WAHYU 7:9 - KITTA KAREBA MADECENG

⁹ Purairo makkitasika, nauwitani lémpe tauwé iya dé'é padanna égana – dé muwi séddi tau iya mullé bilangngi jumellana! Mennang iyanaritu sining tau iya polé ri tungke' bangsa, suku, wanuwa, enrengngé basa. Mappaké jumbai iya maputé-puté sibawa makkatenning takké-takké aju pattuku ri limanna, iyaro sining tau maégaé tettongngi moloiwi kadéra arajangngé mangolo ri Ana' Bimbala'éro.

WAHYU 7:9 ပူးပေါင်းရင်းမြစ်များ

KAJAJIYANG 13:16

Uwérékko matu wija-wija iya maéga senna'é, angkanna dé' muwi séddi tau mulléi bilangngi mennang. Pada-pada dé' naulléi tauwé bilangngi awué ri tanaé, makkuwatoniro wija-wijammu dé' matu nariyullé bilang.

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MAZMUR 2:8

Ellauni, nasininna bangsaé Uwérékko, sibawa sininna linoé Upancajiwi appunnangemmu.

MAZMUR 22:27

Manréi matu tau kasiyasié gangka messo; tau iya laowé ri Puwangnge pojiwi matu. Tennapodo saléwangekko mannennungeng!

MAZMUR 76:4

Kuwaro Naancuru'i sininna paréwa musué, sininna pana lala'-lala'é, kaliyawoé sibawa peddangngé.

MAZMUR 77:2

Mangobbika sibawa macenno lao ri Allataala; mangobbika sibawa macenno, nanaéngkalingaka.

MAZMUR 98:3

Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

YEREMIA 16:19

Puwang, Iko ritu linrungika sibawa mpérékka awatangeng; Iko tulukka ri wettu asukkarakengngé. Bangsa-bangsaé polé ri cappa linoé laowi matu ri Iko sibawa makkeda, “Toriyolota banna mappunnaiwi déwata palsu iya dé' sises-sisengngé nakkéguna.

YEREMIA 3:17

Iyaro wettué riteppui matu kota Yérusalém ‘Kadéra arajanna Puwangnge’, sibawa sininna bangsaé maddeppungengngi matu ri kotaéro untu' sompa-Ka. Dé'na naccowériwi matu mennang élo atinna mennang iya madonggoé sibawa majaéro.

YEHEZKIEL 47:5

Siseppi mangukkuru sibbéla 500 météré, na uwaina kuwaro maliyung senna untu' riyola sibawa mallaleng. Rékko maéloi mallétto tauwé harusu'i nangé.

DANIEL 4:1

Iyanaé pappallebbanna Arung Nébukadnézar iya nakkiringengngé lao risining tau polé ri sininna bangsaé, suku bangsaé sibawa basaé ri sininna linoé: “Salama!

DANIEL 6:25

Nainappa naparéntang arungngé tauwé kuwammengngi natikkengngi sining tau iya puraé mapparapekengngi Daniél. Nainappa mennang silaong sibawa ana'-ana'na nenniya sining bainéna riyaggenrungeng ri laleng gowa singaéro. Dé'pa mennang nalettu ri borina gowaéro, iyaro singa-singaé naluruini mennang sibawa reppo'i buku-bukunna.

HOSEA 1:10

Mancajiwi matu bangsa Israélié singngéga kessi'é ri tasi'é, angkanna dé' nawedding riyukkuru iyaré'ga ribilang. Makkekkuwangngé makkedai Allataala lao ri mennang, “Tenniyako umma'-Ku,” iyakiya narapii matu wettunna makkedai matu lao ri mennang, “Iyya ritu Allataala iya tuwoé na iko ana'-ana'-Ku!”

ANGIMANGENG 23:40

Ri esso iya mammulangngé harusu'ko maccéppu buwa-buwa iya kminang makessingngé ri palla'mu, daud-daung pattukuto sibawa takké-takké polé ri ajukajung iya maworongngé, nainappa pammulaini ramé-ramé ariyo-riyongngé untu' pakalebbii Puwang Allataalamu.

ZAKHARIA 10:8

Uwobbii matu umma'-Ku sibawa Upaddeppungengngi mancaji séddi. Upaleppe'i mennang sibawa Uwébbui singngéga riyolo.

ZAKHARIA 2:11

Iyaro wettué maéga bangsa lao matu ri Puwangnge untu' mancaji umma'-Na. Monroi matu ri tengnga-tengngamu, namuwissengngi matu makkedaé Puwangnge pura kirikka lao ri iko.

LUKAS 12:1

Massebbu-sebbu tau siredde-redde angkanna engka riléjja-léjja ajéna. Ri wettu makkapulunna mupa iyaro tauwé, makkedani Yésus lao ri ana'-ana' gurun-Na, “Atutuko lao ri raginna tau Farisié, akkatta-Ku, amunapékenna mennang.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

YOHANES 12:13

Nanalana mennang daud-daung pattuku nalao duppaiwi, nagora-gorato, “Pojiwi Allataala! Ribarakkakiwi iya polé ri laleng asenna Puwangngé. Ribarakkakiwi Arunna Israélié!”

ROMA 11:25

Saudara-saudara! Uwéllauko aja' muwasengngi muwissenni sini-sininnaé. Saba' engka séddi passaleng iya napuwéloé Allataala, iyakiya dé'pa naissengngi tauwé. Nauwéloriwi muwisseng; iyanaritu iyaé: Sibagiyang polé ri tau Yahudié matedde atiwi, iyakiya attangenna mennanro matteru-terui matu banna lettu ri jumella sining tau Yahudi iya laowé ri Allataala genne'ni.

EFESUS 6:13

Rimakkuwannanaro, makkekkuwangngé, pakéni sininna paréwa iya nabbéréyangngé Allataala, kuwammengngi na ri esso iya majaé, muwulléi méwai seranganna balié. Sibawa kuwammengngi napuramu mammusu lettu ri paccappurenna, mawatang mupo naporé.

IBRANI 11:12

Namuni Abraham wettuéro pada-padai tau iya matéénna tubunna, iyakiya lolongengngi maéga wijanna, iya dé'é naribilang égana – pada-padai égana wéttowingngé ri langié sibawa kessi'é ri wiring tasi'é.

IBRANI 12:22

Sibalé'na, laoko ri Bulu Sion sibawa kotana Allataala iya tuwoé, iyanaritu Yérusalém iya ri surugaé sibawa massebbu-sebbu malaéka'na.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 22:3

Ri laleng kotaéro dé' narilolongeng muwi séddi iya nakennaé tanrona Allataala. Kadéra arajanna Allataala sibawa iyaro Ana' Bimbala'é engkai ri laleng kotaéro. Sining atanna Allataala massompai matu ri Allataala,

WAHYU 3:18

Rimakkuwannanaro Upangajariko kuwammengngi melli ulaweng polé ri Iyya, iyanaritu ulaweng iya tuléngngé, kuwammengngi mumancaji sugi. Elli tokko pakéyang puté polé ri Iyya kuwammengngi muwappakéyang enrengngé tongkoi keadaammu iya mallusu-lusué sibawa mappakasiri-sirié. Sibawa elli tokko pabbura untu' riyassapuwang ri matammu kuwammengngi namuwulléi makkita.

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.

WAHYU 5:11

Nainappa makkitasika. Uwéngkalingasi sadda malaéka' iya massebbu-sebbué enrengngé majjuta-jutaé égana! Tettongngi mennang mattulilingiwi kadéra arajangngé sibawa iya eppa mahlu'é enrengngé sining pamimpingngéro.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.

WAHYU 6:11

Tungke'-tungke' mennang riwéréngngi silampa waju iya maputé. Nainappa risuro mennang mappésau cinampe'si, narapi sukkuni jumellana sellao-sellao seperjuwanganna enrengngé saudara-saudarana mennang iya maéloé riyuno pada-pada mennang.

WAHYU 7:8

Zébulon, Yusuf, sibawa Bényamin.