WAHYU 8:9 - KITTA KAREBA MADECENG

⁹ namaténa tawa tellunna polé ri sininna mahlu'é ri tasi'é; makkuwatoro cappu toni tawa tellunna sining kappala'é.

WAHYU 8:9 ပူးပေါင်းရင်းမြစ်များ

MAZMUR 48:7

Kuwaniro mennang ténré métau sibawa mapeddi, pada-pada makkunrai iya maéloé mémmana,

ASSURENG 7:21

Maténi sining balé ri laleng saloéro, sibawa makebbong senna'ni baunna, angkanna dé' nawedding naénung tau Maséré'é iyaro uwai. Ri sininna tana Maséré engka dara.

YESAYA 2:16

Sining kappala iya kaminang maloppoé sibawa kaminang magelloé ripatallemme'i matu.

YESAYA 23:1

Iyanaé pasengngé passalenna Tirus. Eh sining passompe Spanyol iya sompekiyéngngi dolangengngé, mpatinno! Wettunna sompe lisu polé ri Siprus, ripaissengiko makkedaé ancuru'ni kota Tirus. Pangkalang sibawa sining bolamu mancaji ruttungengngi.

ZAKHARIA 13:8

sibawa ri sininna wanuwa duwapattellunna polé ri pabbanuwana maté matu.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

WAHYU 12:4

Nasibawang ikko'na nassarénréngengngi tawa tellunna polé risining wéttowingngé ri langié nanaggenrungengngi lao ri linoé. Iyaro nagaé tettongngi siyolong makkunrai iya maéloé mémmana'ro sibawa akkattana memme'i ana'na, ri wettu jajinna muwa.

WAHYU 16:3

Purairo malaéka' maduwaé tiri'i lise' onronna ri tasi'é. Nancajina uwai ri tasi'é pada-pada darana tau maté, angkanna maténi sininna mahlu' iya tuwoé ri lalenna tasi'é.

WAHYU 8:10

Nainappa malaéka' matellué seppungngi tarompé'na, naséuwa wéttowing iya battowaé, iya malluwa'-luwa'é pada-pada suloé, sempé' polé ri langié, nanageppai tawa tellunna sining saloé sibawa mata uwai.

WAHYU 8:12

Nainappa malaéka' maeppaé seppungngi tarompé'na. Natalleppa'na tawa tellunna mata essoé, tawa tellunna kétengngé, enrengngé tawa tellunna sining wéttowingngé angkanna teddénni tawa tellunna polé ri awatangenna cahayana mennang. Makkuwatoro tawa tellunna polé ri essoé dé'na namacakka sibawa makkuwatoro tawa tellunna polé ri wennié.

WAHYU 8:7

Malaéka' mammulangngé seppungngi tarompé'na, nateppana bosi ése'é sibawa apié iya sikoré dara ri yasé'na linoé sibawa maraja. Cappu tawa tellunna linoé ritunu; makkuwatoro tawa tellunna polé ri aju-kajungngé, enrengngé tungke' wella iya manyilaé.

WAHYU 9:15

Iya eppa malaéka'éro rileppessanni. Purani mennang ripassadiya banna untu' jang, esso, uleng sibawa taungngéro untu' mpunoi tawa tellunna polé ri sininna rupa tauwé.

WAHYU 9:18

Tawa tellunna polé ri rupa tauwé riyunoi ri iya tellu abalaéro; iyanaritu api, rumpu sibawa balérang iya massué polé ri bawana sining anyarangngéro.