WAHYU 22:3 - KITTA KAREBA MADECENG

³ Ri laleng kotaéro dé' narilolongeng muwi séddi iya nakennaé tanrona Allataala. Kadéra arajanna Allataala sibawa iyaro Ana' Bimbala'é engkai ri laleng kotaéro. Sining atanna Allataala massompai matu ri Allataala,

WAHYU 22:3 ပူးပေါင်းရင်းမြစ်များ

MAZMUR 16:11

Mujellokekka laleng mattujué ri atuwongngé; ri alé-Muka lolongeng arennung maonaé sibawa ariyo-riyong untu' mannennungengngé.

MAZMUR 17:15

Iyakiya iyya uwita-Ko matu, saba' dé' upasala. Ri wettukku moto, ahadérékem-Mu mébbui atikku marennu.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

YESAYA 51:11

Na sining tau iya ripaleppe'é ri Puwangnge lisui matu muttama'i mennang ri Yérusalém sibawa gora-gora mattappai rupanna mennang nasaba ariyo-riyong mannennungengngé. Marennui mennang sibawa mariyo-riyo, asarang sibawa addarékéngngé lennye'ni.

YEHEZKIEL 37:27

Monro-Ka matu silaong mennang, mancaji-Ka matu Allataalana na mennang umma'-Ku.

YEHEZKIEL 48:35

Sininna témbo'éro lampéna aséra kilo. Namappammula wettuéwé nasenni tauwé iyaro kotaé: “ENGKAI Puwangnge KUWARO!” 128

ZAKHARIA 14:11

Monroi matu sining tauwé sibawa amang ri kotaéro, tenriyancang abinasanna.

MATIUS 25:21

Nakkeda iyaro puwanna, ‘Madécénni, iko iyanaritu pattumani iya makessingngé sibawa matinulué. Nasaba weddikko riyatepperi lao ri iya céddé'é, maéloka mappaddettangengngi iya maégaé lao ri iko. Uttama'no sibawa accowéno massennas-sennang sibawa iyya.’

MATIUS 25:41

Nainappa makkeda matu iyaro Arungngé lao risining tauwé ri seddé abéyo-Na, ‘Addésu'no jahanam! Uttama'no ri laleng api iya dé'é nawedding peddé, iya puraé ripassadiya untu' Ibillisi' sibawa malaéka'-malaéka'na!

YOHANES 12:26

Tau iya maéloé tumaningi-Ka harusu'i maccowéri-Ka; kuwammengngi nasibawa-Ka matu pattumanik-Ku kégi-kégi-Ka engka. Tau iya tumaningiyék-Ka ripakalebbii matu ri Ambo'-Ku.”

YOHANES 13:32

Rékko ripakarajai Allataala naolai Aléna, ripakaraja towi matu ri Allataala naolai Aléna muto. Na Allataala pakarajai matu sibawa masitta.

YOHANES 14:3

Purakuna passadiyangekko onrong, lisu-Ka matu duppaiko, kuwammengngi kéga-Ka engka, engka tokko matu kuwaro.

YOHANES 17:24

Ambo', macinna-Ka kuwammengngi mennang iya tabbéréyangngé lao ri Iyya, engkai sibawak-Ka ri onrong Uwonroiyé, kuwammengngi naitai mennang arajak-Ku; iyanaritu arajang iya nawéréngngék-Ka Ambo'é, nasaba namaséi-Ka Ambo'é riwettu dé'napa naripancaji linoé.

ULANGENG 27:26

‘Tattanroi tau iya dé'é narupaiwi hukkung sibawa pappagguruwanna Allataala sibawa pangkaukeng.’ ‘Aming!’ ”

WAHYU 7:10

Nainappa nasibawang sadda iya battowaé gorai mennang, “Asalamaketta poléi ri Allataala, iya tudangngé ri yasé'na kadéra arajangngé, enrengngé polé ri Ana' Bimbala'éro!”

WAHYU 7:9

Purairo makkitasika, nauwitani lémpe tauwé iya dé'é padanna égana – dé muwi séddi tau iya mullé bilangngi jumellana! Mennang iyanaritu sining tau iya polé ri tungke' bangsa, suku, wanuwa, enrengngé basa. Mappaké jumbai iya maputé-puté sibawa makkatenning takké-takké aju pattuku ri limanna, iyaro sining tau maégaé tettongngi moloiwi kadéra arajangngé mangolo ri Ana' Bimbala'éro.