YOHANES 13:3 - KITTA KAREBA MADECENG

³ Naissenni Yésus makkedaé pura nabbéréyanni Ambo'é sininna akuwasangngé lao ri Aléna. Naisseng towi makkedaé poléi ri Allataala sibawa maéloi lisu ri Allataala.

YOHANES 13:3 ပူးပေါင်းရင်းမြစ်များ

MATIUS 11:27

Nainappa Yésus makkeda, “Sininna séuwa-séuwaé purani nabbéréyang Ambo'é lao ri Iyya. Dé' séddi tau missengngi Ana'é saliwenna Ambo'é. Dé'to gaga missengngi Ambo'é saliwenna Ana'é sibawa lao risining tau iya Ana'é pura napaissengi passalenna Ambo'é.

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

LUKAS 10:22

Sininna séuwa-séuwaé pura nabbéréyanni Ambo' lao ri Iyya. Dé' séddi tau missengngi Ana'é, rilainnaé Ambo'é. Dé'to gaga missengngi Ambo'é rilainnaé Ana'é, sibawa lao risining tau iya maéloé nappaddissengeng Ana'é lao ri Ambo'é.”

YOHANES 1:18

Dé' gaga pura mitai Allataala, ri lainnaé Ana' Tungke'na Ambo'é, iya padaé sibawa Ambo'é, sibawa mareppé senna'ki ri Aléna, Aléna ritu pannessai Ambo'é lao ri idi.

YOHANES 13:1

Siesso riwettu dé'napa na Esso Maraja Paskaé, naissenni Yésus makkedaé narapini wettunna Yésus salaiwi linoéwé untu' lisu ri Ambo'-Na. Namaséiwi sining tau iya mancajiyé appunnangen-Na ri linoé, natette'i namaséi mennang lettu paccappureng.

YOHANES 17:2

Ambo'é pura mabbéréyangngi akuwasangngé ri sininna rupa tauwé lao ri Ana'é, kuwammengngi nabbéréyangngi atuwong mannennungengngé lao ri sininna tau iya nabbéréyangngé Ambo'é.

YOHANES 3:13

Dé' séddi tau pura ménré ri surugaé, ri lainnaé iya nonnoé ri linoé, iyanaritu Ana'na Tolinoé.

YOHANES 3:35

Ambo'é namaséiwi Ana'-Na, sibawa pura nabbéréyang manengngi akuwasangngé ri Aléna.

YOHANES 7:29

Uwisseng Aléna, nasaba assalek-Ku poléi ri Aléna, na Aléna ritu suro-Ka.”

YOHANES 7:33

Nakkeda Yésus lao ri tau maégaé ri laleng Bolana Puwangngé, “Cinampe' bawang Usibawakko. Purairo lisu-Ka matu lao ri iya suroék-Ka.

YOHANES 8:14

Nappébali Yésus, “Namuni mabbéré-Ka asabbiyang passalenna alé-Ku, iyaro asabbiyak-Ku tongengngi; saba' Uwisseng kéga-Ka polé sibawa kéga-Ka maélo lao. Dé' muwissengngi kéga-Ka polé sibawa kéga-Ka lao.

YOHANES 8:42

Nakkeda Yésus lao ri mennang, “Akkalarapanna iyaro Allataala Ambo'mu, muwamaséi-Ka matu, saba' polé-Ka ri Allataala. Dé' Upolé sibawa élo ri aléku, iyakiya Aléna ritu iya suroék-Ka.

RIWAYA'NA RASUL-RASUL-E 2:36

Iyanaro saba'na sininna tau Israélié harusu'i naisseng tonget-tongeng makkedaé iyaro Yésus iya musallié, Yésus éttonaro pura napancaji Allataala mancaji Puwang sibawa Arung Pappassalama'é!”

1 KORINTUS 15:27

Ri laleng Kitta'é tarokii makkuwaé, “Allataala pura mébbui sininna séuwa-séuwaé tunru' lao ri Aléna.” Manessani makkedaé iya riyakkattaiyé sibawa “sininna séuwa-séuwaé” iyaro dé' nauttama Allataala, iya mébbuéngngi sininna séuwa-séuwaé tunru' lao ri Kristus.

IBRANI 1:2

Iyakiya ri wettu paccappurengngéwé mabbicarai lao ri idi naolai Ana'-Na. Naolai Ana'-Naé napancajiwi Allataala sininna alangngé. Sibawa purani napattentu Allataala makkedaé iyatonaé Ana'-Na iya mappunnaiyé ha' mappunnaiwi sini-sininnaé.