WAHYU 8:2 - KITTA KAREBA MADECENG

² Nainappa uwita iya pitu malaéka' iya tettongngé ri yolona Allataala, sibawa riwéréngngi mennang pitu tarompé'.

WAHYU 8:2 ပူးပေါင်းရင်းမြစ်များ

MATIUS 18:10

“Atike'ko! Aja' mupakatunai sala séddinna polé risining tau iya marenni'éwé. Saba' éngngerangngi, sining malaéka'na mennang tuli engkai ri yolona Ambo'-Ku ri surugaé. [

MATIUS 24:31

Ripaonini matu tarompé' battowaé, nanasuroi matu Ana'na Tolinoé malaéka'-malaéka'-Na paddeppungengngi umma'-Na polé ri eppaé sulapa', polé ri cappa langié séddié lettu ri cappa langié, laingngé.”

LUKAS 1:19

Nappébali iyaro Malaéka'é, “Iyya'na Gabriél! Utumaningiwi Allataala sibawa Aléna ritu suroka palettu'i karéba madécéngngé lao ri iko.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

1 KORINTUS 15:52

Iyaro gau'é kajajiyangngi matu tenrisenna-senna ri laleng sikédé mata, wettunna ripaoni tarompé'é untu' paccappurenna. Saba' wettunna riyéngkalinga oni tarompé'éro, sining tau maté ripaoto'i matu paimeng sibawa tubu iya mannennungengngé, sibawa idi manengngé ripinraki matu.

1 TESALONIKA 4:16

Gorai matu mangobbi malaéka' marajaé sibawa sadda battowa enrengngé ripaoniwi tarompé'na Allataala selaku tanrang. Nainappa Puwang Yésus nonno polé ri surugaé, sibawa sining tau Kristéng iya matéénna ripatuwoi matu lebbi riyolo.

WAHYU 1:4

Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 15:1

Nainappa uwita ri langié séuwa iya makalallaingngé sibawa dé'gaga padanna serona. Engka pitu malaéka' sibawa pitu abala iya paccappurengngé. Iyanaé paccappurenna Allataala tuppa'i cai-Na.

WAHYU 16:1

Nainappa méngkalingaka sadda loppo polé ri laleng Bolana Allataala makkeda lao ri iya pitu malaéka'éro, “Laono sibawa tiri'i lise'na iya pitu onrong caina Allataalaro ri yasé'na linoé!”

WAHYU 8:13

Nainappaka makkita, nauwéngkalingani sikaju manu'-manu' kuwajang iya mattengngangngé luttu ri bétaraé, gora, “Cilaka! Cilaka! Cilakai sininna tauwé ri linoé rékko naéngkalingai iya tellu malaéka' laingngéro seppungngi tarompé'na matti!”

WAHYU 8:6

Purairo, pitu malaéka' iya makkatenningngé pitu tarompé'ro sadiya-sadiyani untu' masseppung.

WAHYU 9:1

Nainappa malaéka' malimaé seppungngi tarompé'na, nauwitai séuwa wéttowing sempé' polé ri langié nonno ri linoé. Iyaro wéttowingngé riwéréngngi goncinna balorang amaténgngé.