WAHYU 22:2 - KITTA KAREBA MADECENG

² ri tengnga-tengngana watattanaé ri kotaéro. Ri wirinna saloéro, ri wirinna wali-wali engka aju assalenna atuwongngé, iya mabbuwaé wékkaseppulo duwa sitaung, iyanaritu siseng siuleng. Daunna ripakéi untu' pajjappai bangsa-bangsaé.

WAHYU 22:2 ပူးပေါင်းရင်းမြစ်များ

KAJAJIYANG 2:9

Napatuwoni Puwang Allataala sininna rupanna aju iya magelloé, iya powassélé'é buwa-buwa iya makessingngé. Ri tengnga-tengngana tammengngé tuwoni aju iya mabbéré atuwong, sibawa aju iya mabbéré pangissengeng passalenna iya makessingngé sibawa majaé.

MAZMUR 147:3

Napajjappai tau iya pettu paddennuwangngé, sibawa bebbe'i sining lona mennang.

AMSAL 3:18

Tau iya makkatenning masse'é ri pangissengengngé péneddingiwi matu atuwong iya tongengngé sibawa masennang.

YESAYA 6:10

Namakkeda-Na lao ri iyya, “Kunruiwi pikkiranna sining tauwéro, pataru-taruiwi daucculinna sibawa pabutai matanna, kuwammengngi aja' nakkita, maréngkalinga iyaré'ga majeppuiwi, nagiling ri Iyya sibawa majjappa.”

YEREMIA 17:14

Puwang, pajjappaka, naumancaji madising. Passalama'ka, nausalama matu. Iko bawang upakalebbi!

YEHEZKIEL 47:1

Iyaro worowané natiwika lisu ri sumpang muttama'é Bolana Puwangnge. Uwitai uwai massolo polé ri yawana sumpangngéro lao alau, pada-padato Bolana Puwangnge mangolo alau. Iyaro uwai massolo'i polé ri yawana sumpanna Bolana Puwangnge bagiyang yattang molai benréng yattanna mézbaé.

HOSEA 14:4

Dé' naulléi matu Asyur passalama'ki, sibawa anyarang pammusué dé' naulléi tulukki. Dé'na namakkeda matu lao ri dato'-dato' ébbuta makkedaé mennang Allataalata. Oh Puwang, tamaséiwi sining tau iya dé'é nappunnai niga-niga iya weddingngé mennang nattuwang.”

ZAKHARIA 14:8

Iyaro essoé, massolo'i matu uwai matakkaé polé ri Yérusalém; sitengngana polé ri uwaiéro mattujui matu lao ri Tasi Maté sibawa sitengnganasi lao ri Tasi Tengngaé. Iyaro uwaié massolo'i sillampé taungngé, muwi ri wettu bosié iyaré'ga ri wettu tikkaé.

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

LUKAS 4:18

“Engkai Rohna Puwangngé ri Iyya, saba' pura-Ka nalanti' untu' mabbirittangngi Karéba Madécéngngé lao ri tau kasiyasié. Nasuro-Ka untu' mappallebbangengngi aleppekengngé lao ri tau ritawangngé sibawa ajjappang lao ri tau butaé; untu' paleppe'i tau iya ripanrasa-rasaé

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.

WAHYU 2:7

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'é! Mennang iya pakalaé, Upalaloi matu manréi buwa polé ri pong atuwongngé iya tuwoé ri laleng Tammenna Allataala.”

WAHYU 21:21

Iya seppulo duwa pintu gerbanna poléi riseppulo duwa mutiyara, tungke'-tungke' sumpanna riyébbui polé riséddi mutiyara. Watattanana iyaro kotaé riyébbui polé ri ulaweng tuléngngé, macinnong pada-pada kaca iya lala'-lala'é.

WAHYU 21:24

Joppai matu bangsa-bangsaé ri linoé ri laleng cahayana, sibawa sining arungngé natiwi towi matu asugirenna mennang ri laleng kotaéro.

WAHYU 22:1

Najjelloreng towi iyaro malaéka'é lao ri iyya salo iya mabbéré atuwong uwaina. Iyaro saloé reppe-reppe pada-pada kacaé. Sibawa massolo'i polé ri kadéra arajanna Allataala sibawa Ana' Bimbala'éro,

WAHYU 22:14

Masennangngi sining tau iya sessa'éngngi jumbana gangka mapaccing. Mappunnaiwi mennang ha' manréi buwa polé ri pong atuwongngé enrengngé muttama ri laleng kotaéro lalo ri pintu gerbanna.

WAHYU 22:19

Sibawa rékko nakurangiwi tauwé séuwa polé ri ada-ada botoéwé, Allataala matu kurangiwi towi polé ri tauwéro bagiyanna iya ripowadaé ri laleng kitta'éwé – iyanaritu bagiyanna polé ri aju atuwongngé sibawa polé ri kota mapaccingngéro.