WAHYU 7:3 - KITTA KAREBA MADECENG

³ Makkedai iyaro malaéka'é, “Aja' riyolo musolangiwi pottanangngé, iyaré'ga tasi'é, iyaré'ga aju-kajungngé rekko dé'pa tawéréngngi tanrang ségélé' ri linrona sining atanna Allataalata.”

WAHYU 7:3 ပူးပေါင်းရင်းမြစ်များ

ASSURENG 12:13

Dara iya engkaé ri sumpang bolamu mancajiwi matu tanrang polé risining bola muwonroiyé. Rékko Uwitai iyaro daraé, Ulaloiko sibawa dé' Uwunoko wettuk-Ku hukkungngi Maséré.

ASSURENG 12:23

Wettunna Puwangnge jalajja'i iyaé wanuwaé untu' mpunoi sining tau Maséré'é, naitai matu Puwangnge daraé ri iya duwa alliri tange'mu sibawa ri yasé'na sumpang bolamu; nalalona matu bawang sibawa dé' napalaloi Malaéka' Amaténgngé muttamakiwi bolamu untu' mpunoko.

YESAYA 27:8

Nahukkungngi Puwangnge umma'-Na sibawa palii mennang lao ri wanuwa laingngé. Narukkai mennang sibawa anging maja polé alaué.

YESAYA 54:17

Iyakiya tungke senjata iya rilanroé untu' méwako, dé' namallolongeng matu. Sibawa tungke nattenrekengngé ri laleng pengadilangngé mupabuttiwi matu sala. Uhadiyakangngi matu apakalangngé lao risining atak-Ku,” makkuwaniro adanna Puwangnge.

YESAYA 6:13

Mala rékko ri yelle'na seppulo tau engka mupa iya monroé ri wanuwaéro, ripaccappu towi matu. Iyakiya pada-pada aju cikare'é rékko ritubbangngi engka mupa tona, makkuwatoro engka mupa matu nasésa polé ri bangsaéro iya mancajiyé pammulanna umma iya mapaccingngé.”

YESAYA 65:8

Makkedai Puwangnge, “Buwa anggoro iya engkaé mupa uwaina dé' nariyabbéyang, iyakiya ripancajiwi uwai anggoro. Makkuwatoniro bangsa-Ku dé' Upabbinasa manengngi matu, saba' ri yelle'na mennang engka mupa iya massompaé ri Iyya.

YEHEZKIEL 9:4

“Laono ri sininna sulapa'na kotaé sibawa tanrangiwi linrona sininna tau iya messé sibawa masussaé nasaba sininna pangkaukeng iya mappakaciddi-ciddi iya napogau'é ri kotaéro.”

YEHEZKIEL 9:6

Unoi sininna tau worowané sibawa makkunraié, macowa sibawa malolo, tomatowaé sibawa ana'-ana'é. Iyakiya aja' mugéssai muwi séddi tau iya engkaé tanrang ri linrona. Appammulano polé kuwaé, ri Bola-Kué.” Nanapammulaini tugasna mennang sibawa mpunoi sining pamimpinna Israélié iya mattengngangngé tettong ri Bolana Puwangnge.

DANIEL 3:17

Rékko Allataala iya risompaé naulléi passalama'ki polé ri api iya malluwa'-luwa'éro sibawa polé ri akuwasanna Puwakku, pasti napogau'i.

DANIEL 3:26

Nainappa maddeppé Nébukadnézar ri sumpanna apiéro sibawa mangobbi, “Sadrakh, Mésakh sibawa Abédnégo, ata-atanna Allataala Iya Pommatanré! Assuno polé ri apiéro!” Namassuna mennang.

DANIEL 6:16

Nainappa iyaro sining tauwé lisu mangolo ri arungngé sibawa makkeda, “Puwakku, sitinajai naéngngerang Puwakku makkedaé situru undang-undanna Média sibawa Persia, parénta iya napassué arungngé dé' nawedding ripinra.”

ZEFANYA 2:3

Lisuno lao ri Puwangnge, éh sininna tau iya mariyawa atié ri wanuwaéwé, sibawa sininna tau iya turusiyéngngi parénta-parénta-Na. Tinda'no situru élona Puwangnge, sibawa pakariyawai alému ri yolo-Na. Nigana missekko leppe'ko matu polé ri pahukkungengngé ri esso nappaitanna Puwangnge cai-Na.

MALEAKHI 3:18

Naitai matu paimeng umma'-Ku assilaingenna ri yelle'na totona tau makessingngé sibawa tau majaé, ri yelle'na tau iya massompaé lao ri Iyya sibawa dé'é.”

MATIUS 24:22

Akkalarapanna Allataala dé' naponcokiwi wettunna; dé'gaga séddi tau salama'. Iyakiya nasaba umma'-Na, naponcokiwi Allataala iyaro wettué.

MATIUS 24:31

Ripaonini matu tarompé' battowaé, nanasuroi matu Ana'na Tolinoé malaéka'-malaéka'-Na paddeppungengngi umma'-Na polé ri eppaé sulapa', polé ri cappa langié séddié lettu ri cappa langié, laingngé.”

YOHANES 12:26

Tau iya maéloé tumaningi-Ka harusu'i maccowéri-Ka; kuwammengngi nasibawa-Ka matu pattumanik-Ku kégi-kégi-Ka engka. Tau iya tumaningiyék-Ka ripakalebbii matu ri Ambo'-Ku.”

YOHANES 3:33

Tau iya mateppe'é ri pappésabbiyan-Naro, nangakuiwi makkedaé tongengngi Allataala.

ROMA 6:22

Iyakiya makkekkuwangngé ripaleppe'no polé ri dosaé, sibawa mancaji atanna Allataala. Asarommu iyanaritu makkedaé tuwoi Saudara banna untu' Allataala na iyaro gau'é powassélé'i atuwong tongengngé sibawa mannennungengngé.

WAHYU 13:16

Sininna tauwé, battowa sibawa baiccu, sugi sibawa kasiyasi, ata sibawa tau maradéka', ripassa ri olokolo'éro untu' tarima tanrang ri lima ataunna mennang iyaré'ga ri linrona mennang.

WAHYU 13:17

Dé' muwi séddi tau mulléi melliwi iyaré'ga balu'i séuwaé, rékko dé' nappunnaiwi iyaro tanrangngé, iyanaritu asenna muto iyaro olokolo'é, iyaré'ga nomoro iya pannessaéngngi asengngéro.

WAHYU 14:1

Nainappaka makkita, napaitana iyaro Ana' Bimbala'é tettong ri yasé'na Bulu-bulu Sion. Nasibawang Aléna engka 144.000 tau iya limannaé tungke'-tungke' taroki asen-Na sibawa asenna Ambo'-Na.

WAHYU 14:9

Malaéka' matellué maccinrolaiwi iya duwa malaéka'éro, nagorato sibawa sadda iya maloppoé, “Tau iya sompaéngngi iyaro olokolo'é sibawa dato'-dato'na, enrengngé mappunnaiwi tanranna iyaro olokolo'é ri linrona iyaré'ga ri limanna,

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

WAHYU 22:4

sibawa naitai tappa-Na. Asenna Allataala riyokii matu ri linrona mennang.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”

WAHYU 7:1

Purairo, uwitani eppa malaéka' tettong ri eppaé sulapa'na linoé. Natahanggi mennang iya eppa angingngé ri linoé kuwammengngi aja' naengka anging mangiri ri pottanangngé, iyaré'ga ri tasi'é, iyaré'ga ri aju-kajungngé.

WAHYU 7:2

Nainappa uwita séddi malaéka' laingngé mompo polé ri alau. Tiwii ségélé' polé ri Allataala iya tuwoé. Nasibawang sadda iya battowaé iyaro malaéka'é naobbii iya eppa malaéka' iya puraé lolongeng akuwasang polé ri Allataala untu' solangiwi pottanangngé sibawa tasi'é.

WAHYU 9:4

Riyattéyangngi mennang solangiwi wellaé, iyaré'ga aju-kajungngé, iyaré'ga tanet-taneng laingngé. Banna mennang weddingngi nalurui sining tau iya dé'é tanrang ségélé' polé ri Allataala ri linrona.