YOHANES 5:3 - KITTA KAREBA MADECENG

³ Ri légo-légoéro maéga tau malasa léwu; engka buta, engka képpang, na engkato péso'. [Mattajeng manengngi mennang taggoccang iyaro uwaina kolangngé.

YOHANES 5:3 ပူးပေါင်းရင်းမြစ်များ

1 ARUNG-NGARUNG 13:4

Wettunna naéngkalinga Yérobéam iyaro ada-adaé, majjello'ni lao ri nabiéro nainappa gora, “Tikkengngi iyaro tauwé!” Iyakiya matterui sojo taiyyana Yérobéam angkanna dé' naulléi gettengngi lisu.

AMSAL 8:34

Masennangngi tau iya méngkalingaékka iya tungke esso-essoé tudang mattajeng ri sumpang bolaku, sibawa majjaga-jaga ri gerbang onronna.

AWATINGENG 3:26

Jaji, makessinni mattajekki sibawa tennang narapi polé Puwangnge mabbéré pattulung;

ZAKHARIA 11:17

Tattanroi pakkampi iya dé'é nakkégunaro! Purai nasalai bimbala makkonronna. Musué paccappa'i matu akuwasanna. Malemmai matu taiyyana sibawa butai matu mata ataunna.”

MATIUS 15:30

Maégani tau lao ri Yésus tiwii sining tau iya képpangngé, butaé, péso'é, pépé, sibawa maéga mupa malasa laingngé. Iyaro sining tauwé nataroi mennang ri yolona Yésus, nanapajjappai Yésus iyaro sining tauwé.

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

LUKAS 7:22

Jaji mappébalini Yésus, “Lisuno lao ri Yohanés namupowadangngi aga muwéngkalinga sibawa muwita: makkita tau butaé, joppa tau péso'é, majjappa tau malasa oli mabbahayaé, maréngkalinga tau mataru-tarué, tuwo paimeng tau maté, sibawa Karéba Madécéng polé ri Allataala riyabbirittangngi lao risining tau kasiyasié.

YOHANES 5:2

Ri Yérusalém ri seddéna “Sumpang Bimbala'” engka séuwa kolang iya riyasengngé Bétésda ri laleng basa Ibrani. Kuwaro engka lima légo-légona.

YOHANES 5:4

Saba' biyasai malaéka'na Puwangngé nonno ri lalenna kolangngéro nanagoccangngi uwaina. Na tau malasa iya bunge' muttama'é ri laleng kolangngéro ri wettu taggoccanna uwaina majjappai matu polé ri lasa aga iya kennaéngngi.]

ROMA 8:25

Iyakiya rékko maddennuwangiki séuwaé iya dé'éppa nariita, ritajengngi sibawa sabbara'.

YAKOBUS 5:7

Rimakkuwannanaro, sabbara'ki Saudara-saudaraku, narapi polé Puwangngé. Itai pékkugi sabbara'na séddié patani tajengngi narapi tanana mabbéré wassélé' iya engkaé angke'na ri aléna. Nasibawang asabbarakeng natajengngi bosié wettu maddununa daud-daungngé sibawa bosi wettu mpungana aju-kajungngé.