WAHYU 7:2 - KITTA KAREBA MADECENG

² Nainappa uwita séddi malaéka' laingngé mompo polé ri alau. Tiwii ségélé' polé ri Allataala iya tuwoé. Nasibawang sadda iya battowaé iyaro malaéka'é naobbii iya eppa malaéka' iya puraé lolongeng akuwasang polé ri Allataala untu' solangiwi pottanangngé sibawa tasi'é.

WAHYU 7:2 ပူးပေါင်းရင်းမြစ်များ

2 ARUNG-NGARUNG 19:4

Purani nasuro arung Asyur séddi parawira tanréna untu' pakatunai Allataala iya tuwoé. Niga missengngi Puwang Allataalamu méngkalingai pappakatunaéro, sibawa hukkungngi matu iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

ELONG MARAJA 8:6

Pancajika buwa atimmu, aja' mukaddaowi muwi niga ri lainnaé iyya; nasaba iyaro cintaé padai watanna amaténgngé, sibawa makuwasai napessué pada-pada amaténgngé. Luwa'na pada-padai luwa apié iya mallalatungngé sibawa masero.

YESAYA 41:2

Niga pakédoi panguwasa polé alaué, sibawa mpéréngngi apakalang matteru-teru? Niga mébbui cau bangsa-bangsaé, sibawa patunru'i arung-ngarungngé untu' aléna? Peddanna mébbui mennang tassiyampo pada-pada awué, panana patassiyampoi mennang pada-pada daramé nairi anging.

YEHEZKIEL 9:4

“Laono ri sininna sulapa'na kotaé sibawa tanrangiwi linrona sininna tau iya messé sibawa masussaé nasaba sininna pangkaukeng iya mappakaciddi-ciddi iya napogau'é ri kotaéro.”

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

MATIUS 16:16

Nappébali Simon Pétrus, “Bapa' iyanaritu Arung Pappassalama'é, Ana'na Allataala Iya Tuwoé.”

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

YOHANES 6:27

Aja' muwajjama untu' lolongeng nanré iya weddingngé cappu sibawa makebbong. Ajjamako untu' lolongeng nanré iya dé'é nawedding makebbong sibawa mabbéréwé atuwong mannennungeng. Iyaro nanré nabbéréyangngi matu Ana'na Tolinoé lao ri iko, saba' purani rilanti ri Allataala Ambo'é.”

2 KORINTUS 1:22

Untu' iyanaro napurani napaessaki mancaji appunnangen-Na sibawa mabbéréyangngi Roh-Na ri laleng atitta selaku boro'-Na makkedaé nabbéréyangngi matu Allataala sininna iya Najjanciyangngé.

EFESUS 1:13

Mancaji tono umma'na Allataala wettummu méngkalingai pasenna Allataala, iyanaritu Karéba Madécéng iya mabbéré asalamakeng lao ri iko. Mateppe'ko ri Yésus Kristus, na iyanaro saba'na nabbéréyangngi Allataala tanrang appunnangen-Na lao ri iko, iyanaritu Rohna iya Najjanciyangngé.

EFESUS 4:30

Aja' mupamesséiwi atinna Rohna Allataala. Purani rimatéréiko sibawa Roh, mancaji appunnangenna Allataala. Iyaro Roh-é sinrupa towi boro' makkedaé Esso Aleppekengngé poléi matu ri iko.

ULANGENG 5:26

Engkaga naengka tolinoé tette tuwo purana naéngkalinga Allataala iya tuwoé mabbicara polé ri apié.

1 TESALONIKA 1:9

Sininna iyaro tauwé mabbicarai passalenna pékkugiko tarimaki wettutta riyolo lao ri iko. Mabbicarai mennang passalenna pékkugiko salaiwi barahala-barahalaé, sibawa lao ri séddi-séddinna Allataala iya tuwoé untu' mattumani ri Aléna.

2 TIMOTIUS 2:19

Iyakiya alléjjakenna iya masse'é iya naébbué Allataala dé' nariyullé gottangngi. Ri yasé'na tarokii iyaé, “Naisseng Puwangngé sining tau appunnangen-Na,” sibawa “Tau iya powadaéngngi makkedaé appunnangennai Puwangngé, iyaro tauwé harusu'i mappésau pogau'i pangkaukeng iya salaé”.

IBRANI 12:22

Sibalé'na, laoko ri Bulu Sion sibawa kotana Allataala iya tuwoé, iyanaritu Yérusalém iya ri surugaé sibawa massebbu-sebbu malaéka'na.

WAHYU 1:3

Masennangngi tau iya bacaéngngi sibawa tau iya méngkalingaéngngi biritta botona iyaé Kitta'é enrengngé matinulu lao ri aga iya tarokié ri lalenna. Saba' dé'na namaittana nakajajiyang matu iya manennaé.

WAHYU 10:1

Nainappa uwita séddi malaéka' poré iya laingngé nonno polé ri surugaé. Risalipuriwi sibawa ellung, enrengngé séuwa tarawu mattemmuiwi ulunna. Tappana maccahaya pada-pada mata essoé, sibawa ajéna pada-pada alliri apié.

WAHYU 10:4

Massaddanna iya pitu guttuéro, maéloka mokii, iyakiya méngkalingaka séuwa sadda polé ri surugaé makkeda, “Rahasiyakangngi aga iya napowadaé iya pitu guttuéro; aja' muwokii!”

WAHYU 16:12

Purairo malaéka' maennengngé tiri'i lise' onronna ri Salo Efrat iya battowaéro. Namarakkona iyaro saloé angkanna sining arung polé alaué naullé joppa molai.

WAHYU 5:2

Nainappa uwita séddi malaéka' iya mawatangngé, gora-gora sibawa sadda iya maloppoé, “Niga sipato' reppa'i iyaé sining ségélé'é enrengngé timpa'i iyaé kitta'é?”

WAHYU 8:3

Séddi malaéka' laing, iya tiwié séddi addupa-dupang ulaweng, polé sibawa tettong ri yolona mézbaé. Riwérénni maéga senna' kamennyang untu' riyaggugureng risining paddowangenna sininna umma'na Allataala sibawa untu' riyakkasuwiyangeng ri mézba ulawengngé iya engkaé ri yolona kadéra arajangngé.

WAHYU 9:14

Iyaro saddaé makkedai lao ri malaéka' ennengngéro, “Leppessangngi iya eppa malaéka' iya tassiyoé ri Salo Efratro!”

WAHYU 9:4

Riyattéyangngi mennang solangiwi wellaé, iyaré'ga aju-kajungngé, iyaré'ga tanet-taneng laingngé. Banna mennang weddingngi nalurui sining tau iya dé'é tanrang ségélé' polé ri Allataala ri linrona.

1 SAMUEL 17:26

Namakkeda Daud, “Barani tongeng tau Filisting kapéré'éro méwai tentarana Allataala iya tuwoé!” Nainappa makkutana ri sala séddié prajuri, “Aga riwéréngngi matu tau iya weddingngé mpunoi tau Filistingngéro sibawa leddai appakatunangngé polé ri Israélié?”

1 SAMUEL 17:36

Purani atatta mpuno singa sibawa beruang, na tau Filistin kapéré'éro pada-pada towi matu olokolo'éro, nasaba baraniwi pakatunawi tentara polé ri Allataala iya tuwoé.