WAHYU 4:1 - KITTA KAREBA MADECENG

¹ Purairo lolongessika pakkitang. Uwitai séddi tange' tattimpa' ri surugaé. Nainappa riyéngkalingasi sadda iya bunge'na pura mabbicara lao ri iyya pada-pada oni tarompé'é. Makkedai iyaro saddaé, “Enré'no kuwaé. Maélo-Ka mappaitangngi lao ri iko aga iya maéloé kajajiyang matti.”

WAHYU 4:1 ပူးပေါင်းရင်းမြစ်များ

ASSURENG 1:1

Yakub iya riyasengngétto Israél, laowi ri Maséré silaong ana'-ana'na enrengngé kaluwargana mennang tungke'-tungke'. Iyaro ana'-ana'na Yakub iyanaritu:

ASSURENG 19:24

Nappébali Puwangnge, “Nonnono, nainappa lisu kuwaé silaong Harun. Iyakiya sining imang sibawa ra'ya'é dé' nawedding naliweng pakkaséséngngé untu' lao ri Iyya. Rékko naliwengngi, Uhukkungngi matu mennang.”

ASSURENG 24:12

Namakkeda Puwangnge lao ri Musa, “Laono ri Iyya ri tompo'na bulué. Kuwaro Uwérékko matu duwa batu iya Uwarokiriyé sibawa sininna hukkuk-Ku. Iya manenna hukkungngéro Uwabbéréyangngi untu' pappagguruwang lao ri bangsaéro.”

AMSAL 25:7

Lebbi kessing muwi riyobbi ménré ri onrong iya lebbi malebbié naiya risuro mabbéréyangngi onrommu lao ri tau iya lebbi mappangka'é.

YEHEZKIEL 1:1

Ri tanggala limana uleng eppa ri taung matelluppuloé, ri laleng taung malimaé sipongenna Arung Yoyakhin ritiwi ri appalirengngé, iyya, Imang Yéhézkiél ana' Busi, engkaka ri wirinna Salo Kébar ri Babél silaong sining tau Yahudi ripali laingngé. Natappa tattimpa langié naulolongeng pakkitang passalenna Allataala. Uwéngkalingai Puwangnge mabbicara lao ri iyya sibawa upéneddinginna awatangeng akuwasan-Na.

MATIUS 3:16

Puranana ricemmé, masitta'ni Yésus massu polé ri uwai ri saloéro. Tappa tattimpa' muni langié nanaitai Yésus Rohna Allataala nonno pada-pada jangang-jangangngé ri yasé'na Yésus.

MARKUS 1:10

Massuna Yésus polé ri saloéro, Naitani tabbukka langié sibawa Rohna Allataala nonno ri yasé'na pada-pada jangang-jangangngé.

LUKAS 3:21

Puranana ricemmé maneng iyaro tauwé, ricemmé toni Yésus. Na wettunna massempajang, tattimpa'ni langié,

YOHANES 16:13

Iyakiya rékko poléni iyaro Roh-é, iyanaritu iya pannessaéngngi atongengengngé passalenna Allataala, Napimpikko matu untu' missengngi sininna atongengengngé. Dé'na nabbicara matu polé ri Aléna iyakiya napowadai aga pura naéngkalinga, sibawa napaissengiko matu aga maéloé kajajiyang ri esso ri munri.

RIWAYA'NA RASUL-RASUL-E 10:11

Naitai langié tattimpa' naengka pada-pada kaing iya mallebba'é riloro' ri tanaé, taggattung ri iya eppa sunna'.

RIWAYA'NA RASUL-RASUL-E 7:56

Nakkeda Stéfanus, “Itai, uwitai surugaé tattimpa' sibawa Ana'na Tolinoé tettong ri seddé ataunna Allataala!”

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.

WAHYU 1:12

Gilikka limonri untu' mitai niga iyaro mabbicaraé lao ri iyya. Nauwitai pitu ajé lampu iya riyébbué polé ri ulawengngé.

WAHYU 1:19

Rimakkuwannanaro, okii gau'-gau' iya muwitaé, iyanaritu gau'-gau' iya engkaé makkekkuwangngéwé, sibawa gau'-gau' iya kajajiyangngé matu matti.

WAHYU 11:12

Nainappa iya duwa tau nabiéro maréngkalinga sadda battowa iya mobbiéngngi mennang polé ri surugaé, “Laono mai ménré' kuwaé!” Nainappa ri yolona matanna sining balinna, ménré' toni mennang ri surugaé, risalipuri ri ellungngé.

WAHYU 11:19

Natattimpa'na Bolana Allataala ri surugaé, enrengngé paitani Petti Assijancingengngé ri lalenna. Nasiyanré-anré billa'é enrengngé sadda guttué maddalenrung sibawa mango, kuwaéttopa mpéwang tanaé sibawa bosi ése' iya maseroé.

WAHYU 16:17

Purairo malaéka' mapitué tiri'i lise' onronna ri yelle'é. Nariyéngkalingana sadda iya maloppoé polé ri kadéra arajangngé ri Bolana Allataala, iya makkedaé, “Tépuni!”

WAHYU 19:11

Nainappa uwita tattimpa surugaé, nainappa paita sikaju anyarang puté. Pakkinnyaran-Na riyasengngi Iya Matinulué sibawa Iya Tongengngé. Adélé'i ri laleng pettuiwi pahukkungengngé sibawa ri laleng musu iya Napogau'é.

WAHYU 22:6

Nainappa makkeda iyaro malaéka'é lao ri iyya, “Iyaé sining ada-adaé tongengngi sibawa weddingngi riyatepperi. Puwang Allataala iya mabbéréyangngéngngi Roh-Na lao ri nabi-nabié, pura suroi malaéka'-Na untu' majjellokengngi lao risining atan-Na aga iya masitta'é harusu kajajiyang.”