WAHYU 2:3 - KITTA KAREBA MADECENG

³ Sabbara'ko enrengngé manrasa-rasako nasaba Iyya, nadé' mupettu paddennuwang.

WAHYU 2:3 ပူးပေါင်းရင်းမြစ်များ

MAZMUR 37:7

Tajenni Puwangnge sibawa ati tennang, tajenni sibawa sabbara narapi tinda'. Aja' mumausé nasaba iya maupe'é atuwonna, iyaré'ga iya pogau'é bellé.

MAZMUR 69:7

Aja' taleppessakka mappapolé siri ri yasé'na sining tau iya mamménasaé ri Iko, oh Puwang, Allataala Iya Pommakuwasaé. Aja' taleppessakka papolé paccella ri yasé'na sining tau iya sompaék-Ko, oh Allataalana Israélié!

MIKHA 7:9

Madosani lao ri Puwangnge, rimakkuwannanaro harusu'ki makkekkuwangngé péneddingiwi cai-Na. Iyakiya dé'na namaitta naéwaiki matu sibawa nawérékki adélékeng. Natiwiki matu massu lao ri tajangngé; aléta matu péneddingiwi makkedaé napassalama'ki.

MARKUS 15:21

Ri tengnga laleng engka séddi tau napassa mennang méssangngi sallina Yésus. Nasitujuwangngi iyaro tauwé nappai polé ri desaé maélo muttama' ri kotaé. (Asenna Simon – assalenna poléi ri Kiréné – ambo'na poléi ri Aléksander sibawa Rufus.)

LUKAS 14:27

Tau iya dé'é namaélo méssangngi sallina sibawa maccowéri-Ka, dé' naulléi mancaji ana' guruk-Ku.

LUKAS 18:1

Purairo nacuritani Yésus séddi pakkalarapangeng untu' paggurui ana'-ana' gurun-Na kuwammengngi natuli massempajang sibawa dé' napettu paddennuwang.

LUKAS 21:19

Rékko mattahakko sibawa sabbara', salama'ko matu.”

LUKAS 5:5

Nappébali Simon, “Bapa' Guru, puppu benniki majjama ladde', nadé'gaga agaga ritikkeng! Iyakiya nasaba Bapa' suroki, madécénni; maélosika pallebba' jala.”

LUKAS 8:15

Biné iya teppaé ri tana macommo'é sinrupai tau iya méngkalingaéngngi iyaro karébaé, sibawa natarona ri laleng atinna iya makessingngé namalempu. Mattahangngi mennang narapi powassélé' buwa.”

YOHANES 15:21

Iya manennaro napogau'i matu mennang lao ri iko, nasaba ana' guruk-Kuko, saba' dé' naissengngi iya suroék-Ka.

ROMA 12:12

Sitinajai Saudara mamménasa lao ri Puwangngé sibawa marennu, sabbara'no ri laleng asussangngé, sibawa mattinetto massempajang.

ROMA 16:12

Sellekku lao ri Triféna sibawa Trifosa iya marejjingngé majjama tumaningiwi Puwangngé, sibawa lao ri Persis iya uwamaséiyé. Pura toni marejjing majjama untu' Puwangngé.

ROMA 2:7

Allataala mabbéréyangngi atuwong tongengngé sibawa mannennungengngé lao ri mennang iya mattunru-tunrué pogau' décéng untu' lolongeng iya malebbié, iya ripakarajaé sibawa mannennungengngé.

ROMA 8:25

Iyakiya rékko maddennuwangiki séuwaé iya dé'éppa nariita, ritajengngi sibawa sabbara'.

1 KORINTUS 13:7

Tahangngi moloiwi sininna séuwa-séuwaé sibawa maélo mateppe' lao ri iya kaminang makessingngé ri tungke' tau; ri laleng keadaang muwi maga iyaro tau mamasé dé' naengka nateddéng paddennuwanna sibawa sabbara'i tajengngi sininna séuwa-séuwaé.

1 KORINTUS 16:16

Uwappétangngarengngi sibawa mattonget-tongeng kuwammengngi muwaccowériwi pappimpinna sining tau iya pada-padaéro enrengngé sining tau laing iya sibawaé majjama kuwaéttopa tumaningiwi massibawa mennang.

2 KORINTUS 10:15

Dé' naripoji aléta nasaba jama-jamanna tau laingngé iya engkaé ri saliwenna pakkaséséng iya napattentungengngékki Allataala. Sibalé'na tette'ki ri laleng sining pakkaséséng iya napattentungengngékki Allataala sibawa mamménasa makkédaé pédé' mateppe'ko lao ri Kristus, kuwammengngi weddikki pogau'i jama-jamang iya lebbi battowaé ri yelle'mu.

2 KORINTUS 11:23

Pattumani-pattumaninnaga Kristus mennang? Samanna riyéngkalinga pada-pada ateddéngenna akkaleng, iyakiya mémeng iyya pattumani iya lebbi kessingngé naiya maneng mennang! Majjamaka lebbi rejjing, lebbi biyasaka riputtama' ri tarungkué, lebbi égaka ripanrasa-rasa sibawa biyasa céddé maté.

2 KORINTUS 4:1

Ripogau'i iyaé jama-jamangngé nasaba asémpo atinna Allataala. Iyanaro saba'na nadé' tapettu paddennuwang.

2 KORINTUS 4:16

Iyanaro saba'na dé' napettu paddennuwang. Namuni secara mallahérekki pédé' tattamba masolakki, iyakiya secara baténg esso-essoki ripancaji baru.

2 KORINTUS 5:9

Rimakkuwannanaro makkuragaki tonget-tongeng untu' pésennangiwi atin-Na, muwi wettutta monro mupa ri bolata kuwaé, iyaré'ga kuwaro.

2 KORINTUS 6:5

risissaki, ritarungku, sibawa riborong; marejjikki majjama, biyasaki dé' tamatinro sibawa biyasa tokki dé' tappunnai inanré.

GALATIA 6:2

Sitinajako sisullé sibantu tanggungngi tiwina tauwé, kuwammengngi nassabariwi muturusiwi paréntana Kristus.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

KOLOSE 1:11

Tennapodo nasibawang akuwasang polé ri Allataala iya marajaé, ripéwatangiko angkanna muwulléi manrasa-rasaiwi sini-sininnaé sibawa sabbara enrengngé masennang ati

1 TESALONIKA 2:9

Tentu muwéngngerang mupi pékkugi tedde'ta makkuraga sibawa méwa. Esso wenniki majjama kuwammengngi nadé' tasussaiwi muwi séddi tau ri yelle'mu wettutta mappallebbangengngi Karéba Madécéng iya polé ri Allataalaro lao ri iko.

1 TESALONIKA 5:12

Saudara-saudara, riyéllauwi sibawa masero kuwammengngi muwangke'i tau iya majjamaé ri tengnga-tengngamu; iyanaritu mennang iya puraé napilé Puwangngé untu' pimpingngi sibawa pangajariko.

2 TESALONIKA 3:13

Iyakiya aja' mucau pogau' décéng.

2 TESALONIKA 3:5

Tennapodo Puwangngé pimpikko untu' lebbi pahangngi makkedaé Allataala mamaséiko sibawa Kristus mabbéré asabbarakeng lao ri iko.

2 TESALONIKA 3:8

Dé' tanréi inanréna tauwé sibawa tenriwaja. Sibalé'na esso wenniki mappallaung maggangka ullé kuwammengngi dé' tasussaiwi muwi niga polé ri yelle'mu.

1 TIMOTIUS 4:10

Iyanaro saba'na méwaki sibawa marejjing majjama, saba' mamménasaki sissukku-sukkuna lao ri Allataala iya tuwoé, Aléna ritu Pappasalama'na sininna tauwé, lebbi-lebbipi sining tau iya mateppe'é.

1 TIMOTIUS 5:17

Pamimping jema'é iya pogau'éngngi jamanna sibawa makessing, sitinajai riwéréng pappakalebbi leppe' wékkaduwa, lebbi-lebbipi mennang iya mapatoé makkatobba sibawa mappagguru.

IBRANI 10:36

Parelluko sabbara, kuwammengngi naulléi pogau'i élona Allataala nanallalengiro natarimai aga iya riyajjanciyang-Na.

IBRANI 12:1

Nah, passalenna aléta, ri mattulilitta engka maéga senna' sabbi! Rimakkuwannanaro, laono mai tabuwang manengngi iya tanekiyékki sibawa dosa iya matterué maddeppé ri idi. Sibawa laono mai tamattunru-tunru laloiwi akkabéttangengngé iya engkaé ri yolota.

IBRANI 13:13

Rimakkuwannanaro, laono mai talao ri Aléna ri saliweng kémaé sibawa maccowé ripakatuna silaong Aléna.

IBRANI 6:10

Allataala tenniya Allataala iya dé'é na adélé'. Dé' nallupaiwi aga iya mupogau'é lao ri Aléna, sibawa pammasé iya muwappitangngé lao ri Aléna wettunna mutulung Saudara-saudara siatepperengngé, riyolo sibawa makkekkuwangngé.

IBRANI 6:12

Dé' taéloriko makuttu. Iyakiya macinnaki kuwammengngi mutuwo pada-pada sining tau iya tarimaéngngi aga iya najjanciyangngé Allataala, nasaba mateppe'i ri Aléna sibawa nasaba mattajengngi sibawa sabbara.

IBRANI 6:15

Mattajenni Abraham sibawa sabbara, nanatarimani aga iya najjanciyangngé Allataala lao ri aléna.

2 PETRUS 1:6

sibawa ri lainnaé mappunnai pangissengeng, harusu tokko mulléi kuwasaiwi alému. Sibawa ri lainnaé mulléi makuwasaiwi alému, sitinaja tokko musahakangngi alému untu' mattahang moloiwi sininna séuwa-séuwaé. Ri lainnaé tahang moloiwi sininna séuwa-séuwaé, harusu tokko tuwo situru élona Allataala.

WAHYU 1:9

Iyya Yohanés, saudaramu iya siputotoé sibawa iko ri laleng anrasa-rasangngé iya napéneddingiyé tungke' iya maccowériyéngngi Kristus. Tahakki manrasa-rasa selaku umma' appunnangen-Na. Ripalika ri Pulo Patmos nasaba uwappallebbangengngi paseng polé ri Allataala, iya napakkasse'é Yésus naolai asabbiyan-Na.

WAHYU 3:10

Nasaba purani muwaccowéri parénta-Ku kuwammengngi muwattunru-tunru, maélo tok-Ka linrungiko polé ri wettu asussangngé iya maéloé kennai sininna linoé. Iyaro gau'é kajajiyangngi matu untu' cobaiwi sininna tauwé ri linoé.