YOEL 2:3 - KITTA KAREBA MADECENG

³ Pada-pada apié patunu sibawa paangureng napaccappui mennang sininna tanet-tanengngé. Ri yolona, iyaro wanuwaé pada-padai Edén, tammenna Puwangnge, puranaro, sinrupai padang kessi iya makarossaé. Dé' muwi séuwa iya nasésaé, dé'gaga leppe polé ri paggasana mennang.

YOEL 2:3 ပူးပေါင်းရင်းမြစ်များ

KAJAJIYANG 13:10

Mattironi Lot mattulili nanaitani makkedaé sininna Lompo Yordan, lettu ri kota Zoar maéga uwaina, pada-pada Tammenna Puwangnge iyaré'ga pada-pada tana Maséré. (Makkuwaniro keadaanna ri wettu dé'napa naancuru'i Puwangnge kota-kota Sodom sibawa Gomora.)

KAJAJIYANG 2:8

Nainappa mébbuni Puwang Allataala tammeng ri Edén, ri seddé alau, sibawa nataroni kuwaro tolino iya puraé naébburo.

MAZMUR 50:3

Poléi Allataalata sibawa dé' naonro mammekko, ripoddiyoloi ri api iya mallépe-lépe'é, sibawa riyattulilingi ri anginraja iya maseroé.

MAZMUR 97:3

Makkalolo apié ri yolo-Na, mangurengngi balié ri mattulilin-Na.

ASSURENG 10:15

Sininna tompo'na tanaé natongkoni incalé angkanna malotong paita. Naanréi mennang agi-agi iya dé'é napaccappui iyaro bosi ése'é, muttama'ni buwa-buwaé ri ajué. Ri sininna Maséré dé'na gaga iya manyilaé iya nasésaé ri aju-kajungngé iyaré'ga ri tanet-tanengngé.

ASSURENG 10:5

Sininna tompo'na tanaé ritongko siseng matu ri incalé iya maéga senna'éro. Sininna tanet-taneng nasésaé, mala aju-kajung iya dé'é napaccappui bosi ése, napaccappui matu iyaro incalé.

YESAYA 14:17

Alénaga mancuru'i kota-kotaé sibawa pinrai linoé mancaji padang kessi? Iyanagaé iya dé'é naleppessangngi sining tawangenna iyaré'ga leppessangngi mennang lisu?’

YESAYA 15:6

Marakkoni uwaina Salo Nimrim sibawa wella iya tuwoé ri wirinna, dé' gagana tanet-taneng iya manyilaé.

YESAYA 33:4

Pada-padai incalé makkonrongngé maggasai tauwé sibawa rampo'i waramparanna mennang.

YESAYA 51:3

Yérusalém, Usaléworiko matu, sibawa sininna iya monroé ri sésé-sésamu. Sining padammu iya makabuttué Upancajiwi tammeng, pada-pada Edom, tammek-Ku iya macommo'é. Marennui matu tauwé kuwaro sibawa mariyo-riyo nenniya sukkuru sibawa élok-kélong.

YESAYA 9:18

Macai senna'i Puwang Iya Pommakuwasaé, sibawa pahukkungen-Na pada-padai api iya mallalatungngé na iyaro bangsaé iyanaritu aju-aju tununna iya ripaccappué. Dé' muwi séddi tau mamaséiwi silessurenna.

YESAYA 9:19

Ri sininna wanuwaéro pasittaiwi tauwé sibawa manréi agi-agi iya weddingngé riyanré, iyakiya dé' namesso nasedding. Mala nanréi mennang sellao-sellaona muto!

YEREMIA 5:17

Napaccappui matu mennang wassélé tanaé sibawa inanrému enrengngé mpunoi ana'-ana'mu. Olokolo sapimmu sibawa bimbala'mu nagéréi matu mennang, sibawa palla-palla anggoro'mu nenniya sining pong aramu napaccappui matu mennang. Kota-kota mabbénténg iya muwattuwangngé naancuru'i matu mennang.

YEHEZKIEL 36:35

Namancaji hérang maneng matu tauwé, nasaba tana iya makabuttué onna'ro tappinrani makkekkuwangngé mancaji Tammeng Edén, sibawa kota-kota iya masino-sinoé onna, ancuru sibawa mancaji sésa-sésa ruttungeng, makkekkuwangngé mancajini kota-kota iya mawatangngé attahangenna sibawa makkompe pabbanuwana.

AMOS 7:4

Lolongekka séuwa pakkitassi polé ri Puwang Iya Pommatanré. Uwitai mattengngang sadiya-sadiya untu' hukkungngi umma'-Na sibawa api. Iyaro apié nalépe'i gangka cappu dolangengngé ri yawana linoé sibawa mammula mangurengngi dare'é.

HABAKUK 1:6

Bangsa Babél iya masegge'é namajapperuro Upancajiwi matu bangsa iya makuwasaé. Mabbarisi'i matu mennang massu polé ri wanuwanna nanajalajja'i sininna linoé untu' patunru'i sininna bangsa-bangsa laingngé.

ZAKHARIA 7:14

Pada-padai anginrajaé, purai Usaring mennang angkanna tarapassai mennang monro ri wanuwa-wanuwa laingngé. Tana iya macommo'éwé mancajini masino-sino dé' monroiwi sibawa makabuttu.”