WAHYU 7:1 - KITTA KAREBA MADECENG

¹ Purairo, uwitani eppa malaéka' tettong ri eppaé sulapa'na linoé. Natahanggi mennang iya eppa angingngé ri linoé kuwammengngi aja' naengka anging mangiri ri pottanangngé, iyaré'ga ri tasi'é, iyaré'ga ri aju-kajungngé.

WAHYU 7:1 ပူးပေါင်းရင်းမြစ်များ

YESAYA 11:12

Maéloi paénré Puwangnge séddi bandéra untu' bangsa-bangsaé. Iyanaro tanranna Napaddeppungengngi paimeng bangsa Israélié sibawa Yéhuda iya tassiya-siyaé ri sininna sulapa'na linoé sibawa tiwii mennang lisu.

YESAYA 27:3

Iyya, Puwang, panganrowanna; tungke wettu Ubolo, esso wenni Uwanrowang, kuwammengngi aja' naengka ganggui.

YESAYA 27:8

Nahukkungngi Puwangnge umma'-Na sibawa palii mennang lao ri wanuwa laingngé. Narukkai mennang sibawa anging maja polé alaué.

YEREMIA 49:36

Maélo-Ka masseppungeng anging lao ri Elam polé risininna sulapa'é, sibawa patassiya-siyai pabbanuwana lao kégi-kégi angkanna dé' muwi séddi wanuwa iya dé'é nalokkaiwi pangungsi-pangungsi polé ri Elamro.

YEHEZKIEL 37:9

Makkedai Allataala lao ri iyya, “Eh tolino dé'é namannennungeng, abbicarano lao ri angingngé. Powadai makkedaé Iyya, Puwang Iya Pommatanré paréntangngi aléna kuwammengngi napolé ri sininna sulapa'é, untu' masseppungeng nappase ri laleng sining tubu iya matéro angkanna tuwo mennang paimeng.”

YEHEZKIEL 7:2

“Eh tolino dé'é namannennungeng, Iyya, Puwang Iya Pommatanré, maélo powadai iyaé lao ri tana Israélié: Iyanaé paccappurenna curitana sininna wanuwaéwé!”

DANIEL 11:4

Iyakiya ri coppo arajanna, mareppa'i matu akkarungenna sibawa tabbagé-bagé mancaji eppa bagiyang. Arung-ngarung iya tenniyaé wijanna mapparéntai matu selaku passulléna, sibawa dé' matu mennang napada-pada awatangenna aléna.

DANIEL 8:8

Iyaro bémbé laié pédé maloppoi. Iyakiya wettunna lettu ri coppo akuwasanna, poloni tanru'na iya maloppoéro, nainappa ri onrongngéro tuwoi eppa tanru iya ciccaé, tungke'-tungke' majjello'i lao ri onrong iya silaingengngé.

YUNUS 1:4

Nonnoni Yunus ri onrong iya kaminang mariyawaé nanaléwu kuwaro, namemme'na tinrona. Nainappa napapolé Puwangnge anginrajaé ri tompo'na tasi'é, nanakajajiyanna bombang maseroé, iya munruéngngi kappala'éro angkanna céddé ancuru. Métau senna'ni sining ana' kappala'é sibawa gora-gora méllau tulung, tungke'-tungke' lao ri déwatana muto. Untu' kurangiwi abalaé tallemme'é, nabuwanni mennang lurenna kappala'éro ri laleng tasi'é.

ZAKHARIA 6:1

Lolongekka pakkitang iya laingngé. Iyaé sisengngé mitaka eppa karéta musu massu polé ri pallawangenna duwa bulu gessa.

ZAKHARIA 6:5

Mappébaliwi, “Joppai mennang lao ri iya eppa sulapa'é puranana mennang mangolo ri Puwang sininna alangngé.

MATIUS 24:31

Ripaonini matu tarompé' battowaé, nanasuroi matu Ana'na Tolinoé malaéka'-malaéka'-Na paddeppungengngi umma'-Na polé ri eppaé sulapa', polé ri cappa langié séddié lettu ri cappa langié, laingngé.”

MARKUS 13:27

Nasuroi matu malaéka'-malaéka'é untu' paddeppungengngi umma'-Na polé ri eppaé sulapa'na linoé, polé ri cappa'-cappa'na langié.”

WAHYU 20:8

nalaona matu bengnguwangngi bangsa-bangsaé iya tassiyaé ri sininna linoé, iyanaritu Gog sibawa Magog. Ibillisi' paddeppungengngi mennang untu' mammusu, séuwa jumella iya battowa senna'é, singngéga kessi'é ri tasi'é.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”

WAHYU 7:3

Makkedai iyaro malaéka'é, “Aja' riyolo musolangiwi pottanangngé, iyaré'ga tasi'é, iyaré'ga aju-kajungngé rekko dé'pa tawéréngngi tanrang ségélé' ri linrona sining atanna Allataalata.”

WAHYU 8:7

Malaéka' mammulangngé seppungngi tarompé'na, nateppana bosi ése'é sibawa apié iya sikoré dara ri yasé'na linoé sibawa maraja. Cappu tawa tellunna linoé ritunu; makkuwatoro tawa tellunna polé ri aju-kajungngé, enrengngé tungke' wella iya manyilaé.

WAHYU 9:14

Iyaro saddaé makkedai lao ri malaéka' ennengngéro, “Leppessangngi iya eppa malaéka' iya tassiyoé ri Salo Efratro!”

WAHYU 9:4

Riyattéyangngi mennang solangiwi wellaé, iyaré'ga aju-kajungngé, iyaré'ga tanet-taneng laingngé. Banna mennang weddingngi nalurui sining tau iya dé'é tanrang ségélé' polé ri Allataala ri linrona.