WAHYU 9:3 - KITTA KAREBA MADECENG

³ Nainappa polé ri rumpuéro massuni sining incalé iya nonnoé ri linoé. Iyaro sining incalé riwéréngngi akuwasang iya padaé pada-pada iya riwéréngngéngngi dokkéngngé.

WAHYU 9:3 ပူးပေါင်းရင်းမြစ်များ

1 ARUNG-NGARUNG 12:11

Nawérékko ambo'ku tiwi iya matane'é, iyakiya maéloka mpérékko iya lebbi matane'éppa. Napetti'ko sibawa babba, iyakiya iyya ubabbako matu sibawa babba iya maddori bessié!”

2 TAWARIKH 10:11

Nawérékko tiwi ambo'ku iya matane'é, iyakiya iyya maéloka mpérékko iya lebbi matane'éppa. Naunruko sibawa babba, iyakiya iyya maéloka munruko sibawa babba maddori bessié!’ ”

2 TAWARIKH 10:14

Situru sibawa pangajana sining tau maloloé, makkedai, “Nawérékko ambo'ku tiwi iya matane'é, iyakiya uwébbui matu iyaro lebbi matane'pa. Naunruko sibawa babba, iyakiya iyya uwunruko sibawa babba iya maddori bessié!”

YESAYA 33:4

Pada-padai incalé makkonrongngé maggasai tauwé sibawa rampo'i waramparanna mennang.

YEHEZKIEL 2:6

Iyakiya iko, éh tolino dé'é namannennungeng, aja' mumétau lao risining parronta'éro, iyaré'ga lao ri muwi aga iya napowadaé mennang. Naéwako matu mennang sibawa napakatunako, angkanna samannako tuwo ri yelle'na dokkéngngé. Namuni makkuwaro, aja' mumétau.

YOEL 1:4

Incalé makkonrong iya dé'é naribilang jumellana, teppai risining dare'é sibawa manréi wassélé'na. Aga nasésa iyaé sikonrongngé, napaccappui konrong laingngé.

YOEL 2:25

Usulléiwi matu sininna arogimmu ri taut-taung wettunna incalé manréi wassélé éngngalammu. Saba' Iyya ritu kiringngi pasukang incaléro lao ri iko.

NAHUM 3:15

Muwi aga upogau', siya-siyato bawang, saba' pasti cappuko matu ritunu iyaré'ga maté ri laleng ammusurengngé. Lennye'ko matu pada-pada wassélé dare'é nanré incalé. Purano mabbija-bija pada-pada incalé!

NAHUM 3:17

Sining tomarajamu sibawa pajaba'mu pada-padai incalé makkonrong iya mallinrungngé risining témbo'é ri wettu keccé'é. Iyakiya momponana matanna essoé, masitta'i mennang luttu massuwajang; dé' muwi séddi tau missengngi kégai mennang lao.

LUKAS 10:19

Issenni! Pura Uwérénno akuwasang kuwammengngi mulléi malléjja'i ulaé sibawa dokkéngngé enrengngé lemmaiwi awatangenna sininna balié, nadé' gaga séuwa mulléi cilakaiko.

ULANGENG 8:15

Puwangnge pimpikko molai padang kessi iya malowangngé sibawa maseroé, iya maégaé ula mamosona nenniya dokkénna. Ri tana iya marakkoé temmakké uwai Naébbui uwai massolo polé ri batué, kuwammengngi weddikko ménung gangka cau.

WAHYU 9:5

Iyaro sining incalé dé' naripalalo mpunoi sining tauwéro, sangadinna nasissai bawang mennang limampuleng ittana. Angéttukeng iya napaompoé passissanna iyaro sining incalé pada-padai angéttukeng iya napaompoé passuina dokkéngngé.

WAHYU 9:7

Tappana iyaro incalé pada-padai riita anyarang iya sadiyaénna untu' mammusu. Ri ulunna engka séuwa iya paitaé pada-pada passigera' ulawengngé. Tappana pada-padai tappa tolinoé.

HAKING-HAKING 7:12

Tau Midiangngé, Amalé'é sibawa sining tau laingngé polé ri padang kessi'é, mallebbanni kégi-kégi ri lompo'éro. Paitai pada-pada incalé makkatulung. Maéga senna untana pada-pada kessi'é ri wiring tasi'é.