WAHYU 2:16 - KITTA KAREBA MADECENG

¹⁶ Rimakkuwannanaro, toba'no polé ri dosa-dosamu! Rékko dé', dé'na namaitta Umaélo polé ri iko enrengngé musui sining tauwéro sibawa peddang iya engkaé ri bawa-Ku.

WAHYU 2:16 ပူးပေါင်းရင်းမြစ်များ

YESAYA 11:4

Naadélékiwi tau kasiyasié sibawa adélé, tau iya dé'é pakkullénna naadélékiwi sibawa malempu; tau pasalaé nahukkungngi nasaba paréntana, napaccappui tau majaé.

YESAYA 49:2

Naébbui ada-adakku sittareng peddangngé, nasibawang liman-Na muto, nalinrungika. Napancajika pada-pada ana' pana iya riyasaé, sibawa nataroi ri laleng tokkaé kuwammengngi nasadiya ripaké.

EFESUS 6:17

Alai asalamakengngé selaku palo-palo baja, sibawa ada-adanna Allataala selaku peddang polé ri Rohna Allataala.

2 TESALONIKA 2:8

nappai paita iyaro Tolino Majaé. Narékko poléni Puwang Yésus, naunoi matu iyaro Tolino Majaé sibawa nappase' polé ri témun-Na, enrengngé pabbinasai sibawa cahaya ahadéréken-Na.

WAHYU 1:16

Lima ataun-Na makkatenning pitu wéttowing, sibawa polé ri témun-Na massui sipeppa peddang tareng iya matareng wali-waliyé. Rupan-Na mattappa pada-pada mata essoé ri lakessoé.

WAHYU 16:9

Riyangurenni tolinoé ri pellana matire'é, angkanna natanroiwi asenna Allataala, iya makuwasaiyéngngi sining abalaéro. Namuni makkuwaro, dé' namaélo mennang toba' polé ri dosa-dosana sibawa dé' namaélo pojiwi arajanna Allataala.

WAHYU 19:15

Polé ri bawa-Na massui sipeppa peddang iya matarengngé nasibawang iyaro peddangngé nacaui matu bangsa-bangsaé, sibawa mapparéntai matu mennang sibawa tekkeng bessi. Napara'i matu anggoro'é ri laleng apparakeng anggoro caina Allataala Iya Pommakuwasaé.

WAHYU 19:21

Sibawa riyunoi tentarana sibawa peddang iya massué polé ri bawana pakkinnyarang anyarang putéro. Napolé tona sining manu'-manu'é manréi sibawa mallaku-laku jukuna mennang iya riyunoéro.

WAHYU 2:12

“Lao ri malaéka'na jema'é ri Pérgamus, okii makkuwaé: Iyanaé paseng polé ri Aléna iya makkatenningngé peddang iya matareng walié.

WAHYU 2:5

Rimakkuwannanaro, éngngerangngi pékkugi bélanako sempé'na! Toba'no polé ri dosa-dosamu, enrengngé pogau'ni aga iya mupogau'é pammulanna. Rékko dé', maélo-Ka lao ri iko sibawa bébbui ajé lampummuro polé ri onronna.

WAHYU 22:20

Iya palettu'éngngi sininna birittaéwé makkedai, “Tongeng, maélo-Ka polé masitta'!” Aming! Poléni' oh Puwang Yésus!

WAHYU 22:7

Nakkeda Yésus, “Pénessaiwi iyaé! Masitta'ka maélo polé. Maupe'i sining tau iya turusiyéngngi ada-ada botoé ri laleng kittaéwé!”

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.