WAHYU 4:2 - KITTA KAREBA MADECENG

² Matteru bawakka rikuwasai ri Rohna Allataala. Nainappa uwita ri surugaé engka séddi kadéra arajang, sibawa engka séddi tau tudang ri kadéra arajangngéro.

WAHYU 4:2 ပူးပေါင်းရင်းမြစ်များ

1 ARUNG-NGARUNG 22:19

Makkedai Mikha paimeng, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri kadéra arajan-Na ri surugaé, sibawa sininna malaéka'-Na tettong ri seddé-Na.

MAZMUR 11:4

Engkai Puwangnge ri Bola-Na iya mapaccingngé, kadéra akkarungen-Na engkai ri surugaé. Najagaiwi rupa tauwé sibawa missengngi sininna pangkaukenna mennang.

YESAYA 6:1

Ri laleng taung namatéiyé Arung Uzia, uwitai Puwangnge. Tudangngi ri yasé'na kadéra arajan-Na iya matanré sibawa malebbié. Jumba-Na natongkoi sininna Bolana Puwangnge.

YEREMIA 17:12

Bolana Puwat-ta pada-padai kadéra arajang iya malebbié, ri pammulanna mupa ri bulu iya matanré.

YEHEZKIEL 1:26

Ri tompo'na kubbaéro engka séuwa iya sinrupaé kadéra arajang polé ri batu nilangngé, na ri yasé'na tudangngi séuwa iya paitaé pada-pada tolino.

YEHEZKIEL 1:28

sibawa madduparupang balona pada-pada tarawué. Iyanaro tajang pawilo-wiloé iya mappaitangngéngngi ahadérékenna Puwangnge.

YEHEZKIEL 10:1

Nainappa makkitaka lao ri kubba iya engkaé ri tompo ulunna sining kérub-éro, nauwitai séuwaé iya pada-padaé kadéra arajang polé ri batu nilangngé.

DANIEL 7:9

Ri wettu makkitaku matteru, siyagangngaré kadéra akkarungeng ripalénne. Nainappa aléna iya tuwoé mannennungeng tudang ri yasé'na sala séddinna kadéra-kadéra akkarungengngéro. Pakéyan-Na sibawa gemme'-Na maputé mapaccing pada-pada ape'é. Kadéra akkarungen-Na sibawa padati-padatinna malluwa'-luwa' nasaba lumpa api,

MATIUS 22:43

Nakkutana Yésus, “Rékko makkuwaitu, aga saba'na Rohna Allataala nawéréngngi wahyu Daud untu' teppui Arung Pappassalama'é ‘Puwang’? Saba' makkedai Daud,

IBRANI 8:1

Poko'na sininna abbicarangngéwé iyanaritu: Mappunnaiki Imang Lompo iya pada-padaéro, iya tudangngé mapparénta silaong Allataala Pobbattowaé ri sururugaé.

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.

WAHYU 12:5

Nainappa iyaro makkunraié jajiyanni séddi ana' worowané iya maéloé paréntai sininna bangsaé sibawa tekkeng bessi. Iyakiya iyaro ana'é rirampasa'i polé ri makkunraiéro, nainappa ritiwi lao ri Allataala sibawa ri yolona kadéra arajan-Na.

WAHYU 17:3

Nainappa nakuwasaika Rohna Allataala, sibawa iyaro malaéka'é natiwika ri padang kessi'é. Kuwaniro mitaka séddi makkunrai tudang ri yasé'na séddié olokolo' iya makellengngé bulunna, sibawa iya riyarokiriyé penno sibawa aseng-ngaseng pappakatuna lao ri Allataala. Iyaro olokolo'é mappunnaiwi pitu ulu sibawa seppulo tanru'.

WAHYU 19:4

Na iya duwappulo eppa pamimpingngé sibawa iya eppa mahlu' iya mattulilingiyéngngi kadéra arajangngéro tassulunni sibawa sompai Allataala iya tudangngé ri yasé'na kadéra arajangngé. Makkedai mennang, “Aming! Pojiwi Allataala!”

WAHYU 20:11

Purairo uwitani séuwa kadéra arajang puté iya battowaé sibawa Aléna iya tudangngé ri yasé'na. Lennye'i langié sibawa linoé polé ri yolo-Na, angkanna dé'na napaitana.

WAHYU 21:10

Nanakuwasaina Rohna Allataala, sibawa iyaro malaéka'é natiwika ri coppo'na bulu iya matanré senna'é. Najellokenna Yérusalém, kota mapaccingngéro. Iyaro kotaé nonnoi polé ri surugaé, polé ri Allataala,

WAHYU 21:5

Nainappa Aléna iya tudangngé ri yasé'na iyaro kadéra arajangngé makkeda, “Makkekkuwangngé Uwébbuni sininna mabaru!” Makkeda towi lao ri iyya, “Okii iyaé, saba' iyaé sining ada-adaéwé tongengngi sibawa weddingngi riyatepperi.”

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 4:10

iya duwappuloé eppa pamimpingngéro tassulunni ri yolona iya tudangngé ri kadéra arajangngéro, nainappa nasompa Aléna iya tuwoé mannennungeng. Nainappa naggenrungeng mennang sining passigera'na ri yolona iyaro kadéra arajangngé sibawa makkeda,

WAHYU 4:5

Polé ri kadéra arajangngéro massui cahaya billa'é enrengngé oni letté iya maddalenrungngé. Sibawa ri yolona kadéra arajangngé engka pitu sulo iya malluwa'-luwa'é; iyanaritu iya pitu Rohna Allataala.

WAHYU 4:9

Iya eppa mahlu'éro makkélongngi élokkélong pappojiyang, pappakalebbi sibawa sukkuru' lao ri Aléna iya tudangngé ri kadéra arajangngéro, iyanaritu Aléna iya tuwoé lettu mannennungeng. Na wettunna iyaro mahlu'-mahlu'é makkélong,

WAHYU 5:1

Nainappa uwita séuwa kitta lulung ri limanna Aléna iya tudangngé ri kadéra arajangngéro. Iyaro kitta'é penno sibawa oki wali-wali enrengngé ri materéi sibawa pitu ségélé'.

WAHYU 5:13

Nainappa uwéngkalinga sininna mahlu'é ri langié, ri linoé, ri yawana linoé enrengngé ri laleng tasi'é – rippe'na sininna mahlu'é ri lalenna alangngéwé – makkélong, “Aléna iya tudangngé ri yasé'na kadéra arajangngé, sibawa Ana' Bimbala'éro, iyanaritu iya ripoji-pojiyé enrengngé ripakalebbié kuwaéttopa maraja nenniya makuwasa untu' mannennungeng!”

WAHYU 6:16

Lao risining bulué sibawa batuéro, gorai mennang, “Geppaki! Subbuki polé ri pakkitanna Aléna iya tudangngé ri yasé'na kadéra arajangngé, enrengngé polé ri caina Ana' Bimbala'éro!