WAHYU 8:3 - KITTA KAREBA MADECENG

³ Séddi malaéka' laing, iya tiwié séddi addupa-dupang ulaweng, polé sibawa tettong ri yolona mézbaé. Riwérénni maéga senna' kamennyang untu' riyaggugureng risining paddowangenna sininna umma'na Allataala sibawa untu' riyakkasuwiyangeng ri mézba ulawengngé iya engkaé ri yolona kadéra arajangngé.

WAHYU 8:3 ပူးပေါင်းရင်းမြစ်များ

MAZMUR 141:2

Tarimai sempajakku selaku pakkasuwiyang dupa, sibawa limakku iya maddeppa-reppaé selaku akkarobangeng wenni.

ASSURENG 40:26

Mézba ulawengngé ritaroi ri laleng Kémaé, ri yolona kaingngé,

YESAYA 6:6

Nainappa sala séddinna iyaro mahlu'é luttu lao ri iyya tiwi bara iya natiwié sibawa passipi-sipi polé ri mézbaé.

YEHEZKIEL 41:22

Tanréna séddi sitengnga météré sibawa sakkana séddi météré. Sining sunna, pabborina sibawa renrinna riyébbui polé ri ajué. Makkedai iyaro worowané lao ri iyya, “Iyanaé méjang iya engkaé ri yolona ahadérékenna Puwangnge.”

AMOS 9:1

Uwitai Puwangnge tettong ri seddéna mézbaé. Nabbéréyangngi iyaé paréntaé, “Unrui maladde'-ladde' ulu-ulu allirié ri Bola-Ku kuwammenngi nataggottang sininna légo-légoé. Léttungngi iyaro alliri-allirié ri yasé'na ulunna sining tauwé. Mennang iya dé'é namaté Uwunoi matu ri laleng musué. Dé' muwi séddi tau mulléi lari, dé' muwi séddi tau leppe matu.

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

ABBILANGENG 4:11

Purairo harusu'i mennang pallebba silampa kaing gawu ri yasé'na mézba polé ri ulawengngéro, nanatongkoi silampa bingkulang alusu, nainappa napasang aju pabbuléna mézbaéro.

LUKAS 1:10

Wettunna napogau' iyaro upacara mattunu kamennyangngé, tau maégaé massempajangngi ri saliweng.

ROMA 8:34

Engkaga tau maélo pasalaki? Kristus Yésus matti bélaki! Aléna ritu iya puraé maté, iyaré'ga mala Aléna ritu iya puraé ripatuwo paimeng polé ri amaténgngé sibawa engkani ri Allataala ri onrong iya makuwasaé.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

IBRANI 9:4

Ri laleng bili'éro engka mézba iya riyébbué polé ri ulawengngé untu' mattunu dupa, sibawa engkato Petti Assijancingeng iya rilapiri manengngé sibawa ulaweng. Ri laleng Pettiéro engka oring ulaweng mallise' manna, tekkenna Harun iya cura'énna, sibawa duwa pépeng batu iya riyarokiriyé seppulo parénta polé ri Allataala.

WAHYU 10:1

Nainappa uwita séddi malaéka' poré iya laingngé nonno polé ri surugaé. Risalipuriwi sibawa ellung, enrengngé séuwa tarawu mattemmuiwi ulunna. Tappana maccahaya pada-pada mata essoé, sibawa ajéna pada-pada alliri apié.

WAHYU 14:18

Purairo, séddi malaéka' laing, iya makuwasaiyéngngi apié, massu polé ri mézbaé. Nasibawang sadda iya maloppoé gorai lao ri malaéka' iya makkatenningngé kandao iya matarengngéro, “Assangkinni kandaomuro namurette'i buwa-buwa pong anggoro'é ri linoé, nasaba matasa'ni buwa-buwana!”

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.

WAHYU 6:9

Purairo iyaro Ana' Bimbala'é reppa'i ségélé' iya malimaé. Nauwitai ri yawana mézbaé engka nyawa-nyawa tau iya maté riyuno nasaba napéwatangiwi mennang paseng polé ri Allataala naolai asabbiyanna mennang.

WAHYU 7:2

Nainappa uwita séddi malaéka' laingngé mompo polé ri alau. Tiwii ségélé' polé ri Allataala iya tuwoé. Nasibawang sadda iya battowaé iyaro malaéka'é naobbii iya eppa malaéka' iya puraé lolongeng akuwasang polé ri Allataala untu' solangiwi pottanangngé sibawa tasi'é.

WAHYU 8:4

Nasibawang sining paddowangenna sining umma'na Allataala, rumpu dupa iya mattengngangngé malluwa'ro mallaso ménré' polé ri limanna malaéka' iya tettongngé ri yolona Allataalaro.

WAHYU 8:5

Nainappa iyaro malaéka'é nala iyaro addupa-dupangngé, nanalisekiwi sibawa api polé ri mézbaé, nainappa naggenrungeng ri yasé'na linoé. Naddalenrunna guttué enrengngé siyanré-anré billa'é, kuwaéttopa mpéwanni tanaé.

WAHYU 9:13

Nainappa malaéka' iya maennengngé seppungngi tarompé'na. Nauwéngkalingai séuwa sadda polé ri iya eppa sunna mézba ulawengngé iya engkaé ri yolona Allataala.