YOHANES 7:4 - KITTA KAREBA MADECENG

⁴ Dé'gaga tau subbui matu aga iya napogau'é, rékko maéloi tarompo. Rékko Mupogau'i gau'-gau' pada-padaéro, naissengngi sininna linoé!” (

YOHANES 7:4 ပူးပေါင်းရင်းမြစ်များ

1 ARUNG-NGARUNG 22:13

Na wettuéro suro iya duppaiyéngngi Mikha, makkedani lao ri Mikha, “Sininna nabi iya laingngé botoi apakalang untu' arungngé. Tennapodo Bapa' boto towi iya makessingngé pada-pada mennang.”

MATIUS 23:5

Sininna napogau'é mennang banna untu' naita tauwé bawang. Nattungka mennang paké tulu sempajang iya malebba'é sibawa palampériwi jombé-jombé jumbana mennang!

MATIUS 4:6

Nainappa makkeda Ibillisi' lao ri Yésus, “Ana' Allataala-Koto? Rékko makkuwaitu luppe'no; saba' ri laleng Kitta'é engka taroki makkuwaéwé, ‘Nasuroi matu Allataala malaéka'-malaéka'-Na linrungi-Ko, naduppai-Ko matu mennang sibawa limanna mennang, kuwammengngi nadé' nataggéssa ajé-Mu ri batué.’ ”

MATIUS 6:16

“Rékko mappuwasako aja' mupajjameru'i rupammu pada-pada tau iya pojiyéngngi majjaiwi. Napinrai mennang rupanna kuwammengngi sininna tauwé naissengngi makkedaé mappuwasai mennang. Engngerangngi, iyanaro sarona pura natarima mennang.

MATIUS 6:5

“Rékko massempajakko, aja' mupada pada tau iya majjaiyéngngi. Napoji mennang massempajang sibawa tettong ri bola assompangngé enrengngé ri pékka lalengngé kuwammengngi nariita ri tauwé. Engngerangngi iyanaro sarona natarima mennang.

LUKAS 6:45

Tau iya makessingngé passui gau'-gau' makessingngé nasaba pennoi atinna sibawa akessingeng. Tau iya majaé passui gau'-gau' iya majaé nasaba pennoi atinna sibawa majaé. Saba' aga napowada témué tabbollongngi polé ri atié.”

YOHANES 18:20

Nappébali Yésus, “Tuli mabbicara-Ka terus terang ri yolona tau maégaé. Tuli mappagguru-Ka risining bola assompangngé sibawa ri Bolana Allataala, onronna biyasa maddeppungeng tau Yahudié. Dé' naengka Uwakkedada sibawa usubbu-subbu.

YOHANES 7:3

Nakkeda silessu-silessurenna Yésus lao ri Aléna, “Salaini iyaé onrongngé namulao ri Yudéa, kuwammengngi na ana'-ana' gurum-Mu weddingngi naitato jama-jamam-Mu.

YOHANES 7:5

Saba' silessu-silessuren-Na dé'to namateppe' ri Aléna.)