YOHANES 7:6 - KITTA KAREBA MADECENG

⁶ Nakkeda Yésus lao ri mennang, “Dé'pa narapii wettuk-Ku, iyakiya untu' iko, tungke' wettu wedding.

YOHANES 7:6 ပူးပေါင်းရင်းမြစ်များ

YOHANES 7:8

Laono alé-alému ri ramé-raméro. Iyya dé' ulao saba' dé'pa narapii wettunna untu' alé-Ku.”

YOHANES 2:4

Nappébali Yésus, “Indo', aja' musuro-Ka. Dé'pa narapii wettunna Uwappaddissengeng alé-Ku.”

YOHANES 7:30

Iyatoro wettué namacinna tikkengngi Yésus, iyakiya dé'gaga barani makkatenningngi, nasaba dé'pa narapii wettunna.

YOHANES 17:1

Purana makkeda makkuwaro, congani Yésus ri langié makkeda, “Ambo', narapini wettunna makkekkuwangngé. Pakarajani Ana'-Mu, kuwammengngi na Ana'-Mu napakaraja towi Ambo'é.

YOHANES 13:1

Siesso riwettu dé'napa na Esso Maraja Paskaé, naissenni Yésus makkedaé narapini wettunna Yésus salaiwi linoéwé untu' lisu ri Ambo'-Na. Namaséiwi sining tau iya mancajiyé appunnangen-Na ri linoé, natette'i namaséi mennang lettu paccappureng.

YOHANES 8:20

Iya manennaro napowadai Yésus wettunna mappagguru ri Bolana Allataala ri seddéna petti-petti dowi pakkasuwiyangengngé. Iyakiya dé' muwi séddi tau tikkengngi, saba' dé'pa narapii wettunna.

MATIUS 26:18

Nappébali Yésus, “Laono riséddié tau ri kotaé namuwakkeda ri aléna, ‘Adanna Pa' Guru, narapini wettukku maélo-Ka ramé-raméiwi Paskaé ri bolamu silaong ana'-ana' guruk-Ku.’ ”

RIWAYA'NA RASUL-RASUL-E 1:7

Nappébali Yésus, “Aléna Ambo'-Ku pattentui esso sibawa wettunna. Iyaro dé' naparellu muwisseng, saba' iyaro ha'na Ambo'é.

MAZMUR 102:13

Iyakiya Iko, oh Puwang, Arung untu' mannennungeng, tette'i riyéngngerang massossoreng.