WAHYU 3:1 - KITTA KAREBA MADECENG

¹ “Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!

WAHYU 3:1 ပူးပေါင်းရင်းမြစ်များ

LUKAS 15:24

Saba' iyaé ana'ku maténi, namakkekkuwangngé tuwosi; teddénni, namakkekkuwangngé rilolongenni paimeng.’ Nappammulana mennang mappésta.

LUKAS 15:32

Iyakiya harusu'ka mappésta sibawa mariyo-riyo, saba' iyaro anrimmu maténi, iyakiya makkekkuwangngé tuwoi paimeng, teddénni, iyakiya makkekkuwangngé rilolongenni paimeng.’ ”

YOHANES 1:16

Pennoi pammasé; dé' appésaunna, barakkakiki.

YOHANES 1:33

Iyaro wettué dé'pa uwissengngi niga Aléna? Iyakiya Allataala iya suroékka maccemmé sibawa uwai pura makkeda ri iyya ‘Rékko muwitai Rohna Allataala nonno, naonro ri yasé'na séddié tau, iyanaritu maccemmé matu sibawa Rohna Allataala.’

YOHANES 20:22

Nainappa nasseppungeng nappase'-Na lao ri mennang sibawa makkeda, “Tarimani Rohna Allataala.

YOHANES 3:34

Saba' tau iya nasuroé Allataala untu' palettu'i ada-adanna Allataala, nasaba pura riwérénni Rohna Allataala sukku lao ri Aléna.

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

EFESUS 2:1

Riyolo matéko secara rohani nasaba madosako sibawa majjalékkaiwi parénta-paréntana Allataala.

EFESUS 2:5

angkanna maté mupi' secara rohani nasaba sining pelanggaratta, Napatuwoki paimeng silaong Kristus. Jaji banna nasaba akessingeng atinna Allataala, naripassalama'ko ri Aléna.

KOLOSE 2:13

Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,

1 TIMOTIUS 5:6

Iyakiya janda iya pojiyéngngi tuwo massennas-sennang, maténi namuni tuwo mupi.

YAKOBUS 2:26

Nah, pékkugi watakkalé iya temmakkéroh-é iyanaritu watakkalé iya maté, makkuwa toniro teppe' temmappangkaukengngé iyanaritu teppe' iya maté.

1 PETRUS 1:11

Nasalidikiwi mennang pékkugi sibawa uppanna iyaro gau'é kajajiyang matu, iya nakkattaiyé Rohna Kristus iya engkaé ri laleng aléna. Iyaro wettué nabotoi Roh-Na lao ri mennang passalenna anrasa-rasang iya harusu'é napéneddingi Kristus sibawa passalenna arajan-Na iya maccinrolaé matu rékko purairo.

YUDAS 1:12

Wettummu pakangka pésta manré, kédo-kédona iyaro sining tauwé napéjariwi pappéneddingngé ri yelle'mu. Saba' manréi mennang sibawa mabuwaja temmasiri, enrengngé banna aléna bawang naéngngerang. Pada-padai mennang ritu ellungngé iya nairié anging, iyakiya dé' napateppa bosi. Pada-pada towi aju-kajungngé iya dé'é napowassélé' buwa namuni wettu buwa-buwani; sining pong ngaju iya puraé ribébbu ure'na sibawa maté sisenni.

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 1:16

Lima ataun-Na makkatenning pitu wéttowing, sibawa polé ri témun-Na massui sipeppa peddang tareng iya matareng wali-waliyé. Rupan-Na mattappa pada-pada mata essoé ri lakessoé.

WAHYU 1:20

Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

WAHYU 1:4

Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.

WAHYU 2:19

Uwisseng sininna mupogau'é – Uwisseng muwamaséi pada-padammu, matinuluko, majjamako, sibawa tahakko manrasa-rasa. Uwissekko makkekkuwangngé majjama lebbi maéga naiya riyolo.

WAHYU 2:2

Uwisseng aga iya muwébbué: majjama laddé'ko enrengngé sabbara senna'. Uwisseng makkedaé dé' muwéréngngi ati tau majaé. Sibawa sining tau iya mangakuiyéngngi aléna rasul, padahal tenniya, purani muwoji, namulolongengngi makkedaé pabbelléngngi mennang.

WAHYU 2:9

Uwisseng sining asussammu; Uwisseng kasiyasiko iyakiya sitongenna sugiko! Uwisseng sining pappétenna iya ripakennaiyékko polé risining tau iya mangakuiyéngngi aléna Yahudi, padahal tenniya; mennang iyanaritu umma'na Ibillisi'!

WAHYU 3:15

Uwisseng aga iya mupogau'é; Uwissekko dé' mumakeccé sibawa dé'to mumapella. Harusu'no sala séddinna!

WAHYU 3:2

Rimakkuwannanaro, oto'no, enrengngé péwatangi aga iya engkaé mupa ri iko ri wettu dé'napa namaté siseng. Saba' Upoléiwi makkedaé aga iya mupogau'é, dé'pa muwi séddi sukku ri yolona Allataala.

WAHYU 3:8

Uwisseng aga mupogau'é. Uwisseng makkedaé dé' nasiyaga awatangemmu; purani muwaccowéri pappagguruwak-Ku enrengngé matinulu ri Iyya. Untu' iko purani Utimpa séddi tange', iya dé'é naulléi tongkoi muwi niga.

WAHYU 4:5

Polé ri kadéra arajangngéro massui cahaya billa'é enrengngé oni letté iya maddalenrungngé. Sibawa ri yolona kadéra arajangngé engka pitu sulo iya malluwa'-luwa'é; iyanaritu iya pitu Rohna Allataala.

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.