WAHYU 4:7 - KITTA KAREBA MADECENG

⁷ Mahlu' mammulangngé paitai pada-pada singaé. Iya maduwaé, pada-pada saping laié. Iya matellué mappunnaiwi tappa pada-pada tappa rupa tauwé. Iya maeppaé, paitai pada-pada kuwajang iya luttué.

WAHYU 4:7 ပူးပေါင်းရင်းမြစ်များ

KAJAJIYANG 49:9

Yéhuda pada-padai singa loloé; naunoi anréna, nainappa lisu ri saranna; makkailii nainappa léwu, nadé' séddi tau barani rukkai.

2 SAMUEL 1:23

Saul sibawa Yonatan, makkuwamani bessana sibawa riyamaséi; tuli masséddiwi ri laleng atuwongngé sibawa amaténgngé; lebbi masitta'i mennang naiya kuwajangngé, lebbi mawatangngi naiya singa loloé.

AMSAL 28:2

Rékko madosai bangsaé, sisullé-sulléi panguwasana; rékko mapanréi pamimpingngé, mattahangngi matu bangsaé sibawa tette battowa.

YESAYA 40:31

Iyakiya tau iya mattuwangngéngngi Puwangnge, lolongengngi matu awatangeng mabaru. Padai mennang kuwajangngé iya luttué matanré sibawa awatangeng pannina. Lariwi mennang sibawa dé' naposo, joppai mennang sibawa dé' namatekko.

YEHEZKIEL 1:10

Tungke mahlu'éro mappunnai tappa iya mallail-laingengngé; tappa tolino ri yolo, tappa singa ri seddé atau, tappa banténg ri seddé abéyo, sibawa tappa kuwajang ri monri.

YEHEZKIEL 1:8

Ri lainnaé eppa tappana sibawa duwappasang panniro, mappunnai mennang lima tolino ri yawana tungke panni.

YEHEZKIEL 10:14

Tungke kérub-éro mappunnaiwi eppa tappa iya silaingengngé. Tappa mammulangngé iyanaritu tappa banténg, iya maduwaé tappa tau, iya matellué tappa singa, sibawa iya maeppaé tappa kuwajang.

YEHEZKIEL 10:21

Iyaro sining kérub-é tungke-tungke mappunnaiwi eppa tappa, duwappasang panni, sibawato séuwa iya pada-padaé lima tau ri yawana panni-panninaro.

DANIEL 7:4

Iya mammulangngé tappana pada-padai singaé, iyakiya mappunnaiwi panni kuwajang. Wettunna utangnga, tappa mareddu'i pannina sibawa leppe; tarakkani polé ri tanaé naripatettong ri duwa ajéna pada-pada tolinoé, nainappa riwéréng akkaleng tolino.

OBAJA 1:4

Namuni muwébbui bolamu sittanré sarang kuwajangngé, sibawa sittanré sining wéttowingngé ri langié, pasti Upasempé'ko.

ABBILANGENG 23:24

Tokkongngi iyaro bangsaé pada-pada singa komba'é, sibawa tettong pada-pada singa laié. Dé' naléwu ri wettu dé'napa naemme'i inanréna sibawa naénung darana anré iya natikkengngé.”

ABBILANGENG 24:9

Iyaro bangsaé pada-padai singa laié sibawa singa komba'é, iya makkanroppangngé sibawa léwu. Nigana barani teddui? Tennapodo tau iya barakkakiyéngngékko ribarakkakiwi, sibawa tau iya tanroiyéngngékko ritanroiwi.”

1 KORINTUS 14:20

Saudara-saudara! Aja' muwappikkiri pada-pada ana'-ana'é. Ri laleng gau' majaé, sitinajako tette' pada-pada anana' baiccu'é. Iyakiya ri laleng pikkirang, sitinajako mancaji tau iya battowaénna.

ULANGENG 28:49

Séuwa bangsa iya dé'é mupahangngi basana maélo napapolé Puwangnge polé ri cappa linoé untu' méwako. Pada-pada kuwajangngé naséro'ko matu mennang.

WAHYU 4:6

Engkato ri yolona kadéra arajangngéro séuwa iya paitaé pada-pada tasi' kacaé, macinnong pada-pada kaca macinnongngé. Ri mattulilinna kadéra arajangngé, ri tungke' sulapa'na, engka eppa mahlu', iya bagiyang ri yolona sibawa bagiyang ri munrinna penno sibawa mata.

WAHYU 6:3

Nainappa iyaro Ana' Bimbala'é reppa'i ségélé' iya maduwaé, nauwéngkalingai mahlu' iya maduwaé makkeda, “Laono mai!”

WAHYU 6:5

Nainappa iyaro Ana' Bimbala'é reppa'i ségélé' iya matellué. Nauwéngkalingai mahlu' iya matellué makkeda, “Laono mai!” Makkitana, napaita sikaju anyarang bolong. Tau iya tonangiyéngngi makkatenning sipasang dacing ri limanna.

WAHYU 6:7

Nainappa iyaro Ana' Bimbala'é reppa'i ségélé' iya maeppaé. Nauwéngkalingai mahlu' iya maeppaé makkeda, “Laono mai!”