WAHYU 3:7 - KITTA KAREBA MADECENG

⁷ “Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.

WAHYU 3:7 ပူးပေါင်းရင်းမြစ်များ

AYUB 11:10

Rékko Natikkekko sibawa natiwiko ri mahkama-Na, nanigana barani lawa-lawaiwi tindakan-Na?

AYUB 12:14

Aga Nabongkara dé' naulléi patettongngi paimeng niga Natawang dé' naulléi leppe paimeng.

MAZMUR 145:17

adélé'i Puwangnge ri laleng sininna tindakan-Na sibawa pennoi pammasé ri laleng sininna pangkauken-Na.

MAZMUR 16:10

Saba' dé' Muleppessakka maté; tau iya Muwamaséiyé dé' Muleppessangngi maté.

MAZMUR 89:18

Muwérékki apakalang iya makessing senna'é, nasaba akessingem-Mu ritu natapakala.

YESAYA 22:22

Sukkui matu makuwasa ri yawana arung wija-wijanna Daud. Makkatenningngi matu goncing akkarungeng. Rékko natimpa'i, dé'gaga mulléi tongkoi, sibawa rékko natongkoi, dé'gaga mulléi timpa'i.

YESAYA 30:11

Anyingkiri'no sibawa alano laleng laing. Aja' mugangguki sibawa Allataala mapaccinna Israélié.”

YESAYA 41:14

Adanna Puwangnge, “Aja' mumétau, Israél, namuni baiccu'ko sibawa malemma. Iyya ritu Puwang iya tulungngékko, Iya Pommapaccingngé, Allataalana Israélié iyanaritu Pappassalama'mu.

YESAYA 41:16

Mutapiwi matu mennang, nainappa naluttureng mennang anging sibawa napatassiya anginraja. Marennuko matu nasaba Iyya, Puwang, sibawa maloppo ati nasaba Iyya, Allataalana Israélié.

YESAYA 41:20

Nanaitai matu sininna tauwé sibawa naissenna makkedaé Iyya, Puwang, iya pogau'éngngi. Napuriyatiwi matu mennang sibawa najeppuiwi, Allataala mapaccinna Israélié mébbui iyaro kajajiyang.”

YESAYA 47:4

Allataala mapaccinna Israélié paleppe'ki, asenna Puwang Iya Pommakuwasaé.

YESAYA 48:17

Adanna Allataala mapaccinna Israélié, pappassalama'mu, “Iyya ritu Puwang Allataalamu, iya pagguruékko aga iya makkégunaé untu' alému, sibawa pimpikko ri laleng iya harusu'é muwola.

YESAYA 49:7

Allataala mapaccing Pappassalama'na Israélié makkeda lao ri tau iya ripakatuna senna'é, sibawa iya ricéccé ri bangsa-bangsaé enrengngé mancaji atanna sining panguwasaé, “Naitai matu sining arungngé pangkaukek-Ku; tokkongngi matu mennang pakalebbi-Ka. Naita towi matu sining panguwasaé, nanasuju' massompa.” Kajajiyangngi iyaro nasaba Puwangnge pura piléi atan-Na; Allataala mapaccinna Israélié matinului lao ri jancin-Na.

YESAYA 54:5

Pappancajimmu pada-padai lakkaié ri alému, Allataala mapaccinna Israélié iyanaritu Pappassalama'mu. Puwang Iya Pommakuwasaé, iyanaro asen-Na, Aléna Allataala makuwasaiwi sininna linoé.

YESAYA 55:5

Muwobbii matu bangsa-bangsa laingngé, sibawa masitta'i mennang polé ri iko, nasaba Iyya, Puwang Allataalamu, Allataala mapaccinna Israélié, saba' Iyya pura pakarajako.”

YESAYA 6:3

Mangobbii mennang séddié lao ri laingngé: “Mapaccing, mapaccing, mapaccing. Mapaccingngi Puwang Iya Pommakuwasaé. Pennoi linoé ahadéréken-Na iya malebbié.”

MATIUS 16:19

Namaélo-Ka mpérékko goncinna Lino Barunna Allataala. Aga muwattéyang ri linoé, riyattéyang towi ri surugaé. Na aga mupattongeng ri yasé'na linoé, ripattongeng towi ri surugaé.”

MATIUS 24:35

Lennye'i matu langié sibawa linoé, iyakiya ada-adak-Ku tette'i mannennungeng.”

MARKUS 1:24

“Oh Yésus, tau Nazarét-é, aga maélo Mugaukekki? Polé-Koga untu' pabbinasaki? Uwisseng niga Iko: Ikona suro mapaccingngé iya polé ri Allataala!”

LUKAS 1:32

Mancajiwi matu maraja nariyaseng Ana'na Allataala Iya Pommatanré. Napancajiwi matu Puwang Allataala arung pada-pada Arung Daud, néné-nénéna.

LUKAS 4:34

“Eh Yésus, tau Nazarét, aga maélo Mugaukekki? Polé-Koga maélo pabbinasaki? Uwisseng nigako, iko suro polé ri Allataala iya mapaccingngé!”

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

RIWAYA'NA RASUL-RASUL-E 3:14

Mapaccingngi sibawa makessingngi, iyakiya muéwai sibawa mudessa'-Na kuwammengngi naleppessangekko Pilatus séddi tau pauno-uno.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,

WAHYU 15:3

Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!

WAHYU 16:7

Nainappa uwéngkalinga séuwa sadda polé ri mézbaé makkeda, “Puwang, Allataala Pommakuwasaé, tongeng sibawa adélé'i sining pahukkungeng Mupatakkennaé!”

WAHYU 19:11

Nainappa uwita tattimpa surugaé, nainappa paita sikaju anyarang puté. Pakkinnyaran-Na riyasengngi Iya Matinulué sibawa Iya Tongengngé. Adélé'i ri laleng pettuiwi pahukkungengngé sibawa ri laleng musu iya Napogau'é.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

WAHYU 21:5

Nainappa Aléna iya tudangngé ri yasé'na iyaro kadéra arajangngé makkeda, “Makkekkuwangngé Uwébbuni sininna mabaru!” Makkeda towi lao ri iyya, “Okii iyaé, saba' iyaé sining ada-adaéwé tongengngi sibawa weddingngi riyatepperi.”

WAHYU 3:14

“Lao ri malaéka'na jema'é ri Laodikia, okii makkuwaé: Iyanaé paseng polé riyasengngé Aming, Sabbi iya matinulué enrengngé tongengngé, assalenna séuwa-séuwaé iya napancajiyé Allataala.

WAHYU 4:8

Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.

WAHYU 6:10

Gorani mennang sibawa sadda iya battowaé, “Oh Puwang Pommakuwasaé, iya mapaccingngé sibawa tongengngé! Siyagapi ittana nappa-Ko madélékiwi pabbanuwana linoé enrengngé hukkungngi mennang nasaba purani naunoki?”