WAHYU 3:5 - KITTA KAREBA MADECENG

⁵ Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.

WAHYU 3:5 ပူးပေါင်းရင်းမြစ်များ

MAZMUR 109:13

Leppessangngi sininna wija-wijanna ripaccappu, sibawa asenna riyallupai ri abbatireng ri munrié.

MAZMUR 69:28

Leppessanni asalanna tattamba maéga; aja' naripattongeng mennang.

MALEAKHI 3:17

Makkedai Puwang Iya Pommakuwasaé, “Mancajiwi matu mennang umma'-Ku. Ri esso tinda'-Ku, mancajiwi matu mennang appunnangek-Ku Uwéloriyé. Uwamaséiwi matu mennang, pada-pada séddié ambo' méloriwi ana' iya mattumaniyé lao ri aléna.

MATIUS 10:32

“Nigi-nigi mangakuiwi ri yolona tau maégaé makkedaé maccowéi ri Iyya, Uwangakui towi ri yolona Ambo'-Ku ri surugaé.

LUKAS 10:20

Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

LUKAS 12:8

“Engngerangngi madécéd-décéng: Tau iya mangakué ri yolona tau maégaé makkedaé ana' guruk-Kui, riyangakui towi matu ri Ana'na Tolinoé ri yolona sining malaéka'na Allataala.

ULANGENG 9:14

Aja' mucobai lawa-lawaika. Maéloka paccappui mennang angkanna dé'na nariyéngngeranna. Iyakiya iko Upancajiko matu ambo'na polé riséuwaé bangsa iya lebbi battowaé sibawa lebbi mawatangngé naiya mennang.’

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

YUDAS 1:24

Allataala, iya mulléngngi jagaiwi kuwammengngi nadé' musempé, sibawa mulléngngi tiwiko lao ri yolo-Na iya malebbié sibawa mariyo-riyo temmakkécella.

WAHYU 13:8

Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 19:8

Purani riwéréng pakéyang lénang iya lala'-lala'é untu' napaké.” (Iyaro pakéyang lénangngé iyanaritu sining pangkaukeng makessingngé iya napogau'é umma'na Allataala.)

WAHYU 2:11

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, dé' sises-siseng matu nanrasa-rasa agi-agi ri amaténg iya maduwaé.”

WAHYU 2:7

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'é! Mennang iya pakalaé, Upalaloi matu manréi buwa polé ri pong atuwongngé iya tuwoé ri laleng Tammenna Allataala.”

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.

WAHYU 20:15

Sining tau iya dé'é nariyoki asenna ri laleng Kitta'na Tau Tuwoé, iyaro sining tauwé ribuwangngi ri laleng tasi apié.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 22:19

Sibawa rékko nakurangiwi tauwé séuwa polé ri ada-ada botoéwé, Allataala matu kurangiwi towi polé ri tauwéro bagiyanna iya ripowadaé ri laleng kitta'éwé – iyanaritu bagiyanna polé ri aju atuwongngé sibawa polé ri kota mapaccingngéro.

WAHYU 3:12

Tau iya pakalaé, maélo-Ka pancajiwi selaku alliri ri laleng Bola Mapaccinna Allataala-Ku, naonro matu ri onrongngéro mannennungeng. Asenna Allataala-Ku, enrengngé asenna kotana Allataala-Ku – iyanaritu Yérusalém baru iya maéloé nonno polé ri surugaé, polé ri Allataala-Ku – maélo Uwokii ri aléna tauwéro. Makkuwatoro asek-Ku iya mabarué maélo Uwokii ri aléna.

WAHYU 3:4

Iyakiya ri tengnga-tengngamu ri Sardis engka mupa tau iya jagaé kuwammengngi natette mapaccing pakéyanna. Joppai matu mennanro silaong Iyya sibawa mappakéyang maputé, saba' sitinajai mennang untu' iyaro.

WAHYU 6:11

Tungke'-tungke' mennang riwéréngngi silampa waju iya maputé. Nainappa risuro mennang mappésau cinampe'si, narapi sukkuni jumellana sellao-sellao seperjuwanganna enrengngé saudara-saudarana mennang iya maéloé riyuno pada-pada mennang.

1 SAMUEL 17:25

Makkedai mennang ri padanna, “Itaini! Engkalingani ada-ada angéwangenna! Saul arutta purani majjanci makkedaé nigi-nigi mpunoi Goliat, riwéréngngi matu hadiya battowaé. Napasiyala towi matu arungngé iyaro tauwé sibawa ana'na. Sibawa kaluwargana iyaro tauwé matu ripapéréi polé ri simaé.”