YOHANES 7:1 - KITTA KAREBA MADECENG

¹ Purairo, lao tulilini Yésus ri Galiléa. Dé' namaélo lao ri daéra Yudéa saba' sining panguwasana Yahudié kuwaro maéloi mpunoi.

YOHANES 7:1 ပူးပေါင်းရင်းမြစ်များ

YOHANES 4:3

Wettunna naisseng Yésus makkedaé naéngkalingani sining tau Farisié passalenna gau'éro, lisuni ri Galiléa polé ri Yudéa.

MATIUS 21:38

Iyakiya wettunna iyaro sining pajjama dare' anggoro'é naita ana'na punna tanaéro, makkedani mennang séddié lao ri laingngé, ‘Iyanaé ahli warisi'na. Laono mai taunoi, kuwammengngi narilolongeng warisi'na!’

YOHANES 7:19

Dé'ga napura Musa mpérékko parénta-paréntana Allataala? Iyakiya ri yelle'mu dé'gaga turusiwi parénta-paréntaéro. Magi mumaélo mpuno-Ka?”

MATIUS 10:23

Rékko ripanrasa-rasako riséddié kota, lariko ri kota rappina. Upaissengiko: Riwettu dé'napa napura maneng mujoppai kota-kotana Israélié, engkani polé Ana'na Tolinoé.

RIWAYA'NA RASUL-RASUL-E 10:38

Muwissenni makkedaé Allataala pura piléi Yésus tau Nazarét-éro sibawa mpéréngngi Rohna Allataala nasibawang akuwasang. Muwisseng toni makkedaé iyaro Yésus laowi kégi-kégi untu' pogau' décéng; napajjappa manengngi tau nakuwasaiyé Ibillisi', saba' Allataala sibawangngi.

YOHANES 4:54

Iyanaro anu makalallaing maduwaé iya napogau'é Yésus ri Galiléa polénana ri Yudéa.

YOHANES 1:19

Sining panguwasa Yahudié ri Yérusalém nasuroi imang-ngimangngé sibawa sining tau Léwié lao ri Yohanés sibawa makkutanangngi ri aléna, “Niga ikoé?”

YOHANES 8:40

Upalettukekko atongengeng iya Uwéngkalingaé polé ri Allataala, iyakiya iko maéloko mpuno-Ka. Abraham dé' napogau'i makkuwaéro!

YOHANES 8:37

Mémeng Uwissekko wija-wijanna Abraham. Iyakiya maéloko mpuno-Ka, nasaba dé' mumaélo tarimai pappagguruwak-Ku.

YOHANES 7:25

Nainappa engka siyagangngaré tau Yérusalém makkeda, “Tenniyaga iyanaé taunna iya mattengngangngé risappa untu' riyuno?

MARKUS 11:18

Naéngkalingani sining kapala imangngé sibawa guru-guru agamaé. Nappammulana sappa laleng untu' mpunoi Yésus. Métauni mennang ri Aléna, nasaba sininna tauwé hérang maneng méngkalingai pappagguruwan-Na.

YOHANES 6:1

Siyagangngaré wettu ri munrinna, laoni Yésus ri liwenna Tappareng Galiléa, iya riyasengngétto Tappareng Tibérias.

YOHANES 7:11

Sillampé ramé-raméro, sining panguwasana Yahudié sappai sibawa makkutana-kutana, “Kégani?”

YOHANES 7:13

Iyakiya dé' séddi tau barani mabbicara terus-terang passalenna Aléna saba' métaui risining tomakuwasana Yahudié.

YOHANES 7:35

Nakkeda sining tomakuwasana Yahudié séddié lao ri laingngé, “Kégai maélo lao iyaé tauwé nadé' nirullé runtu'i? Maéloiga lao risining tau Yahudié iya monroé ri saliwempanuwa ri yelle'na tau Yunanié, sibawa paggurui tau Yunanié?