WAHYU 22:1 - KITTA KAREBA MADECENG

¹ Najjelloreng towi iyaro malaéka'é lao ri iyya salo iya mabbéré atuwong uwaina. Iyaro saloé reppe-reppe pada-pada kacaé. Sibawa massolo'i polé ri kadéra arajanna Allataala sibawa Ana' Bimbala'éro,

WAHYU 22:1 ပူးပေါင်းရင်းမြစ်များ

MAZMUR 46:4

muwi majjallo tasi'é sibawa mabbombang, sibawa ténré sining bulu-bulué nasaba pakkunruna.

YESAYA 41:18

Uwébbui matu massolo sining saloé ri bulu-bulu iya makellué; mompoi matu mata uwai ri tengngana tanété. Padang kessi'é Upancajiwi matu tappareng; jompii matu uwai polé ri tana marakkoé.

YESAYA 48:18

Akkalarapanna mupuriyatiwi sining parénta-Ku, na asaléwangemmu pada-padai salo iya dé'é naengka namarakko, sibawa amaupekemmu pada-padai bombangngé ri tasi'é iya dé'é naengka nappésau.

YESAYA 66:12

Saba' makkedai Puwangnge, “Uwérékko matu asaléwangeng pada-pada salo iya massolo'é; asugirenna bangsa-bangsaé ritiwii matu lao ri iko pada-pada salo iya mappennaé. Pada-padako ana' iya ripasusué sibawa riyépa ri indo'na, enrengngé ricapu-capu ri wakkanna.

YEREMIA 17:13

Puwang, Iko ritu paddennuwanna Israélié, umma'-Mu; sininna iya salaiyék-Ko masirii matu. Lennye'i matu mennang polé ri linoéwé nanalao ri linona tau maté. Saba', Iko assalenna uwai atuwongngé purano nasalai mennang, oh Puwang.

YEREMIA 2:13

Pogau'i umma'-Ku duwanrupa dosa: nabbokori-Ka mennang, bubbu uwai pabbéré atuwong untu' tolinoé; naébburengngi mennang aléna kolang milé iya dé'é nawedding tahangngi uwaina.”

ZAKHARIA 14:8

Iyaro essoé, massolo'i matu uwai matakkaé polé ri Yérusalém; sitengngana polé ri uwaiéro mattujui matu lao ri Tasi Maté sibawa sitengnganasi lao ri Tasi Tengngaé. Iyaro uwaié massolo'i sillampé taungngé, muwi ri wettu bosié iyaré'ga ri wettu tikkaé.

YOHANES 13:32

Rékko ripakarajai Allataala naolai Aléna, ripakaraja towi matu ri Allataala naolai Aléna muto. Na Allataala pakarajai matu sibawa masitta.

YOHANES 15:26

Usuroi matu lao ri iko Pattulung iya polé ri Ambo'é. Iyanaritu Roh iya pannessaéngngi matu atongengeng passalenna Allataala. Rékko poléi, mabbéréi matu asabbiyang passalek-Ku.

YOHANES 4:14

Iyakiya tau iya ménungngéngngi uwai maéloé Uwabbéréyang, dé'na namadekkana lettu mannennungeng. Saba' uwai maéloé Uwabbéréyang mancajiwi matu mata uwai ri laleng aléna iya jompié massu sibawa mabbéré atuwong mannennungeng.”

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 21:11

sibawa mattappa enrengngé arajanna Allataala. Iyaro kotaé millakkillang pada-pada batu paramataé, pada-pada batu baiduri pandangngé iya macinnongngé pada-pada kacaé.

WAHYU 21:6

Nainappa makkeda, “Tépuni! Iyya'na ritu mammulang sibawa paccappureng; Iyya'naé Puwang polé ri Pammulanna lettu ri Paccappurenna. Tungke' tau iya madekkaé, Upaénungngi matu cuma-cuma polé ri mata uwai iya mabbéré atuwong.

WAHYU 21:9

Séddi polé ri iya pitu malaéka' iya puraé makkatenningngi sining onrong iya pennoé sibawa iya pitu abala paccappurengngéro laoni ri iyya sibawa makkeda, “Laono mai! Maéloka jellokekko Bottingngé, iyanaritu bainéna Ana' Bimbala'é.”

WAHYU 22:17

Nakkeda Rohna Allataala sibawa Botting Makkunraié, “Laono mai!” Tungke' tau iya méngkalingaéngngi iyaé harusu towi makkeda, “Laono mai!” Niga madekka, sitinajai polé! Sibawa niga iya macinnangiyéngngi, sitinajai mala uwai iya mabbéré atuwonro sibawa cuma-cuma!

WAHYU 22:6

Nainappa makkeda iyaro malaéka'é lao ri iyya, “Iyaé sining ada-adaé tongengngi sibawa weddingngi riyatepperi. Puwang Allataala iya mabbéréyangngéngngi Roh-Na lao ri nabi-nabié, pura suroi malaéka'-Na untu' majjellokengngi lao risining atan-Na aga iya masitta'é harusu kajajiyang.”

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 5:13

Nainappa uwéngkalinga sininna mahlu'é ri langié, ri linoé, ri yawana linoé enrengngé ri laleng tasi'é – rippe'na sininna mahlu'é ri lalenna alangngéwé – makkélong, “Aléna iya tudangngé ri yasé'na kadéra arajangngé, sibawa Ana' Bimbala'éro, iyanaritu iya ripoji-pojiyé enrengngé ripakalebbié kuwaéttopa maraja nenniya makuwasa untu' mannennungeng!”

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.

WAHYU 7:17

saba' Ana' Bimbala' iya tudangngé ri tengnga-tengngana kadéra arajangngéro mancaji matu pakkampina. Nadulungengngi matu mennang lao ri mata uwai iya mabbéré atuwong. Sibawa Allataala matu sussurengngi sininna uwai matanna polé ri matanna mennang.”