WAHYU 3:3 - KITTA KAREBA MADECENG

³ Jaji, éngngerangngi paimeng aga iya puraé riyappagguruwang lao ri iko riyolo enrengngé aga iya puraé muwéngkalinga. Pajoppai iyaro enrengngé toba'no polé ri dosa-dosamu. Rékko dé' muwoto', maélo-Ka lao ri iko pada-pada pangaé; nadé' muwissengngi matu uppannapa wettuk-Ku polé.

WAHYU 3:3 ပူးပေါင်းရင်းမြစ်များ

YEHEZKIEL 20:43

Muwéngngeranni matu kuwaro sininna pangkaukeng mappakaciddi-ciddi iya puraé panajisi'i alému. Namaja matu péneddimmu méngngerangngi sininna jaéro.

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

MATIUS 25:13

Nainappa natutu'ni Yésus pakkalarapangngéro makkuwaé, “Rimakkuwannanaro jaga-jagako, saba' dé' muwissengngi essona iyaré'ga wettunna.”

MARKUS 13:33

Jaji harusu'ko jaga-jaga sibawa matike', saba' dé' muwissengngi uppanna wettunna.

MARKUS 13:36

Rékko poléi tenrisenna-senna, aja' lalo napoléiko matinro.

1 TESALONIKA 5:2

Saba' alému missengngi sibawa manessa makkedaé Esso apolénna Puwangngé poléi matu pada-pada panga iya polé ri wennié.

1 TIMOTIUS 6:20

Aga iya puraé ripaddettangekko, jagaiwi iyaro madécéd-décéng, Timotius! Abélaiwi sining assipabbicarang iya dé'é nakkéguna sibawa sining addebbakengngé passalenna gau'-gau' iya secara kalirué riyasengngi “Pangissengeng”.

2 TIMOTIUS 1:13

Accowériwi tonget-tongeng pappagguruwang tongengngé iya puraé uwérékko. Sibawa sitinajako tette' makkatenning ri teppe'é sibawa pammasé iya mancajiyé appunnangetta nasaba masséddiki sibawa Kristus Yésus.

IBRANI 2:1

Iyanaro saba'na na harusu'ki pédé' mattonget-tongeng makkatenning risining pappagguruwanna Allataala iya puraé riyéngkalinga, kuwammengngi aja' tasalaiwi atepperetta.

2 PETRUS 1:13

Ri wettu tuwoku mupa, marasa waji'ka paréngngerangiko lao ri gau'-gau'éro.

2 PETRUS 3:1

Saudara-saudaraku iya upojiyé! Iyanaé sure'ku maduwaé lao ri iko. Ri laleng iya duwa sure'éwé, makkuragaka paompoi pikkirang-pikkirang iya makessingngé ri iko.

2 PETRUS 3:10

Iyakiya Esso apolénna Puwangngé poléi matu pada-pada pangaé. Iyaro Essoé, lennye'i matu langié sibawa oni memmu sibawa anu engkaé ri langié cappui matu ritunu, enrengngé linoé sibawa sininna iya engkaé ri lalenna lennye'i matu.

WAHYU 16:15

“Engkalingai! Polé-Ka pada-pada pangaé! Masennangngi tau iya tette'é sadiya sibawa jagaiwi pakéyanna, angkanna dé' najoppa sibawa mallusu-lusu sibawa mancaji masiri ri yolona tau maégaé!”

WAHYU 2:25

Iyakiya narapi wettu polé-Ku matti, sitinajako tette' maccowériwi aga iya puraé muwappunnai.

WAHYU 2:5

Rimakkuwannanaro, éngngerangngi pékkugi bélanako sempé'na! Toba'no polé ri dosa-dosamu, enrengngé pogau'ni aga iya mupogau'é pammulanna. Rékko dé', maélo-Ka lao ri iko sibawa bébbui ajé lampummuro polé ri onronna.

WAHYU 22:7

Nakkeda Yésus, “Pénessaiwi iyaé! Masitta'ka maélo polé. Maupe'i sining tau iya turusiyéngngi ada-ada botoé ri laleng kittaéwé!”

WAHYU 3:11

Masitta'-Ka polé! Jagaiwi madécéd-décéng aga iya muwappunnangiyé, kuwammengngi nadé' muwi séddi tau malai hadiya apakalammu.

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.

WAHYU 3:2

Rimakkuwannanaro, oto'no, enrengngé péwatangi aga iya engkaé mupa ri iko ri wettu dé'napa namaté siseng. Saba' Upoléiwi makkedaé aga iya mupogau'é, dé'pa muwi séddi sukku ri yolona Allataala.