WAHYU 5:5 - KITTA KAREBA MADECENG

⁵ Nainappa sala séddinna polé risining pamimpingngéro makkeda lao ri iyya, “Aja' muteri! Itai! Singa polé ri suku bangsa Yéhuda, wijanna Daud iya battowaé, pakalani. Naulléi reppo'i pitu ségélé' enrengngé timpa'i iyaro kitta'é.”

WAHYU 5:5 ပူးပေါင်းရင်းမြစ်များ

1 ARUNG-NGARUNG 10:20

Ri cappa abéyona sibawa cappa ataunna tungke' ana' addénéngngé engka dato-dato singa – iya manenna seppulo duwa. Dé' naengka kadéra akkarungeng pada-padaéro muwi ri akkarungeng niga.

2 TAWARIKH 9:18

Iyaro kadéraé engka taiyyana sibawa ri benrénna wali-wali engka dato'-dato' singa. Iyaro kadéraé mappunnai towi enneng ana' addénéng, sibawa séddi akkellareng ajé iya rilapiriyé sibawa ulaweng. Iyaro akkellareng ajé ripasséddiwi sibawa kadérana.

AYUB 41:15

Pada-pada séré massusungngé, lekke'na maddeppé mare, pada-pada batué tedde'na.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

YEREMIA 31:16

Pappésauni terimmu sibawa rakkoiwi uwai matammu! Dé' nasiya-siya turuppuse'mu untu' ana'-ana'mu. Untu' alému engka matu pamale'na, lisui matu ana'-ana'mu polé ri wanuwanna balié.

DANIEL 7:16

Nainappa uwaddeppéri sala séddinna tau iya tettongngé kuwaro sibawa uwéllauwi pappakatajanna passalenna iya manennaro. Nanappaissengeng toni.

ABBILANGENG 24:9

Iyaro bangsaé pada-padai singa laié sibawa singa komba'é, iya makkanroppangngé sibawa léwu. Nigana barani teddui? Tennapodo tau iya barakkakiyéngngékko ribarakkakiwi, sibawa tau iya tanroiyéngngékko ritanroiwi.”

LUKAS 23:28

Iyakiya gilingngi Yésus ri mennang sibawa makkeda, “Eh sining makkunrai Yérusalém! Aja' muteringi-Ka. Teringiwi alému sibawa ana'-ana'mu.

LUKAS 7:13

Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 8:52

Teri maneng tauwé sibawa mpating nasaba maténana iyaro ana'é. Iyakiya makkedai Yésus, “Aja' muteri. Iyaro ana'é dé' namaté, matinromi bawang!”

YOHANES 20:13

Nakkutana iyaro sining malaéka'é, “Indo', magi muteri?” Nappébali Maria, “Riyalani Puwakku, nadé' uwissengngi kégai ritaro.”

ROMA 1:3

Iyaro Karéba Madécéngngé passalennai Ana'na Allataala, Puwatta Yésus Kristus. Selaku tolino, wijannai Daud,

ROMA 15:12

Sibawa iyatoé napowada Yésaya, “Polé ri wija-wijanna Isai mompoi matu séddi tau iya paréntaéngngi matu bangsa-bangsaé; ri Alénai matu bangsa-bangsaé mamménasa.”

IBRANI 7:14

Sininna tauwé naisseng makkedaé assalenna Puwatta poléi ri suku Yéhuda; na Musa dé' naengka nateppui iyaro sukué wettunna mabbicara passalenna sining imangngé.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 4:10

iya duwappuloé eppa pamimpingngéro tassulunni ri yolona iya tudangngé ri kadéra arajangngéro, nainappa nasompa Aléna iya tuwoé mannennungeng. Nainappa naggenrungeng mennang sining passigera'na ri yolona iyaro kadéra arajangngé sibawa makkeda,

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.

WAHYU 5:4

Nauterina tassénge'-sénge' saba' dé'gaga muwi séddi tau iya sipato'é timpa'i iyaro kitta'é, enrengngé makkita ri lalenna.

WAHYU 6:1

Purairo uwitasi iyaro Ana' Bimbala'é reppa'i ségélé' mammulangngé ri yelle'na iya pitu ségélé'éro. Nainappa uwéngkalinga séddi polé ri yelle'na iya eppa mahluéro makkeda, “Laono mai!” Iyaro oni saddanna pada-padai oni letté.

WAHYU 7:13

Sala séddinna polé risining pamimpingngéro makkutana lao ri iyya, “Iyaé sining tau majjumba puté-puté, niga mennang sibawa polé kégai mennang?”