WAHYU 9:4 - KITTA KAREBA MADECENG

⁴ Riyattéyangngi mennang solangiwi wellaé, iyaré'ga aju-kajungngé, iyaré'ga tanet-taneng laingngé. Banna mennang weddingngi nalurui sining tau iya dé'é tanrang ségélé' polé ri Allataala ri linrona.

WAHYU 9:4 ပူးပေါင်းရင်းမြစ်များ

AYUB 1:10

Tuli Mulinrungiwi aléna, kaluwargana sibawa sininna asugirenna. Mubarakkakiwi jama-jamanna sibawa Muwéréngngi maéga olokolo, genne untu' pennoiwi sininna wanuwaé.

AYUB 1:12

Namakkeda Puwangnge lao ri Ibillisi', “Makessinni, pogau'ni agi-agi lao ri sininna asugirenna Ayub, assaleng aja' mupeddiriwi!” Nalaona Ibillisi' polé ri yolona Puwangnge.

AYUB 2:6

Namakkedana Puwangnge lao ri Ibillisi', “Makessinni, pogau'ni agi-agi lao ri aléna, assaleng aja' muwunoi.”

MAZMUR 76:10

Wettum-Mu tokkong maélo mangadéléki untu' passalama'i tau ritenre'é ri linoé.

ASSURENG 12:23

Wettunna Puwangnge jalajja'i iyaé wanuwaé untu' mpunoi sining tau Maséré'é, naitai matu Puwangnge daraé ri iya duwa alliri tange'mu sibawa ri yasé'na sumpang bolamu; nalalona matu bawang sibawa dé' napalaloi Malaéka' Amaténgngé muttamakiwi bolamu untu' mpunoko.

YEHEZKIEL 9:4

“Laono ri sininna sulapa'na kotaé sibawa tanrangiwi linrona sininna tau iya messé sibawa masussaé nasaba sininna pangkaukeng iya mappakaciddi-ciddi iya napogau'é ri kotaéro.”

YEHEZKIEL 9:6

Unoi sininna tau worowané sibawa makkunraié, macowa sibawa malolo, tomatowaé sibawa ana'-ana'é. Iyakiya aja' mugéssai muwi séddi tau iya engkaé tanrang ri linrona. Appammulano polé kuwaé, ri Bola-Kué.” Nanapammulaini tugasna mennang sibawa mpunoi sining pamimpinna Israélié iya mattengngangngé tettong ri Bolana Puwangnge.

MATIUS 24:24

Saba' mompoi matu pappassalama'-pappassalama' palsué sibawa nabi-nabi palsué. Napogau'i matu gau'-gau' iya makalallaingngé sibawa mappahérang-hérangngé untu' pabengnguwang, naullé umma'-Na muto Allataala.

EFESUS 4:30

Aja' mupamesséiwi atinna Rohna Allataala. Purani rimatéréiko sibawa Roh, mancaji appunnangenna Allataala. Iyaro Roh-é sinrupa towi boro' makkedaé Esso Aleppekengngé poléi matu ri iko.

WAHYU 14:1

Nainappaka makkita, napaitana iyaro Ana' Bimbala'é tettong ri yasé'na Bulu-bulu Sion. Nasibawang Aléna engka 144.000 tau iya limannaé tungke'-tungke' taroki asen-Na sibawa asenna Ambo'-Na.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”

WAHYU 7:1

Purairo, uwitani eppa malaéka' tettong ri eppaé sulapa'na linoé. Natahanggi mennang iya eppa angingngé ri linoé kuwammengngi aja' naengka anging mangiri ri pottanangngé, iyaré'ga ri tasi'é, iyaré'ga ri aju-kajungngé.

WAHYU 8:7

Malaéka' mammulangngé seppungngi tarompé'na, nateppana bosi ése'é sibawa apié iya sikoré dara ri yasé'na linoé sibawa maraja. Cappu tawa tellunna linoé ritunu; makkuwatoro tawa tellunna polé ri aju-kajungngé, enrengngé tungke' wella iya manyilaé.