WAHYU 5:9 - KITTA KAREBA MADECENG

⁹ Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.

WAHYU 5:9 ပူးပေါင်းရင်းမြစ်များ

MAZMUR 144:9

Uwakkélongek-Ko matu élong baru, oh Allataala, sibawa getti kacapi namakkélotto.

MAZMUR 149:1

Pojiwi Puwangnge! Puwélongenni élong baru Puwangnge, pojiwi Aléna ri laleng assipulungenna umma'-Na!

MAZMUR 33:3

Akkélongenni élong baru untu' Puwangnge, acculéyangngi kacapié makessik-kessing nenniya gorano sibawa marennu!

MAZMUR 40:3

Nagettekka polé ri kalebbong iya mabbahayaé, polé ri bungka rawa-rawaé. Nataroka ri tompo'na bulu-bulu batué, angkanna mattinetto jongkaku.

MAZMUR 96:1

Puwélonno élong baru untu' Puwangnge! Akkélonno untu' Puwangnge, éh sininna linoé!

MAZMUR 98:1

Mazmur. Elongengngi élong baru Puwangnge, nasaba sining pangkaukenna iya mappabengngaé! Nasibawang akuwasang sibawa awatangenna muto purani lolongeng apakalang.

YESAYA 42:10

Akkélonno élong baru untu' Puwangnge, pojiwi Aléna, éh sininna linoé! Angoro'no, éh tasi sibawa sininna lise'na, sining wanuwa iya mabélaé sibawa sininna pabbanuwana!

DANIEL 3:4

gorani ajudanna arungngé sibawa macenno, “Saudara-saudara polé ri sininna bangsaé, suku bangsaé sibawa basaé! Engkalingai iyaé paréntana arungngé:

DANIEL 4:1

Iyanaé pappallebbanna Arung Nébukadnézar iya nakkiringengngé lao risining tau polé ri sininna bangsaé, suku bangsaé sibawa basaé ri sininna linoé: “Salama!

DANIEL 5:19

Makkuwamani rajanna, angkanna sining tau polé ri sininna bangsaé, suku bangsaé, sibawa basaé, ténré sibawa métau ri aléna. Rékko macinnai mpunoi tauwé, nauno bawang iyaro tauwé. Rékko maéloi passalama'i séddié tau, napassalama'i tauwéro. Napakatanréi iyaré'ga napakariyawai nigi-nigi situru élona.

DANIEL 6:25

Nainappa naparéntang arungngé tauwé kuwammengngi natikkengngi sining tau iya puraé mapparapekengngi Daniél. Nainappa mennang silaong sibawa ana'-ana'na nenniya sining bainéna riyaggenrungeng ri laleng gowa singaéro. Dé'pa mennang nalettu ri borina gowaéro, iyaro singa-singaé naluruini mennang sibawa reppo'i buku-bukunna.

MATIUS 20:28

Pada-padato Ana'na Tolinoé; poléi tenniya untu' ritumaningi, iyakiya untu' mattumani, sibawa mabbéréyangngi nyawa-Na untu' paleppe'i maéga tau.”

MATIUS 26:28

Saba' iyanaé dara-Ku iya paessaéngngi assijancingenna Allataala – dara ribollowangngé untu' tau maégaé nariyaddampengeng dosana mennang.

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

1 KORINTUS 6:20

Allataala pura melliko sibawa purana nawaja maneng. Rimakkuwannanaro, pakéi tubummu pékkugi caramu angkanna Allataala ripakalebbi.

1 KORINTUS 7:23

Pura riyellini Saudara sibawa purani nawaja maneng. Rimakkuwannanaro, aja' Saudara nabbéréyangngi aléna untu' mancaji atanna tolinoé.

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

EFESUS 5:19

Pakéi ada-ada polé ri mazmur-é, élong poji-pojiyangngé sibawa élong rohanié, ri laleng sining assipabbicarammu. Sitinajako nasibawang ati iya marennué makkélong poji-pojiyang lao ri Puwangngé.

KOLOSE 1:14

Nasaba Ana'-Naro naripaleppe'ki; bettuwanna dosa-dosata riyaddampengenni.

KOLOSE 1:23

Iyakiya tentu harusu'ko tette' matinulu mateppe' sibawa tettong masse ri atepperemmu. Aja' narapii muleppessangngi amménasang iya puraé riwérékko wettunna mutarima Karéba Madécéng polé ri Allataala. Iyaro karébaé purani riyabbirittang lao ri tungke' tau ri sininna linoé. Na untu' iyanaro iyya, Paulus, namancaji pattumani.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

IBRANI 11:14

Tau iya powadaéngngi makkuwaro mappaitangngi sibawa manessa makkedaé mattengngangngi mennang sappa tana iya mancajiyé matu wanuwanna.

2 PETRUS 2:1

Ri wettu labe'é ri yelle'na umma'na Allataala momponi nabi-nabi palsué. Makkuwatoro ri yelle'mu mompoi matu guru-guru palsué. Naputtama'i matu mennang sining pappagguruwang iya dé'é natongeng, iya solangiyéngngi tauwé. Sibawa nassakkarengngi matu mennang Panguwasa iya puraé paleppe'i mennang. Nanallalengiro papoléi mennang abinasang ri aléna, iya kennaéngngi mennang sibawa masitta'.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

WAHYU 10:11

Nainappa riparéntakka, “Pallebbangngi siseppa birittanna Allataala passalenna bangsa-bangsaé, sining wanuwaé, sining basaé, enrengngé sining arungngé.”

WAHYU 11:9

Sining tau polé ri sininna bangsaé, sukué, basaé, enrengngé wanuwaé naitai matu ujuna tellungngesso sitengnga ittana, sibawa dé' napalaloi iyaro sining ujué rikuburu'.

WAHYU 13:7

Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.

WAHYU 13:8

Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 14:6

Nainappa uwita séddi malaéka' laing iya luttué matanré ri langié. Iyaro malaéka'é tiwii biritta passalenna Karéba Madécéng iya mannennungengngé untu' ripalettu lao ri tolinoé ri linoé; iyanaritu lao ri tungke'-tungke' bangsa, suku, basa sibawa wanuwa.

WAHYU 15:3

Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!

WAHYU 17:15

Makkeda towi iyaro malaéka'é, “Uwai iya muwitaéro, onronna cakkuribangngé tudang, iyanaritu bangsa-bangsaé, sining ra'ya'é, sining wanuwaé sibawa sining basaé.

WAHYU 4:11

“Oh Puwang, oh Allataalata! Ikona ritu iya sitinajaé tarima pappojiyang, pappakalebbi sibawa akuwasang! Saba' Iko ritu pancajiwi sininna séuwa-séuwaé, enrengngé nasaba élo-Muto nasininna séuwa-séuwaéro kajajiyangngi sibawa tuwoi.”

WAHYU 5:12

Namakkélong mennang sibawa sadda battowa, “Iyaro Ana' Bimbala' iya puraénna rigéré, sitinajai tarima akuwasang asugireng, apanréng sibawa awatangeng; sitinajai ripakalebbi, ripakaraja enrengngé ripoji-poji!”

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.