WAHYU 2:7 - KITTA KAREBA MADECENG

⁷ Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'é! Mennang iya pakalaé, Upalaloi matu manréi buwa polé ri pong atuwongngé iya tuwoé ri laleng Tammenna Allataala.”

WAHYU 2:7 ပူးပေါင်းရင်းမြစ်များ

KAJAJIYANG 2:9

Napatuwoni Puwang Allataala sininna rupanna aju iya magelloé, iya powassélé'é buwa-buwa iya makessingngé. Ri tengnga-tengngana tammengngé tuwoni aju iya mabbéré atuwong, sibawa aju iya mabbéré pangissengeng passalenna iya makessingngé sibawa majaé.

AMSAL 11:30

Tau mateppe'é ritanggungngi matu atuwonna; tau iya mapanré tattambai tau maccowériyéngngi.

AMSAL 13:12

Rékko paddennuwangngé dé' naripennoi, maddéké-rékéi baténgngé; rékko ritarimai cinnaé, masennangngi atié.

AMSAL 15:4

Ada-ada iya makessingngé natambaiwi sumange'é, ada-ada iya papeddiriyé napalemmai cinnaé.

AMSAL 3:18

Tau iya makkatenning masse'é ri pangissengengngé péneddingiwi matu atuwong iya tongengngé sibawa masennang.

YEHEZKIEL 28:13

Onrong muwonroiyé ri Edén, tammenna Allataala. Pakéyammu mubélo-béloiwi maddupa-rupang paramata: batu dalima sibawa intang, topas, batu pirus, batu yakut, ratna, cempaka, batu nilang, zamrud sibawa batu alkai cella. Paréwa ulawemmu maégato. Iyaro barab-barangngé riyébburekko ri esso wettummu ripancaji.

YEHEZKIEL 31:8

Ajukajung camaraé ri Edén, tammenna Allataala dé' nawedding ripappadangngi. Dé'gaga camara iya mullééngngi saingiwi, dé'gaga aju iya makkuwaéro lampéna takkéna. Tongeng, ri tammenna Allataala dé'gaga aju siggeloé aléna.

MATIUS 11:15

Rékko mappunnaiko daucculing, éngkalingai!

MATIUS 13:43

Na sining tau iya pogau'éngngi élona Allataala mattappai matu pada-pada mata essoé ri laleng Lino Barunna Allataala, Ambo'na mennang. Jaji, rékko maddaucculikko, éngkalingai!”

MATIUS 13:9

Puranana nacurita pakkalarapangngéro makkedani Yésus, “Rékko mappunnaiko daucculing, éngkalingai!”

MARKUS 4:9

Purana nacurita iyaro pakkalarapangngé, makkedani Yésus, “Mappunnaikoto daucculing, éngkalingani!”

MARKUS 7:15

Dé'gaga iya polé saliwengngé iya muttama'é ri laleng tauwé mulléi panajisi'i tauwé. Sibalé'na, iya massué polé riséddié tau, iyanaritu panajisi'i. [

MARKUS 7:16

Jaji, rékko mappunnaiko daucculing, éngkalingai.]”

LUKAS 23:43

Nakkeda Yésus lao ri tauwéro, “Ateppe'no, iyaé essoé sibawakko matu Iyya ri Firdaus.”

LUKAS 8:8

Iyakiya engkato biné teppa ri tana macommo'é, natuwo sibawa powassélé' buwa leppe' wékkasératu.” Puranana nacurita pakkalarapangengngéro, makkedani Yésus, “Rékko mappunnaiko daucculing, éngkalingai!”

YOHANES 16:33

Iya manennaé Upowadai kuwammengngi mulolongeng asaléwangeng nasaba masséddiko sibawa Iyya. Ri linoé manrasa-rasako matu. Iyakiya pakkasse'i atimmu! Purani Ucau linoé!”

1 KORINTUS 2:10

Iyakiya pura napannessani Allataala lao ri idi sibawa naolai Roh-Na. Iyaro Rohna Allataala nasalidikiwi sininna séuwa-séuwaé, lettu risining rancanana Allataala muwi iya kaminang tassubbué.

1 YOHANES 2:13

Uwokii lao ri iko, Bapa'-bapa', saba' muwissenni Aléna iya engkaénna ri pammulanna mupa. Uwokii lao ri iko, sining kalloloé, saba' purani mucau Si Majaé.

WAHYU 13:9

Rimakkuwannanaro, rékko mulléi maréngkalinga, éngkalingai iyaé birittaé:

WAHYU 14:13

Nainappa uwéngkalinga sadda polé ri surugaé makkeda, “Okii iyaé: Mappammulai makkekkuwangngé masennangngi tau iya maté ri wettu natumaninginna mupa Puwangngé!” Nappébali Rohna Allataala, “Tongeng! Mappésauwi matu mennang majjama laddé', nasaba wassélé' attumaningenna tuli sibawangngi matu mennang.”

WAHYU 15:2

Purairo uwitani séuwa iya paitaé pada-pada tasi' kacaé sicampuru' api. Uwita towi sining tau iya cauéngngi olokolo'é sibawa dato'-dato'na, sibawa pacau lao ri tau iya asennaé ritanrangi sibawa nomoro'. Sining tau iya pacauénnaro tettongngi ri wirinna tasi' kacaé nanakkatenning towi kacapi iya nabbéréyangngé Allataala lao ri mennang.

WAHYU 2:11

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, dé' sises-siseng matu nanrasa-rasa agi-agi ri amaténg iya maduwaé.”

WAHYU 2:17

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, Upalaloi matu manréi manna iya tassubbué, sibawa tungke'-tungke' tarimai matu polé ri Iyya séddi batu puté. Ri batuéro tarokii séddi aseng iya barué, iya dé'é naissengngi muwi niga, ri lainnaé tau iya tarimaéngngi.”

WAHYU 21:7

Tau iya pakalaé natarimai matu iyaro gau'-gau'é polé ri Iyya. Mancaji-Ka matu Allataalana, na aléna matu mancaji ana'-Ku.

WAHYU 22:14

Masennangngi sining tau iya sessa'éngngi jumbana gangka mapaccing. Mappunnaiwi mennang ha' manréi buwa polé ri pong atuwongngé enrengngé muttama ri laleng kotaéro lalo ri pintu gerbanna.

WAHYU 22:17

Nakkeda Rohna Allataala sibawa Botting Makkunraié, “Laono mai!” Tungke' tau iya méngkalingaéngngi iyaé harusu towi makkeda, “Laono mai!” Niga madekka, sitinajai polé! Sibawa niga iya macinnangiyéngngi, sitinajai mala uwai iya mabbéré atuwonro sibawa cuma-cuma!

WAHYU 22:2

ri tengnga-tengngana watattanaé ri kotaéro. Ri wirinna saloéro, ri wirinna wali-wali engka aju assalenna atuwongngé, iya mabbuwaé wékkaseppulo duwa sitaung, iyanaritu siseng siuleng. Daunna ripakéi untu' pajjappai bangsa-bangsaé.