WAHYU 3:8 - KITTA KAREBA MADECENG

⁸ Uwisseng aga mupogau'é. Uwisseng makkedaé dé' nasiyaga awatangemmu; purani muwaccowéri pappagguruwak-Ku enrengngé matinulu ri Iyya. Untu' iko purani Utimpa séddi tange', iya dé'é naulléi tongkoi muwi niga.

WAHYU 3:8 ပူးပေါင်းရင်းမြစ်များ

AMSAL 30:9

Saba', rékko sugika, naullé makkedaka matu makkedaé dé' uwapparelluwakko. Sibawa rékko kasiyasika, naullé ménnauka matu angkanna ucarépai asemmu.”

DANIEL 11:34

Ri wettu matteruna iyaro abbunowangngé, lolongengngi matu umma'na Allataala sibawa céddé bantuwang, iyakiya maéga tau masséddi matu sibawa mennang banna untu' apentingenna muto mennang.

LUKAS 12:9

Iyakiya tau iya massakkaé ri yolona tau maégaé makkedaé ana' guruk-Kui, riyassakkareng towi matu ri Ana'na Tolinoé ri yolona sining malaéka'na Allataala.

YOHANES 15:20

Engngerangngi aga pura Upowadakko, ‘Ataé dé' nalebbi battowa naiya puwanna.’ Rékko purai mennang napanrasa-rasa-Ka, napanrasa-rasa tokko matu. Rékko naturusiwi pappagguruwak-Ku, naturusi towi matu pappagguruwammu.

YOHANES 17:6

Purani Uwappaddissengeng Ambo' lao risining tau iya polé ri linoéwé iya puraé nabbéréyang Ambo' lao ri Iyya. Mennang iyanaritu appunnangennai Ambo', na Ambo' pura mabbéréyangngi mennang lao ri Iyya. Purani mennang naturusi ada-adanna Ambo'.

RIWAYA'NA RASUL-RASUL-E 14:27

Wettunna lettu ri Antiokhia, napaddeppungenni mennang sining tau polé ri jema'éro, nainappa nacurita manenni iya puraé napogau' Allataala naolai mennang. Nacurita toni mennang passalenna pékkugi Allataala pura timpa'i lalengngé kuwammengngi sining tau bangsa laingngé iya tenniyaé Yahudi mateppe'i lao ri Yésus.

1 KORINTUS 16:9

Maéga wettukku kuwaé untu' jama-jamang iya makkégunaé, namuni maégato tau méwai.

2 KORINTUS 2:12

Wettukku lettu ri Troas sibawa akkatta untu' mabbirittangngi Karéba Madécéngngé passalenna Kristus, purani natimpakekka laleng Puwangngé untu' majjama ri onrongngéro.

FILIPI 4:13

Nasibawang akuwasang iya nabbéréyangngé Kristus lao ri iyya, mappunnaika awatangeng moloiwi sininna rupanna keadaangngé.

KOLOSE 4:3

Assempajang tokko untu' idi kuwammengngi nawérékki kasempatang Allataala iya makessingngé untu' mappallebbangengngi biritta passalenna rahasiyana Kristus. Nasaba gau'éro, na uwengka makkekkuwangngé ri laleng tarungkué.

1 TIMOTIUS 5:8

Iyakiya rékko engka tau iya dé'é napiyarai siyajinna, lebbi-lebbipi kaluwargana muto, iyaro tauwé nassakkarengngi atepperenna, lebbi majai naiya tau dé'é namateppe'.

2 TIMOTIUS 4:7

Purani uwaccowéri akkalaringngé sibawa makessing, enrengngé lettu'na ri garisi paccappurengngé. Tette'ka matinulu lao ri Kristus lettu paccappurenna.

YUDAS 1:4

Saba' tenrimaingekiwi, engka tau mattentu iya maccelle'é muttama ri tengnga-tengngata. Mennang tau maja ampé iya putara'balé'éngngi biritta passalenna pammaséna Allataalata, untu' lolongeng kasempatang pallessui napessunna. Nanasampéyangngi mennang Yésus Kristus, alé-aléna Panguwasa sibawa Puwatta. Riyolopa nariyolo pahukkungeng untu' mennang pura ribotoni ri laleng Kitta'é.

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.

WAHYU 2:2

Uwisseng aga iya muwébbué: majjama laddé'ko enrengngé sabbara senna'. Uwisseng makkedaé dé' muwéréngngi ati tau majaé. Sibawa sining tau iya mangakuiyéngngi aléna rasul, padahal tenniya, purani muwoji, namulolongengngi makkedaé pabbelléngngi mennang.

WAHYU 22:7

Nakkeda Yésus, “Pénessaiwi iyaé! Masitta'ka maélo polé. Maupe'i sining tau iya turusiyéngngi ada-ada botoé ri laleng kittaéwé!”

WAHYU 3:1

“Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!

WAHYU 3:10

Nasaba purani muwaccowéri parénta-Ku kuwammengngi muwattunru-tunru, maélo tok-Ka linrungiko polé ri wettu asussangngé iya maéloé kennai sininna linoé. Iyaro gau'é kajajiyangngi matu untu' cobaiwi sininna tauwé ri linoé.

WAHYU 3:15

Uwisseng aga iya mupogau'é; Uwissekko dé' mumakeccé sibawa dé'to mumapella. Harusu'no sala séddinna!

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.