WAHYU 3:4 - KITTA KAREBA MADECENG

⁴ Iyakiya ri tengnga-tengngamu ri Sardis engka mupa tau iya jagaé kuwammengngi natette mapaccing pakéyanna. Joppai matu mennanro silaong Iyya sibawa mappakéyang maputé, saba' sitinajai mennang untu' iyaro.

WAHYU 3:4 ပူးပေါင်းရင်းမြစ်များ

1 ARUNG-NGARUNG 19:18

Iyakiya 7.000 tau ri Israélié Upassalama matu, iyanaritu sining tau iya tette'é matinulu ri Iyya sibawa dé' naengka nasuju' sompai dato-dato Baal iyaré'ga bauwi.”

ESTER 8:15

Purairo nasalaini Mordékhai saorajaé sibawa paké pakéyang arajang magawu sibawa puté, jumba collipao polé ri lénang alusu'é sibawa passigera ulaweng iya magello senna'é. Gora-gora kota Susan nasaba rennunna.

PAKKATOBBA 9:8

Leppessanni rupammu mattappa sibawa maccahaya.

YESAYA 1:9

Akkalarapanna Puwang Iya Pommakuwasaé dé' napaleppe'i siyagangngaré tau untu' idi, binasa sisenni, pada-pada Sodom sibawa Gomora.

YESAYA 52:1

Tokkonno, éh Yérusalém, tokkonno! Pakkasse'i atimmu! Pasangngi pakéyang arajammu! Eh Yérusalém, kota iya mapaccingngé, tau najisi'é dé'na nauttama lalo ri gerbammu.

YESAYA 61:10

Makkedai Yérusalém, “Marennuka nasaba Puwangnge, mariyo-riyoi atikku nasaba Allataala. Pada-pada bottimpurané sibawa makkunraié pakéi bélo-bélo sining magello, makkuwaniro Puwangnge pakkennangekka waju asalamakengngé sibawa apakalangngé.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

YESAYA 64:6

Idi manengngé iyanaritu tau najisi, mala muwi pangkauketta iya makessingngé marota'to sibawa macarépa. Lennye'ki matu nasaba jata pada-pada daung makelle'é naluttureng anging.

ANGIMANGENG 13:48

iyaré'ga bingkulangngé iyaré'ga agi-agi iya riyébbué polé ri bingkulangngé,

MATIUS 10:11

Rékko lettu'ko ri kotaé iyaré'ga ri kampongngé, sappako séddi tau iya maéloé tarimako. Onrono silaong iyaro narapi joppasiko.

MARKUS 16:5

Nainappa muttama'ni mennang ri lalenna tampungngéro. Ri laleng ri seddé atau, naitani mennang séddi kallolo majjumba puté tudang, natassélenna mennang.

LUKAS 20:35

iyakiya sining tau maté iya sitinajaé ripaoto', sibawa tuwo ri wettu mangoloé, dé'na mennang nabotting.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

RIWAYA'NA RASUL-RASUL-E 1:15

Riséuwaé esso, wettunna mennang maddeppungeng – engka kira-kira sératu duwappulo tau hadéré' – tettonni Pétrus untu' mabbicara. Nakkeda,

2 TESALONIKA 1:5

Purai mupéneddingi anrasa-rasangngé nasaba Lino Baruna Allataala, nariyangga'ko matu sitinaja muttama ri lalenna. Kuwaniyé manessa pékkugi adélé'na apettunna Allataala.

YUDAS 1:23

Gettengngi tauwé massu polé ri laleng apié untu' passalama'i mennang. Lao risining tau laingngé sitinajako mappaitangngi paressé babuwaé nasibawang perasaang métau, iyakiya benciwi pakéyanna mennang iya puraé nacarépai sibawa cinnana iya madosaé.

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 11:13

Na iyaro wettué kajajiyanni mpéwang tanaé iya maseroé. Tawa seppulona bagiyanna polé ri kotaéro ancuru', sibawa pitussebbu tau maté nasaba iyaro mpéwang tanaé. Sining tau laingngé métau senna'ni, nainappa mennang napoji arajanna Allataala ri surugaé.

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

WAHYU 19:14

Tentarana surugaé maccowériwi sibawa makkinnyarangiwi sining anyarang puté, sibawa mappakéyang lénang iya maputé mapaccingngé.

WAHYU 19:8

Purani riwéréng pakéyang lénang iya lala'-lala'é untu' napaké.” (Iyaro pakéyang lénangngé iyanaritu sining pangkaukeng makessingngé iya napogau'é umma'na Allataala.)

WAHYU 3:18

Rimakkuwannanaro Upangajariko kuwammengngi melli ulaweng polé ri Iyya, iyanaritu ulaweng iya tuléngngé, kuwammengngi mumancaji sugi. Elli tokko pakéyang puté polé ri Iyya kuwammengngi muwappakéyang enrengngé tongkoi keadaammu iya mallusu-lusué sibawa mappakasiri-sirié. Sibawa elli tokko pabbura untu' riyassapuwang ri matammu kuwammengngi namuwulléi makkita.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.

WAHYU 6:11

Tungke'-tungke' mennang riwéréngngi silampa waju iya maputé. Nainappa risuro mennang mappésau cinampe'si, narapi sukkuni jumellana sellao-sellao seperjuwanganna enrengngé saudara-saudarana mennang iya maéloé riyuno pada-pada mennang.

WAHYU 7:9

Purairo makkitasika, nauwitani lémpe tauwé iya dé'é padanna égana – dé muwi séddi tau iya mullé bilangngi jumellana! Mennang iyanaritu sining tau iya polé ri tungke' bangsa, suku, wanuwa, enrengngé basa. Mappaké jumbai iya maputé-puté sibawa makkatenning takké-takké aju pattuku ri limanna, iyaro sining tau maégaé tettongngi moloiwi kadéra arajangngé mangolo ri Ana' Bimbala'éro.