WAHYU 4:8 - KITTA KAREBA MADECENG

⁸ Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”

WAHYU 4:8 ပူးပေါင်းရင်းမြစ်များ

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

MAZMUR 91:1

Tau iya mallinrungngé ri Iya Pommatanré, sibawa monro ri laleng accinaungenna Iya Pommakuwasaé,

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

ASSURENG 3:14

Nakkeda Allataala, “Iyya iyanaritu Iyya engka. Iyanaé harusu mupowada lao ri bangsa Israélié, Aléna iya riteppué Iyya engka, pura suroka lao ri iko.

YESAYA 13:6

Mpatinno nasaba essona Puwangnge macawé'ni, iyanaritu esso abinasang iya napapolé Puwang Iya Pommakuwasaé.

YESAYA 62:1

Nasaba Yérusalém maéloka mabbicara, nasaba Sion dé' umaélo monro mammekko, narapi ripassalama sibawa apakalanna mattappa pada-pada suloé ri wennié.

YEHEZKIEL 1:18

Iyaro lébuna padatié pennoi sibawa mata.

YEHEZKIEL 1:5

Ri tengnga-tengngana ellungngéro, uwitai eppa kérub iyanaritu anu tuwo iya sinrupaé tolino,

YEHEZKIEL 1:6

iyakiya tungke-tungke mappunnaiwi eppa tappa sibawa duwappasang panni.

YEHEZKIEL 10:12

Sininna tubunna, lekke'na, limanna, pannina sibawa padati-padatinnato pennoi sibawa mata.

YOEL 1:15

Macawé'ni Essona Puwangnge, esso iya mappakatau-taué; wettunna Iya Pommakuwasaé mappapolé ancurukeng.

RIWAYA'NA RASUL-RASUL-E 20:31

Rimakkuwannanaro jaga-jagako! Engngerangngi makkedaé telluttaungngi ittana maéga uwai mata, esso wenni dé' naengka uwappésau paggurui tungke' tau polé ri iko.

2 KORINTUS 6:18

Mancaji-Ka matu Ambo'mu, na iko matu mancaji ana'-ana'-Ku, makkuwaniro adanna Puwang Iya Pommakuwasaé.”

1 TESALONIKA 2:9

Tentu muwéngngerang mupi pékkugi tedde'ta makkuraga sibawa méwa. Esso wenniki majjama kuwammengngi nadé' tasussaiwi muwi séddi tau ri yelle'mu wettutta mappallebbangengngi Karéba Madécéng iya polé ri Allataalaro lao ri iko.

1 TIMOTIUS 4:16

Jagaiwi alému sibawa jagai towi pappaguruwammu. Sitinajako matinulu pogau' manengngiro, saba' nallalengiro mupassalama'i matu muwi alému sibawa sining tau iya méngkalingaékko.

2 TIMOTIUS 4:2

Sitinajako mabbirittangngi karéba polé ri Allataalaro, sibawa matteru maddessa kuwammengngi naéngkalingai tauwé, maélogi mennang iyaré'ga dé'. Sitinajako patepperiwi tauwé, mappaitangngi iya salaé, sibawa mpéréngngi dorongang mennang. Paggurui tauwé sibawa sabbara.

IBRANI 13:8

Yésus Kristus tette'i pada, muwi riyolo, makkekkuwangngé, enrengngé lettu mannennungeng.

WAHYU 1:4

Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 1:8

“Iyya'na ritu iya pammulangngé sibawa iya paccappurengngé,” adanna Puwang Allataala, iya engkaé, sibawa iya engkaénna enrengngé iya engkaé matteru, Iya Pommakuwasaé.

WAHYU 11:17

Makkedai mennang, “Puwang, Allataala Pommakuwasaé, iya engkaé, sibawa iya engkaénna! Mattarima kasi'ki ri Idi saba' purani Mupaké akuwasam-Mu iya battowaé, enrengngé purani Mupammulai mapparénta!

WAHYU 14:11

Rumpunna api iya sissaéngngi sining tauwéro maddumpui matu matteru lettu mannennungeng. Esso wenni dé' appésaunna mennang risissa, iyanaritu mennang iya sompaéngngi olokolo'éro sibawa dato'-dato'na, sininna tau iya mappunnaiyé tanrang aseng olokolo'éro.”

WAHYU 14:3

Ri yolona kadéra arajangngé, sibawa iya eppa mahlu'é enrengngé sining pamimpingngé ri mattulilinna kadéra arajangngéro, iya 144.000 tauwéro makkélongngi séddi élong iya mabarué. Iyaro élongngé dé' naulléi magguruiwi muwi séddi tau ri lainnaé 144.000 tauwéro, iya puraé ripaleppe polé ri linoé.

WAHYU 15:3

Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!

WAHYU 15:7

Nainappa sala séddinna polé ri eppaé mahlu'éro mabbéré lao ri iya pitu malaéka'éro pitu onrong ulaweng iya pennoé sibawa caina Allataala, – Allataala iya tuwoé mannennungeng.

WAHYU 16:14

Mennang ritu sining roh-roh maja iya mébbué sining anu makalallaingngé. Iya telluro roh-é laowi ri sininna arungngé ri sininna linoé sibawa paddeppungengngi mennang untu' mammusu ri Esso iya battowaé, iyanaritu Esso polé ri Allataala Pommakuwasaé.

WAHYU 16:7

Nainappa uwéngkalinga séuwa sadda polé ri mézbaé makkeda, “Puwang, Allataala Pommakuwasaé, tongeng sibawa adélé'i sining pahukkungeng Mupatakkennaé!”

WAHYU 19:15

Polé ri bawa-Na massui sipeppa peddang iya matarengngé nasibawang iyaro peddangngé nacaui matu bangsa-bangsaé, sibawa mapparéntai matu mennang sibawa tekkeng bessi. Napara'i matu anggoro'é ri laleng apparakeng anggoro caina Allataala Iya Pommakuwasaé.

WAHYU 19:4

Na iya duwappulo eppa pamimpingngé sibawa iya eppa mahlu' iya mattulilingiyéngngi kadéra arajangngéro tassulunni sibawa sompai Allataala iya tudangngé ri yasé'na kadéra arajangngé. Makkedai mennang, “Aming! Pojiwi Allataala!”

WAHYU 21:22

Dé' uwitai Bolana Allataala ri laleng kotaéro, saba' Bolana Allataalana iyanaritu aléna Puwangngé, Allataala Iya Pommakuwasaé, sibawa iyaro Ana' Bimbala'é.

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.

WAHYU 4:6

Engkato ri yolona kadéra arajangngéro séuwa iya paitaé pada-pada tasi' kacaé, macinnong pada-pada kaca macinnongngé. Ri mattulilinna kadéra arajangngé, ri tungke' sulapa'na, engka eppa mahlu', iya bagiyang ri yolona sibawa bagiyang ri munrinna penno sibawa mata.

WAHYU 4:9

Iya eppa mahlu'éro makkélongngi élokkélong pappojiyang, pappakalebbi sibawa sukkuru' lao ri Aléna iya tudangngé ri kadéra arajangngéro, iyanaritu Aléna iya tuwoé lettu mannennungeng. Na wettunna iyaro mahlu'-mahlu'é makkélong,

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.

WAHYU 6:1

Purairo uwitasi iyaro Ana' Bimbala'é reppa'i ségélé' mammulangngé ri yelle'na iya pitu ségélé'éro. Nainappa uwéngkalinga séddi polé ri yelle'na iya eppa mahluéro makkeda, “Laono mai!” Iyaro oni saddanna pada-padai oni letté.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”

WAHYU 7:11

Sininna malaéka'é tettongngi mattulilingiwi kadéra arajangngé enrengngé sining pamimpingngé kuwaéttopa iya eppa mahlu'éro. Iyaro sining malaéka'é tassulunni ri yolona kadéra arajangngé nainappa sompai Allataala.

WAHYU 7:15

Iyanaro saba'na natettong mennang ri yolona kadéra arajanna Allataala, enrengngé massompa ri Aléna esso wenni ri laleng Bolana Allataala. Na Aléna iya tudangngé ri yasé'na kadéra arajangngéro hadéré'i matu sibawa mennang untu' linrungiwi mennang.