Puwangnge, lao ri suku Rubén, Gad sibawa sitengngana suku Manasyé, untu' mancaji tana appunnangenna mennang.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.