Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




WAHYU 4:5 - KITTA KAREBA MADECENG

5 Polé ri kadéra arajangngéro massui cahaya billa'é enrengngé oni letté iya maddalenrungngé. Sibawa ri yolona kadéra arajangngé engka pitu sulo iya malluwa'-luwa'é; iyanaritu iya pitu Rohna Allataala.

အခန်းကိုကြည့်ပါ။ ကော်ပီ




WAHYU 4:5
24 ပူးပေါင်းရင်းမြစ်များ  

Nainappa makkedasi Puwangnge lao ri aléna, “Iyya'na Puwang, iya puraé pimpikko massu polé ri wanuwa Ur ri Babilonia, untu' mabbéréyangngi tanaéwé lao ri iko mancaji appunnangemmu.”


Angakuiwi akuwasan-Na Allataala iya makuwasaiyéngngi Israélié, lettu ri langié akuwasan-Na.


Ri éléna ri esso matellué engka guttu sibawa letté. Momponi ellung iya makkompe'é ri tompo'na bulué sibawa riyéngkalingani oni tarompé iya maladde senna'é. Sininna tauwé ri akkémangngé ténréni nataro tau.


Wettunna naéngkalinga sining tauwé guttué sibawa oni tarompé'é, enrengngé mitai billa'é sibawa bulu iya maddumpué, ténréni mennang métau sibawa tettong mabéla-béla.


Ebburengngi pitu lampu ri ajé lampuéro sibawa pasangngi pékkugi carana angkanna tappana liyoloi.


Ri ajéna lampuéro naébbui pitu lampu silaong pakkakkasa'na untu' paccingiwi sumbunna sibawa baki'na polé ri ulaweng tuléngngé.


Ri tengnga sining mahlu'éro engka séuwa iya paitaé pada-pada bara api iyaré'ga sulo malluwa iya kédo-kédoé dé' naengka nappésau. Iyaro apié reppe-reppe sibawa patassiya billa-billa letté.


Mangngaungngi Puwangnge polé ri Sion, bulu-Na; polé ri Yérusalém magguttui saddan-Na. Taggottang langié sibawa linoé nasaba Aléna. Iyakiya tette'i matu Puwangnge méwaiwi sibawa linrungiwi Israélié, umma'-Na.


Makkutanani, “Aga muwita?” Mappébalika, “Séddi ajé lampu polé ri ulawengngé. Ri cappa yasé'na engka onrong minnya'na, sibawa ri mattulilinna engka pitu lampu, iya tungke'-tungke'é mappunnai pitu onrong sumbung.


“Rékko poléi Ana'na Tolinoé selaku Puwang, keadaanna pada-padai ri laleng pakkalarapangngéwé: Engka seppulo ana'dara tinrosiwi bottingngé tungke'-tungke' mala pajjennangeng, nainappa lao duppaiwi bottimpurané.


Ucemméko sibawa uwai untu' pannessai makkedaé toba'no polé ri dosa-dosamu; iyakiya iya maéloé polé ri munrikku, nacemméko matu sibawa Rohna Allataala enrengngé api. Lebbi battowai na iyya. Muwi untu' tiwii sapatun-Na dé'to usitinaja.


Nainappa mitani mennang lila-lila luwa' api massanra kégi-kégi sibawa léppang ri tungke'-tungke' mennang.


Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,


Nainappa gora sibawa sadda battowa pada-pada sining singaé iya mattengngangngé mowang. Puranana gora iyaro malaéka'é, iya pitu guttué mappébalini sibawa sadda maddalenrung.


Natattimpa'na Bolana Allataala ri surugaé, enrengngé paitani Petti Assijancingengngé ri lalenna. Nasiyanré-anré billa'é enrengngé sadda guttué maddalenrung sibawa mango, kuwaéttopa mpéwang tanaé sibawa bosi ése' iya maseroé.


“Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!


Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.


Nainappa iyaro malaéka'é nala iyaro addupa-dupangngé, nanalisekiwi sibawa api polé ri mézbaé, nainappa naggenrungeng ri yasé'na linoé. Naddalenrunna guttué enrengngé siyanré-anré billa'é, kuwaéttopa mpéwanni tanaé.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ