WAHYU 3:9 - KITTA KAREBA MADECENG

⁹ Engngerangngi iyaé: Sining tau iya mancajiyé umma'na Ibillisi'éro, sining tau pabbelléng iya mangakuiyéngngi aléna Yahudi, padahal tenniya, maélo Uwébbu angkanna mennang polé suju' ri yolomu. Nanaissengngi matu mennang makkedaé Uwamaséiko.

WAHYU 3:9 ပူးပေါင်းရင်းမြစ်များ

ESTER 8:17

Makkuwatoro ri tungke' kota sibawa propinsié, kégi-kégi sure' paréntana arungngé ribaca, marennuni sining tau Yahudié, massennas-sennang sibawa mappésta. Mala maéga polé ri pabbanuwaé iya mancajiyé warga bangsa Yahudi, nasaba métaui mennang lao ri bangsaéro.

ASSURENG 11:8

Angkanna Musa makkeda, “Sininna pejaba'na Puwakku poléi matu sibawa suju' ri yoloku nanaéllauwi kuwammengngi iyya sibawa bangsaku salaiwi iyaé wanuwaé. Purairo laona' matu.” Namacai senna'na Musa salaiwi arungngé.

YESAYA 43:4

Mangke'ko ri matak-Ku, Uwangke'ko sibawa Uwamaséiko; na-Uwabbéréyangngi tolinoé selaku passullému, bangsa-bangsaé selaku passuléna nyawamu.

YESAYA 45:14

Makkedai Puwangnge lao ri Israélié, “Appunnangiwi wassélé tanana Maséré sibawa alabanna Sudan. Sining tau Syéba iya baranié mancajiwi appunnangemmu; joppai mennang ri munrimmu sibawa ribalenggu. Suju'i matu mennang sibawa mangakuiwi, ‘Allataala tonget-tongengngi ri tengngamu; dé'gaga déwata ri lainnaé Aléna!

YESAYA 49:23

Arung-ngarungngé pada-padai matu ambo'é lao ri iko, sibawa sining ratué selaku indo'. Suju'i matu pakalebbiko sibawa pakariyawai aléna lao ri iko. Namuwissengngi matu makkedaé Iyya Puwang; tau iya mamménasaé ri Iyya dé' naripakacélé.”

YESAYA 60:14

Ana'-ana'na tenre'ékko poléi suju', iya puraé pakatunako tunru'i matu, riteppuko matu ‘Kotana Puwangnge’, ‘Sion, Kotana Allataala Mapaccinna Israélié’.

YOHANES 17:23

Iyya sibawa mennang, na Ambo' sibawa Iyya; kuwammengngi natonget-tongengngi séddiwi. Nanaissengngi matu linoé makkedaé Ambo' ritu suro-Ka, sibawa makkedaé Ambo' mamaséiwi mennang pada-pada Ambo' mamaséi-Ka.

WAHYU 2:9

Uwisseng sining asussammu; Uwisseng kasiyasiko iyakiya sitongenna sugiko! Uwisseng sining pappétenna iya ripakennaiyékko polé risining tau iya mangakuiyéngngi aléna Yahudi, padahal tenniya; mennang iyanaritu umma'na Ibillisi'!

1 SAMUEL 2:36

Tungke' wijammu iya tuwoé mupa, laowi matu ri imangngéro untu' méllau dowi sibawa inanré. Naéllauwi matu, Palaloka bantui sining imangngé, kuwammengngi weddikka manré namuni banna sitémpu bawang.”