WAHYU 21:4 - KITTA KAREBA MADECENG

⁴ Nasussui matu sininna uwai mata polé ri matanna. Dé'na gaga matu amaténg; atassinnaureng, teri, iyaré'ga muwi lasa dé'tona gaga. Gau'-gau' iya malaungngé lennye'ni.”

WAHYU 21:4 ပူးပေါင်းရင်းမြစ်များ

MAZMUR 144:4

Iyaro tolinoé padai siseppungngé anging, pada-pada wajo-wajo labe'é, makkuwaniro atuwonna.

YESAYA 25:8

Puwang Iya Pommakuwasaé pabbinasai matu amaténgngé untu' mannennungeng! Nasussui matu uwai mataé polé ri tungke rupaé, sibawa pabélaiwi atunang iya natanggungngé umma'-Na ri sininna linoé. Puwangnge pura mabbicara, na iyaro gau'é pasti kajajiyangngi.

YESAYA 30:19

Eh iko iya monroé ri Yérusalém, dé' mumatteru matu teri. Maressé babuwai Puwangnge, sibawa nabaliko masitta rékko mangobbiko méllau tulung ri Aléna.

YESAYA 35:10

Sining tau iya ripaleppe'é ri Puwangnge lisui matu; muttama'i mennang ri kota Yérusalém sibawa gora-gora, macora mennang tappana nasaba ariyo-riyong mannennungengngé. Marennui matu mennang sibawa mariyo-riyo; sara nenniya asussangngé lennye'ni.

YESAYA 51:11

Na sining tau iya ripaleppe'é ri Puwangnge lisui matu muttama'i mennang ri Yérusalém sibawa gora-gora mattappai rupanna mennang nasaba ariyo-riyong mannennungengngé. Marennui mennang sibawa mariyo-riyo, asarang sibawa addarékéngngé lennye'ni.

YESAYA 60:20

Untu' alému engka matu mata esso iya dé'é naengka nalabu, sibawa kéteng iya dé'é naengka nalabu. Saba' Iyya Puwang mancaji tajang mannennungeng ri alému maccappa'i matu wettu abbaratammu.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

YEREMIA 31:12

Laowi matu mennang ri Bulu Sion sibawa tappa iya maccahayaé, namakkélotto sibawa marennu nasaba sininna pabbéré-Ku lao ri mennang, iyanaritu gandong, minnya, anggoro, saping sibawa bimbala. Pada-padai matu mennang tammeng iya genne'é uwaina, sibawa dé' naakurangeng agi-agi.

YEREMIA 31:13

Iyaro wettué séréi matu ana'-ana'daraé sibawa masennang ati. Tomatowaé sibawa kalloloé pada-padai masennang, saba' Usaléworiwi matu mennang. Sarana mennang Upinrai mancaji asennangeng, amessénna Upinrai matu mancaji ariyo-riyong.

HOSEA 13:14

Iyaé bangsaé dé' Upassalama'i matu polé ri akuwasanna linona tau maté. Eh amaténg, passanrani saimmu! Pogau'ni jama-jamammu iya paancuru'éro! Dé'na Uwamaséiwi iyaé bangsaé.

MATIUS 24:35

Lennye'i matu langié sibawa linoé, iyakiya ada-adak-Ku tette'i mannennungeng.”

1 KORINTUS 15:26

Bali kaminang poddimonrié napatunru' matu iyanaritu amaténgngé.

1 KORINTUS 7:31

sibawa tau iya malippué sibawa gau'-gau' linoé, sitinajai tuwo samanna dé' narilippui ri gau'-gau'éro. Saba' iyaé linoé, ri laleng keadaanna makkekkuwangngé, lennye'i matu!

2 KORINTUS 5:17

Tau iya masséddiénna sibawa Kristus, mancajiwi tolino mabaru siseng. Iya malaungngé dé'ni gagana – mancaji manengngi mabaru.

2 KORINTUS 6:17

Rimakkuwannanaro, salaiwi iyaro sining tau iya dé'é naissengngi Allataala, sibawa pallaingngi alému polé ri mennang. Aja' sises-siseng musisumpung sibawa iya najisi'é, na-Utarimako matu.

IBRANI 12:27

Ada-ada “siseppi” mappaitangngi makkedaé sininna linoé iya puraé ripancaji rigoccangngi matu sibawa ripaddésu, kuwammengngi iya monroé banna ritu iya dé'é naulléi taggoccang.

2 PETRUS 3:10

Iyakiya Esso apolénna Puwangngé poléi matu pada-pada pangaé. Iyaro Essoé, lennye'i matu langié sibawa oni memmu sibawa anu engkaé ri langié cappui matu ritunu, enrengngé linoé sibawa sininna iya engkaé ri lalenna lennye'i matu.

1 YOHANES 2:17

Linoé sibawa sininna séuwa-séuwaé ri lalenna iya nacinnaiyé rupa tauwé, mattengngangngi lennye'. Iyakiya tau iya maccowériyéngngi élona Allataala, tette'i tuwo lettu mannennungeng.

WAHYU 20:13

Nainappa nabbéréyang tasi'é sining tau maté iya engkaé ri lalenna. Amaténgngé sibawa Linona Amaténgngé nabbéréyang toni sining tau maté iya engkaé ri aléna. Na iyaro sining tau maté ripateppai manenni pahukkungeng siturué pangkaukenna.

WAHYU 20:14

Nainappa Amaténgngé sibawa Linona Amaténgngé riyaggenrungeng ri laleng tasi apié. (Iyaé tasi apié iyanaritu amaténg maduwaé.)

WAHYU 21:1

Nainappa uwita langi iya barué sibawa lino iya barué. Langi mammulangngé sibawa lino mammulangngé teddéng toni, enrengngé lennye'ni tasi'é.

WAHYU 22:3

Ri laleng kotaéro dé' narilolongeng muwi séddi iya nakennaé tanrona Allataala. Kadéra arajanna Allataala sibawa iyaro Ana' Bimbala'é engkai ri laleng kotaéro. Sining atanna Allataala massompai matu ri Allataala,

WAHYU 7:17

saba' Ana' Bimbala' iya tudangngé ri tengnga-tengngana kadéra arajangngéro mancaji matu pakkampina. Nadulungengngi matu mennang lao ri mata uwai iya mabbéré atuwong. Sibawa Allataala matu sussurengngi sininna uwai matanna polé ri matanna mennang.”