WAHYU 4:6 - KITTA KAREBA MADECENG

⁶ Engkato ri yolona kadéra arajangngéro séuwa iya paitaé pada-pada tasi' kacaé, macinnong pada-pada kaca macinnongngé. Ri mattulilinna kadéra arajangngé, ri tungke' sulapa'na, engka eppa mahlu', iya bagiyang ri yolona sibawa bagiyang ri munrinna penno sibawa mata.

WAHYU 4:6 ပူးပေါင်းရင်းမြစ်များ

WAHYU 15:2

Purairo uwitani séuwa iya paitaé pada-pada tasi' kacaé sicampuru' api. Uwita towi sining tau iya cauéngngi olokolo'é sibawa dato'-dato'na, sibawa pacau lao ri tau iya asennaé ritanrangi sibawa nomoro'. Sining tau iya pacauénnaro tettongngi ri wirinna tasi' kacaé nanakkatenning towi kacapi iya nabbéréyangngé Allataala lao ri mennang.

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.

WAHYU 14:3

Ri yolona kadéra arajangngé, sibawa iya eppa mahlu'é enrengngé sining pamimpingngé ri mattulilinna kadéra arajangngéro, iya 144.000 tauwéro makkélongngi séddi élong iya mabarué. Iyaro élongngé dé' naulléi magguruiwi muwi séddi tau ri lainnaé 144.000 tauwéro, iya puraé ripaleppe polé ri linoé.

WAHYU 19:4

Na iya duwappulo eppa pamimpingngé sibawa iya eppa mahlu' iya mattulilingiyéngngi kadéra arajangngéro tassulunni sibawa sompai Allataala iya tudangngé ri yasé'na kadéra arajangngé. Makkedai mennang, “Aming! Pojiwi Allataala!”

WAHYU 5:14

Nappébalina iya eppa mahlu'éro, “Aming!” Sibawa iyaro sining pamimpingngé tassulung toni sibawa massompa.

YEHEZKIEL 10:14

Tungke kérub-éro mappunnaiwi eppa tappa iya silaingengngé. Tappa mammulangngé iyanaritu tappa banténg, iya maduwaé tappa tau, iya matellué tappa singa, sibawa iya maeppaé tappa kuwajang.

YEHEZKIEL 10:12

Sininna tubunna, lekke'na, limanna, pannina sibawa padati-padatinnato pennoi sibawa mata.

WAHYU 7:11

Sininna malaéka'é tettongngi mattulilingiwi kadéra arajangngé enrengngé sining pamimpingngé kuwaéttopa iya eppa mahlu'éro. Iyaro sining malaéka'é tassulunni ri yolona kadéra arajangngé nainappa sompai Allataala.

WAHYU 22:1

Najjelloreng towi iyaro malaéka'é lao ri iyya salo iya mabbéré atuwong uwaina. Iyaro saloé reppe-reppe pada-pada kacaé. Sibawa massolo'i polé ri kadéra arajanna Allataala sibawa Ana' Bimbala'éro,

WAHYU 21:11

sibawa mattappa enrengngé arajanna Allataala. Iyaro kotaé millakkillang pada-pada batu paramataé, pada-pada batu baiduri pandangngé iya macinnongngé pada-pada kacaé.

WAHYU 15:7

Nainappa sala séddinna polé ri eppaé mahlu'éro mabbéré lao ri iya pitu malaéka'éro pitu onrong ulaweng iya pennoé sibawa caina Allataala, – Allataala iya tuwoé mannennungeng.

WAHYU 21:21

Iya seppulo duwa pintu gerbanna poléi riseppulo duwa mutiyara, tungke'-tungke' sumpanna riyébbui polé riséddi mutiyara. Watattanana iyaro kotaé riyébbui polé ri ulaweng tuléngngé, macinnong pada-pada kaca iya lala'-lala'é.

WAHYU 21:18

Iyaro témbo'na kotaé riyébbui polé ri batu baiduri pandangngé, na kotana poléi ri ulaweng tuléngngé, macinnong pada-pada kacaé.

WAHYU 7:17

saba' Ana' Bimbala' iya tudangngé ri tengnga-tengngana kadéra arajangngéro mancaji matu pakkampina. Nadulungengngi matu mennang lao ri mata uwai iya mabbéré atuwong. Sibawa Allataala matu sussurengngi sininna uwai matanna polé ri matanna mennang.”

1 ARUNG-NGARUNG 7:23

Nainappa Huram mébbu séddi kullang gessa iya mallébué, sibawa ukkuranna makkuwaiyé: liyunna 2,2 météré, sakkana tengngana 4,4 météré sibawa lébuna 13,2 météré.

AYUB 28:17

Ulawengngé iyaré'ga kaca manenné'é dé' nawedding ripappadangngi, dé' nawedding riwaja sibawa onrong bunga ulaweng.

ASSURENG 38:8

Bézaleel mébbui kullang gessaé sibawa tudangenna poléto ri gessaé. Iyaro gessaé poléi risining camming appunnangenna sining makkunrai iya mattumaniyé ri sumpanna Kémana Puwangnge.

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.

WAHYU 5:11

Nainappa makkitasika. Uwéngkalingasi sadda malaéka' iya massebbu-sebbué enrengngé majjuta-jutaé égana! Tettongngi mennang mattulilingiwi kadéra arajangngé sibawa iya eppa mahlu'é enrengngé sining pamimpingngéro.

WAHYU 6:1

Purairo uwitasi iyaro Ana' Bimbala'é reppa'i ségélé' mammulangngé ri yelle'na iya pitu ségélé'éro. Nainappa uwéngkalinga séddi polé ri yelle'na iya eppa mahluéro makkeda, “Laono mai!” Iyaro oni saddanna pada-padai oni letté.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”