WAHYU 2:9 - KITTA KAREBA MADECENG

⁹ Uwisseng sining asussammu; Uwisseng kasiyasiko iyakiya sitongenna sugiko! Uwisseng sining pappétenna iya ripakennaiyékko polé risining tau iya mangakuiyéngngi aléna Yahudi, padahal tenniya; mennang iyanaritu umma'na Ibillisi'!

WAHYU 2:9 ပူးပေါင်းရင်းမြစ်များ

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

LUKAS 12:21

Makkuwaniro jajinna tungke' tau iya makkuragaé mancaji sugi untu' aléna, iyakiya dé' nakkuraga mancaji sugi ri matanna Allataala.”

LUKAS 22:65

Maéga mupa ada-ada paccella iya napowadaé lao ri aléna.

LUKAS 4:18

“Engkai Rohna Puwangngé ri Iyya, saba' pura-Ka nalanti' untu' mabbirittangngi Karéba Madécéngngé lao ri tau kasiyasié. Nasuro-Ka untu' mappallebbangengngi aleppekengngé lao ri tau ritawangngé sibawa ajjappang lao ri tau butaé; untu' paleppe'i tau iya ripanrasa-rasaé

LUKAS 6:20

Naitani Yésus ana'-ana' gurun-Na, nainappa makkeda, “Asennanno iko sining tau kasiyasié, nasaba anggotanako umma'na Allataala!

YOHANES 16:33

Iya manennaé Upowadai kuwammengngi mulolongeng asaléwangeng nasaba masséddiko sibawa Iyya. Ri linoé manrasa-rasako matu. Iyakiya pakkasse'i atimmu! Purani Ucau linoé!”

RIWAYA'NA RASUL-RASUL-E 14:22

Ri kota-kotaéro napakkasse'ni mennang atinna sining tau maccowériyéngngi Yésus sibawa napangajarinna iyaro sining tau maccowéé kuwammengngi tette'i maccowé ri Yésus. “Harusu'ki maéga manrasa-rasa riyolo, nainappa weddikki péneddingiwi asennangenna Lino Barunna Allataala,” makkuwaniro iyaro rasul-rasul-é paggurui sining tau maccowériyéngngi Yésus ri kotaéro.

RIWAYA'NA RASUL-RASUL-E 26:11

Maléwe' senna' usissa mennang risining bola assompangngé, passai mennang kuwammengngi nassakkarengngi aga natepperiyé. Makkuwamani pellana atikku lao ri mennang, angkanna laoka ri kota-kota laingngé untu' lellungngi mennang kuwaro.”

ROMA 12:12

Sitinajai Saudara mamménasa lao ri Puwangngé sibawa marennu, sabbara'no ri laleng asussangngé, sibawa mattinetto massempajang.

ROMA 2:17

Iyakiya makkekkuwangngé pékkugi tosi Saudara-saudara? Mangakui Saudara tau Yahudi. Taggattungngi Saudara ri hukkunna agama Yahudié sibawa maloppo nyawana ri laleng assisumpungenna Saudara sibawa Allataala.

ROMA 5:3

Nalebbi naiyaro, marennu tokki ri laleng anrasa-rasangngé, nasaba riissengngi makkedaé anrasa-rasangngé mébbui tauwé mancaji matinulu,

ROMA 8:35

Engkaga mulléi pésangkaiwi Kristus mamaséiki? Naulléga asussangngé pésangkaiwi, iyaré'ga asukkarakengngé, iyaré'ga paccallangngé, iyaré'ga akkadérengngé, iyaré'ga akasiyasingngé, iyaré'ga bahayaé, iyaré'ga amaténgngé?

ROMA 9:6

Tenniya akkattaku untu' powadai makkedaé jancinna Allataala dé' nalakuna; iyakiya dé' nasininna tau Israélié iyanaritu umma' napilé Allataala.

2 KORINTUS 6:10

Namuni ripaesséi atitta, iyakiya tuli masennang tokki. Kasiyasiki riita, iyakiya puraki passugii maéga tau. Paitaki dé' gaga riyappunnai, iyakiya sitongenna riyappunaiwi sini-sininnaé.

2 KORINTUS 8:2

Purani mennang rioji sibawa asukkarakeng-asukkarakeng iya matane'é. Iyakiya ri tengnga-tengngana asukkarakengngéro, marennui mennang sibawa masémpo ati senna'na ri laleng mabbéré sumbangeng untu' tulungngi tau laingngé, namuni kasiyasi senna'i mennang.

2 KORINTUS 8:9

Saba' muwisseng tongeng makkedaé riyamaséi senna'ki ri Yésus Kristus Puwatta: Aléna sugii, iyakiya napakasiyasiwi Aléna untu' apentingemmu, kuwammengngi nasaba akasiyasin-Naro, namusugi.

1 TESALONIKA 3:4

Wettutta sibawa mupi' iko, puraki paissengiko lebbi riyolo makkedaé manrasa-rasaki matu. Na mémeng iyaro tonget-tongenni pura kajajiyang; alému missengngi.

1 TIMOTIUS 1:13

namuni riyolo mappétenna'ka, sibawa maccalla enrengngé pakatunai Aléna. Iyakiya Allataala mamaséika, nasaba iyaro wettué dé'pa umateppe, jaji dé' uwissengngi aga iya upogau'é.

1 TIMOTIUS 6:18

Pangajariwi mennang untu' mappaitangngi akessingengngé, untu' pogau'i maéga gau'-gau' iya makessingngé, masémpo ati sibawa napoji mabbéré.

WAHYU 1:9

Iyya Yohanés, saudaramu iya siputotoé sibawa iko ri laleng anrasa-rasangngé iya napéneddingiyé tungke' iya maccowériyéngngi Kristus. Tahakki manrasa-rasa selaku umma' appunnangen-Na. Ripalika ri Pulo Patmos nasaba uwappallebbangengngi paseng polé ri Allataala, iya napakkasse'é Yésus naolai asabbiyan-Na.

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.

WAHYU 2:2

Uwisseng aga iya muwébbué: majjama laddé'ko enrengngé sabbara senna'. Uwisseng makkedaé dé' muwéréngngi ati tau majaé. Sibawa sining tau iya mangakuiyéngngi aléna rasul, padahal tenniya, purani muwoji, namulolongengngi makkedaé pabbelléngngi mennang.

WAHYU 2:24

Iyakiya iko iya lail-laingngé ri Tiatira dé' naccowériwi pappagguruwang iya majaéro, enrengngé dé' nagguruiwi pangissengeng-pangissengeng Ibillisi'é. Upowadai makkedaé dé' Umaélo tambaingekko tiwi iya patanekiyé.

WAHYU 3:9

Engngerangngi iyaé: Sining tau iya mancajiyé umma'na Ibillisi'éro, sining tau pabbelléng iya mangakuiyéngngi aléna Yahudi, padahal tenniya, maélo Uwébbu angkanna mennang polé suju' ri yolomu. Nanaissengngi matu mennang makkedaé Uwamaséiko.

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.