WAHYU 20:3 - KITTA KAREBA MADECENG

³ Nainappa iyaro malaéka'é nabuwang iyaro nagaé ri laleng balorang amaténgngé, nainappa nagoncing iyaro peppingngé sibawa naségélé', kuwammengngi iyaro nagaé dé'na naulléi bengnguwangngi bangsa-bangsaé sisebbu taung ittana, riwettu dé'napa nacappu. Purairo harusu'i rileppessang untu' wettu iya dé'é namaitta.

WAHYU 20:3 ပူးပေါင်းရင်းမြစ်များ

MAZMUR 90:4

Untu' alému sisebbu taung padai siessoé, esso iwenni iya labe'énna; pada-pada léléng jagangngé ri wennié.

DANIEL 6:17

Angkanna napparéntang arungngé kuwammengngi naritikkeng Daniél sibawa riyaggenrungeng ri laleng gowa singaé. Adanna arungngé lao ri Daniél, “Tennapodo Allataalamu iya musompaé sibawa matinuluro passalama'ko.”

MATIUS 24:24

Saba' mompoi matu pappassalama'-pappassalama' palsué sibawa nabi-nabi palsué. Napogau'i matu gau'-gau' iya makalallaingngé sibawa mappahérang-hérangngé untu' pabengnguwang, naullé umma'-Na muto Allataala.

MATIUS 27:66

Nalaona ri tampungngé, naségélé'i batu pattongkona sibawa taro tau jaga ri yolona, kuwammengngi nadé'gaga tau ganggui iyaro tampungngé.

MARKUS 4:15

Biné iya teppaé ri lalengngé iyanaritu pada-padai sining tau iya méngkalingaéngngi karéba passalenna pékkugi Allataala mapparénta. Iyakiya maréngkalingana poléna Ibillisi' malai aga iya puraé riyampo ri laleng atinna mennang.

LUKAS 8:31

Iyaro sining sétangngé naéllauwi sibawa masero kuwammengngi dé' naripaddésu' ri Yésus lao ri laleng Balorang Amaténgngé.

2 KORINTUS 11:3

Iyakiya ubata-bataiwi pikkirammu rigodai matu untu' dé' namatinuluna lao ri Kristus, pada-padato Hawa riyolo rigoda ri amaccanna ulaé.

2 PETRUS 3:8

Iyakiya Saudara-saudaraku, iyaro séddié passaleng aja' muwallupaiwi: makkedaé ri laleng pakkitanna Puwangngé, séddié esso dé'gaga sisalana sibawa sisebbu taung – duwa-duwanna pada-pada muwi ri Aléna.

WAHYU 12:9

Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.

WAHYU 13:14

Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.

WAHYU 17:2

Sining arung linoé siyappangaddingngi sibawa aléna, sibawa pabbanuwana linoé mabo'i nasaba ménungngi anggoro appangaddinna.”

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 20:1

Purairo uwitani séddi malaéka' nonno polé ri surugaé. Ri limanna nakkatenningngi goncinna balorang amaténgngé sibawa séddi balenggu iya battowaé.