YOHANES 10:1 - KITTA KAREBA MADECENG

¹ “Tongeng senna' adak-Kué: Tau iya muttama'é ri laleng wakké bimbala'é lalo ri sappoé, dé' nalalo ri sumpangngé, iyakiya makkémpéi lalo ri laleng laingngé, iyaro tauwé panga sibawa parampo.

YOHANES 10:1 ပူးပေါင်းရင်းမြစ်များ

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

ROMA 16:18

Saba' sining tau iya pogau'éngngi makkuwaéro dé' najjama untu' Kristus Puwatta, sangadinna untu' pawessoriwi cinna atinna. Nasibawang pappalécé sibawa ada-ada iya macenningngé, nabengnguwangngi sining tau iya dé'é agaga naisseng.

1 YOHANES 4:1

Saudara-saudara iya upojiyé! Aja' mumateppe lao ri sininna tauwé iya mangakué mappunnai Rohna Allataala, iyakiya ojiwi mennang riyolo' untu' missengngi aga Roh iya engkaé ri mennannanro assalenna poléi ri Allataala iyaré'ga dé'. Saba' maéga nabi palsu tassiya-siya kégi-kégi.

IBRANI 5:4

Dé'gaga séddi tau iya aléna muto makkai aléna mancaji imang lompo. Mancajiwi imang lompo tauwé, rékko Allataala mobbii untu' iyaro – pada-pada muto Harun.

2 PETRUS 2:3

Nasaba mangowai mennang, na iyaro guru-guru palsué nacuritai matu lao ri iko curita-curita iya nakarangngé untu' lolongeng asarong polé ri iko. Iyakiya pengadilang untu' patatteppai pahukkungengngé ri yasé'na mennang maittani ripassadiya, sibawa abinasang iya puraé ripattentu untu' mennang mattengngang tajengngi mennang.

2 PETRUS 2:1

Ri wettu labe'é ri yelle'na umma'na Allataala momponi nabi-nabi palsué. Makkuwatoro ri yelle'mu mompoi matu guru-guru palsué. Naputtama'i matu mennang sining pappagguruwang iya dé'é natongeng, iya solangiyéngngi tauwé. Sibawa nassakkarengngi matu mennang Panguwasa iya puraé paleppe'i mennang. Nanallalengiro papoléi mennang abinasang ri aléna, iya kennaéngngi mennang sibawa masitta'.

1 PETRUS 1:10

Iyanaé asalamakengngé iya riparéssaé madécéd-décéng sibawa risalidiki risining nabié, nanabotoi mennang passalenna barakka iya nabbéréyangngé Allataala lao ri iko.

YEREMIA 23:32

Iyya, Puwang, méwai matu nabi-nabiéro iya palettu'éngngi nippi-nippinna iya pennoé bellé. Napapusai mennang umma'-Ku sibawa bellé nenniya abboronna mennang. Dé' Usuroi iyaro nabi-nabié. Dé' sises-siseng mennang nakkéguna untu' umma'-Ku. Iyya, Puwang, pura mabbicara.”

ROMA 10:15

Sibawa pékkugi tauwé naulléi tiwii iyaro karébaé rékko dé' mennang narisuro? Ri laleng Kitta'é tarokii makkuwaéwé, “Temmaka kessinna apolénna sining tau iya tiwié Karéba Madécéng polé ri Allataala!”

YOHANES 3:3

Nappébali Yésus, “Ateppe'no, dé' séddi tau mulléi mancaji anggotana umma'na Allataala, rékko dé' narijajiyang paimeng.”

YEREMIA 23:21

Makkedai Puwangnge, “Mapato senna iyaro nabi-nabié, padahal dé' Usuroi mennang. Palettu'i mennang biritta ri laleng asek-Ku, padahal dé'gaga paseng iya Uwabbéréyangngé lao ri mennang.

TITUS 1:11

Sining tau pada-padaéro harusu'i ritutu' témunna, saba' napakacauwi mennang maéga kaluwarga sibawa sining pappagguruwang iya omong kosongngé. Napogau'i mennang iyaro banna nasaba maéloi sappa asarong iya dé'é nasipato!

YEREMIA 14:15

Makkedai mennang ri laleng asek-Ku makkedaé iyaé wanuwaé dé' nakennai matu musu iyaré'ga akkadéreng, padahal dé' Usuroi mennang powadai iyaro. Iyya, Puwang, paissengiko, Yérémia, aga Upogau' matu sibawa nabi-nabi iya dé'é Usuroiro. Uwunoi matu mennang sibawa musu nenniya akkadéreng.

YOEL 2:9

Maggasai mennang muttama ri laleng kotaé, sibawa lari ri tompo'na témbo'na. Makkémpéi mennang muttama ri lalempolaé; pada-pada pangaé, muttama'i mennang lalo ri tellongengngé.

YOHANES 10:7

Nainappa makkeda Yésus siseppa, “Tongeng senna' adak-Kué: Iyya'na tange' untu' bimbala'é.