WAHYU 2:5 - KITTA KAREBA MADECENG

⁵ Rimakkuwannanaro, éngngerangngi pékkugi bélanako sempé'na! Toba'no polé ri dosa-dosamu, enrengngé pogau'ni aga iya mupogau'é pammulanna. Rékko dé', maélo-Ka lao ri iko sibawa bébbui ajé lampummuro polé ri onronna.

WAHYU 2:5 ပူးပေါင်းရင်းမြစ်များ

YESAYA 1:26

Uwéréssiko matu haking-haking sibawa pappangaja pada-pada riyolo. Na Yérusalém riyasengngi matu kota iya adélé'é sibawa matinulué.”

YESAYA 14:12

Eh arung Babél, riyolo wéttowing éléko iya mattappaé, iyakiya makkekkuwangngé sempé'ni polé ri langié! Riyolo mucaui bangsa-bangsaé, iyakiya makkekkuwangngé riyappéyanni ri tanaé.

YEHEZKIEL 20:43

Muwéngngeranni matu kuwaro sininna pangkaukeng mappakaciddi-ciddi iya puraé panajisi'i alému. Namaja matu péneddimmu méngngerangngi sininna jaéro.

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

HOSEA 14:1

Harusu'i rihukkung Samaria nasaba maronta'i méwa-Ka. Matéi matu ra'ya'na ri laleng ammusurengngé; rilélui matu ana'-ana'lolona, sibawa sining makkunrai mattampu'é ripuwé'i babuwana.”

HOSEA 9:10

Makkedai Puwangnge, “Wettuk-Ku bunge' runtu'i Israélié, marennu-Ka pada-pada tau runtu'é buwa anggoro ri padang kessi'é. Wettuk-Ku bunge' mitai toriyolomu, masennak-Ka pada-pada tau mitaéngngi wassélé bunge'na buwa arana. Iyakiya, wettunna mennang lao ri Bulu Péor, mammulani mennang massompa Baal, angkanna mennang mancaji najisi' pada-pada déwata iya napojiyé mennanro.

MALEAKHI 3:4

Na pada-pada wettu riyolo, naéloriwi matu Puwangnge sining akkarobangeng iya riyakkasuwiyangengngé lao ri Aléna polé ri umma Yéhudaé sibawa Yérusaléngngé.

MALEAKHI 4:6

Naébbui matu sining ambo'é sibawa sining ana'é masséddi ati, kuwammengngi dé' Upolé paccappui wanuwammu.”

MATIUS 5:14

Ikona iyanaritu tajanna linoé. Kota monroé ri yasé'na bulu-bulué, dé' nariyulléi subbui.

MATIUS 5:15

Dé'gaga tau palluwa lampu, nainappa natongko iyaro lampué sibawa baku. Mala nataroi iyaro lampué ri onrong lampué, kuwammengngi nabbéré tajang lao ri tungke' tau ri laleng bolaéro.

MARKUS 12:9

Nakkutana Yésus, “Agana napogau' matu iyaro punna dare'é? Pasti poléi matu nanaunoi sining pajjama dare'éro, nainappa nabbéréyang iyaro dare'é lao risining pajjama laingngé.

LUKAS 1:17

Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

LUKAS 20:16

Pasti poléi matu sibawa naunoi pajjama-pajjama dare'éro, nainappa iyaro dare'é nabbéréyangngi lao risining pajjama-pajjama dare' laingngé.” Naéngkalingana iyaro, makkedani sining tauwé lao ri Yésus, “Sitonget-tongenna dé'!”

GALATIA 5:4

Rékko makkuragai saudara simadécéngeng sibawa Allataala naolai Hukkunna Agamaé, bettuwanna iyaro assisumpungemmu sibawa Kristus pettui. Rimakkuwannanaro tuwoko risaliwenna pammaséna Allataala.

FILIPI 2:15

Nanallalengiro muwappaitangngi makkedaé iko iyanaritu ana'-ana'na Allataala iya dé'é gaga cellana, iya tuwoé sibawa matinulu enrengngé tongeng ri tengnga-tengngana tau majaé sibawa madosaé. Na wettunna mupalettu lao ri mennang biritta iya mabbéré atuwong, sitinajako mancaji lao ri mennang pada-pada cahaya iya mattappaé tajangiwi linoé. Rékko tuwoko pada-padaéro, engkana matu alasang ri iyya untu' marasa mingki passalemmu ri Essona Yésus Kristus polé paimeng. Iyanaro buttinna makkedaé perjuwangekku dé' nasiya-siya sibawa usahaku engka wassélé'na.

IBRANI 10:32

Engngerangngi pékkugi keadaanna Saudara-saudara ri wettu labe'é. Iyaro wettué, puranana cahayana Allataala tappako, maéga anrasa-rasammu; iyakiya tette'ko méwa sibawa gegge.

2 PETRUS 3:17

Iyakiya iko, Saudara-saudara iya upojiyé, muwissenni passalenna gau'éro. Rimakkuwannanaro, atike'no, aja' narapiko ritiwi ri laleng apusanna sining tau maja ampé angkammu sempé' polé ri onrong akkellaremmu iya matedde'é.

YUDAS 1:24

Allataala, iya mulléngngi jagaiwi kuwammengngi nadé' musempé, sibawa mulléngngi tiwiko lao ri yolo-Na iya malebbié sibawa mariyo-riyo temmakkécella.

WAHYU 1:20

Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

WAHYU 16:9

Riyangurenni tolinoé ri pellana matire'é, angkanna natanroiwi asenna Allataala, iya makuwasaiyéngngi sining abalaéro. Namuni makkuwaro, dé' namaélo mennang toba' polé ri dosa-dosana sibawa dé' namaélo pojiwi arajanna Allataala.

WAHYU 2:16

Rimakkuwannanaro, toba'no polé ri dosa-dosamu! Rékko dé', dé'na namaitta Umaélo polé ri iko enrengngé musui sining tauwéro sibawa peddang iya engkaé ri bawa-Ku.

WAHYU 2:19

Uwisseng sininna mupogau'é – Uwisseng muwamaséi pada-padammu, matinuluko, majjamako, sibawa tahakko manrasa-rasa. Uwissekko makkekkuwangngé majjama lebbi maéga naiya riyolo.

WAHYU 2:2

Uwisseng aga iya muwébbué: majjama laddé'ko enrengngé sabbara senna'. Uwisseng makkedaé dé' muwéréngngi ati tau majaé. Sibawa sining tau iya mangakuiyéngngi aléna rasul, padahal tenniya, purani muwoji, namulolongengngi makkedaé pabbelléngngi mennang.

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.