WAHYU 22:9 - KITTA KAREBA MADECENG

⁹ iyakiya makkedai lao ri iyya, “Aja'! Aja' musompaka! Sompai Allataala! Saba' iyya ata muto pada-pada iko, sibawa pada-pada saudara-saudaramu sining nabié sibawa sininna tauwé iya turusiyéngngi sining paseng ri laleng kitta'éwé!”

WAHYU 22:9 ပူးပေါင်းရင်းမြစ်များ

2 ARUNG-NGARUNG 17:36

Pakalebbi-Ka, Puwang, iya puraé tiwiko massu polé ri Maséré sibawa akuwasang iya battowaé; sompa-Ka sibawa akkasuwiyangenno akkarobangeng lao ri Iyya.

MAZMUR 45:11

Eh Putri, éngkalingai ada-adakku, allupaini bangsamu sibawa sellaomu.

ASSURENG 34:14

Aja' muwassompa déwata laing, saba' Iyya Puwang, iyanaritu Allataala iya dé'é namaélo ripappadai sibawa muwi aga.

MATIUS 4:9

Nainappa makkeda Ibillisi' lao ri Yésus, “Iya manennaé uwérék-Ko matu, rékko suju'-Ko sompaka.”

LUKAS 4:7

Iya manennaro mancajiwi appunnangem-Mu matu, rékko suju'-Ko sompaka.”

ULANGENG 4:19

Aja' mumadosa nasaba musompai sibawa mattumani lao ri aga iya muwitaé ri langié: mata essoé, kétengngé sibawa wéttowing-wéttowingngé. Naleppessangngi Puwang Allataalamu bangsa-bangsa laingngé sompai iyaro aga-agaé.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 14:7

Iyaro malaéka'é gorai sibawa sadda battowaé, “Etauko ri Allataala, sibawa pojiwi arajan-Na! Saba' wettunna Allataala madélékiwi tolinoé. Sompai Aléna iya pancajiyéngngi langié, linoé, tasi'é sibawa sininna mata uwai.”

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 22:10

Nainappa makkedasi, “Aja' murahasiyakangngi ada-ada botoé ri laleng kitta'éwé, saba' macawé'ni wettunna iya manennaé maélo kajajiyang.

WAHYU 22:18

Lao ri tungké tau iya méngkalingaéngngi ada-ada botoéwé ri laleng kitta'éwé, iyya, Yohanés, mabbéréyangngi papparéngngerangngéwé: Rékko tau iya tambaiyéngngi séuwa ri ada-ada botoéwé, Allataala matu tambaingengngi ri yasé'na tauwéro abala-abala iya ripowadaé ri laleng kitta'éwé.

WAHYU 22:7

Nakkeda Yésus, “Pénessaiwi iyaé! Masitta'ka maélo polé. Maupe'i sining tau iya turusiyéngngi ada-ada botoé ri laleng kittaéwé!”

WAHYU 4:10

iya duwappuloé eppa pamimpingngéro tassulunni ri yolona iya tudangngé ri kadéra arajangngéro, nainappa nasompa Aléna iya tuwoé mannennungeng. Nainappa naggenrungeng mennang sining passigera'na ri yolona iyaro kadéra arajangngé sibawa makkeda,

WAHYU 9:20

Iyakiya sésana polé ri umma' tolinoé iya dé'é nariyuno risining abalaéro, dé'to namaélo salaiwi pangkaukeng limanna muto mennang. Dé' nappésau mennang massompa risining sétangngé, sibawa barahala-barahala ulawengngé, péra'é, tembagaé, batu sibawa ajué iya dé'é naulléi makkita, iyaré'ga maréngkalinga, iyaré'ga joppa.