Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




WAHYU 2:10 - KITTA KAREBA MADECENG

10 Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.

အခန်းကိုကြည့်ပါ။ ကော်ပီ




WAHYU 2:10
36 ပူးပေါင်းရင်းမြစ်များ  

Ri laleng alippukku uwasengngi purana nabbéyang Puwangnge polé ri yolo-Na. Iyakiya purani Naéngkalinga paréllaukku wettukku mangobbi ri Aléna.


“Ojiki seppulo esso ittana; wérékki banna ukkaju sibawa uwai untu' inanré sibawa énungetta.


Nasitujuini iyaro pegawé sibawa pakangkai iyaro percobaangngé seppulo esso ittana.


Okii iyaro, saba' makkekkuwangngé dé'pa nawettunna. Iyakiya iyaro wettué masitta'i polé, na aga iya Upannessaé lao ri iko pasti kajajiyangngi matu. Namuni paitai samanna maitta mupa, iyakiya tajeng bawanni! Iyaro wettué pasti poléi matu sibawa dé'na naripasoro matu.


Ribenciko matu ri sininna tauwé nasaba muwaccowéri-Ka. Iyakiya tau iya tahangngé lettu ri paccappurenna ripassalama'i matu.


Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.


Iyakiya tau iya mattahangngé lettu ri paccappurengngé, ripassalama'i matu.


Nabenciko matu sininna tauwé nasaba ana' guruk-Kuko. Iyakiya tau mattahangngé lettu ri paccappurengngé, ripassalama'i matti.”


Saba' tau iya maéloé méwaiwi atuwonna, ateddéngengngi matu atuwong. Iyakiya tau iya makkarobangengngéngngi atuwonna untu' Iyya sibawa untu' Karéba Madécéng polé ri Allataala, napassalama'i matu.


Iyakiya riwettu dé'napa nakajajiyang manenro, ritikkekko matu sibawa ricalla. Riadélékiko matu risining bola assompangngé sibawa riputtama' ri laleng tarungkué, enrengngé riyassarénréngekko matu lao ri yolona sining arungngé sibawa sining tomakuwasaé nasaba muwaccowéri-Ka.


Tau iya mamaséiyéngngi atuwonna, ateddéngengngi matu atuwonna. Iyakiya tau iya benciyéngngi atuwonna ri linoéwé, napiyarai matu untu' atuwong mannennungengngé.


Yésus sibawa ana'-ana' gurun-Na mattengngang manré wenni. Purani naputtama' Ibillisi'é ri laleng atinna Yudas ana'na Simon Iskariot niya' untu' bali'bellariwi Yésus.


Natarimana Yudas iyaro rotié, muttama'ni Ibillisi' ri laleng atinna. Nainappa makkeda Yésus lao ri aléna, “Pogau'ni masitta aga maélo mupogau'.”


Iyakiya dé' upaduliwi atuwokku, assaleng uwullé muwi paccappui jamang iya nawéréngngékka Puwang Yésus sibawa assaleng matinulu muka lettu ri ajjalekku untu' mabbirittangngi Karéba Madécéngngéro passalenna pammaséna Allataala.


Iyakiya mappébaliwi, “Aga gunana Saudara teri pada-pada iyaé angkanna muwébbui atikku ancuru? Sadiyaka tenniya bawang untu' ritikkeng kuwaro, iyakiya muni untu' maté nasaba Puwang Yésus.”


Tungke' tau iya mattengngangngé ri laleng latihangngé, tahangngi aléna ri laleng sininna passalengngé. Napogau'i iyaro nasaba macinnai ripaggénoi bunga apakalang, iyanaritu bunga iya dé'é namaitta namakelle. Iyakiya idi'é ritahangngi alé ri laleng sininna gau'é nasaba macinnaki ripaggénoi sibawa bunga apakalang iya dé'é namakelle matu.


Iyaro wettué muwaccowériwi sining abiyasanna linoéwé; bettuwanna matinuluko lao ri panguwasana langi marajaé iyanaritu roh iya makuwasaiyéngngi makkekkuwangngé atinna sining tau iya dé'é namatinulu lao ri Allataala.


Saba' mammusuki tenniya méwai tolinoé, sangadinna méwai awatangenna sininna sétangngé iya makuwasaiyéngngi wettu iya majaéwé. Riyéwai awatangenna roh-roh majaé iya makuwasaiyéngngi langié.


Masennangngi tau iya mattahangngé ri wettunna péneddingi paccobang. Saba' rékko naulléi mattahang ri laleng paccobangngé, natarimai matu sarona, iyanaritu atuwong iya puraé najjanciyang Allataala lao risining tau iya mamaséiyéngngi Allataala.


Na ri wettunna polé matti iyaro Pakkampi Marajaé, tarimako matu passigera' iya lala'-lala'é, iya dé'é matu nabellang lala'-lala'na.


Sitinajako matike' sibawa sadiya-sadiya! Saba' Ibillisi' iyanaritu balimmu. Pada-padai singaé iya joppaé lao tulili nangngautto sappai nanréna.


Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.


Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.


Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.


Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”


Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.


Uwisseng sining asussammu; Uwisseng kasiyasiko iyakiya sitongenna sugiko! Uwisseng sining pappétenna iya ripakennaiyékko polé risining tau iya mangakuiyéngngi aléna Yahudi, padahal tenniya; mennang iyanaritu umma'na Ibillisi'!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ